86
1
1
港鐵觀塘站 A2 出口, 步行約5分鐘 繼續閱讀
電話號碼
34683509
付款方式
Visa Master 現金
其他資料
Wi-Fi
酒精飲品
加一服務費
食評 (92)
之前聽朋友推薦過依間係觀塘既樓上餐廳,今日同男朋友去食晚餐,一去到已經見到好多人排隊,等左大概20分鐘先有位,不過見到咁多人都食即刻好期待😛特別既係餐廳係用QRcode落單,好方便又吾驚落錯單鹹蛋黃薯條($68)平時好少見到有鹹蛋黃味既薯條,所以見到即刻叫😛薯條新鮮炸起熱辣辣好香脆,粗幼度岩岩好,而且每條都有好重既鹹蛋黃味,味道帶鹹香好正蘆荀煙三文魚南瓜菠菜汁意粉($98)煙三文魚既份量好多,咸鮮既味道同清新既菠菜汁好夾,而且意粉好多汁口感好creamy🥰煎蛋煙三文魚牛油果多士($88)煙三文魚配牛油果係我最鍾意既配搭❤️球狀既牛油果蓉鋪滿多士,口感清新,將煎蛋既蛋汁流落多士到再加埋煙三文魚一齊食口感豐富好正🥰值得一提既係多士烤得好外脆內軟,包包控一定要食😛榛子,朱古力,焦糖香蕉梳乎厘班戟($134)可以揀加楓糖漿/吾加,而且可以加$15配movenpick雪糕,我地揀左朱古力味,一見到pancake既賣相已經覺得好靚,仲有原粒既榛子,香蕉仲有層焦糖係面,口感帶脆,梳乎厘充滿空氣感,入口鬆軟,食落去有啖啖蛋香同朱古力忌廉,食完感覺好幸福啊好有係日本食梳乎厘既味道🥰 繼續閱讀
(以上食評乃用戶個人意見 , 並不代表OpenRice之觀點。)
等級4 2020-06-24
326 瀏覽
話說上次同朋友去左Cobber Coffee and Tonys Pastry食,收據單上印了憑單下次再去食會有85折,職員說是以發單日期計起30天內可使用,所以今日再同啲同事去食lunch。我地約1點45分先去到,避過了人潮,所以直接入座不用等位。環境潔淨寬敞,坐得舒服。這裡是用QR code自助下單,所以沒有收取加一服務費也合理。Lunch time飲品半價,但質素就不過不失。煙三文魚南瓜菠菜意粉最近想食fresh d,所以揀左呢個煙三文魚意粉,先講意粉,菠菜意粉?!原來只係普通意粉,還好個醬汁搭救到,有波菜味但就冇南瓜味?!煙三文魚就有三大塊,味道唔會過咸,整體泥講都算match。明太子忌廉大蝦燉飯同事叫嘅明太子忌廉大蝦燉飯,真心推介!!!好多隻大蝦,一點都唔吝嗇,入口爽彈。明太子忌廉汁好夠味,微微的辣,唔會過膩,非常飽肚。成碟粉紅色,好少女喔。香蒜蟹肉意粉叧外兩個同事都揀左蟹肉意粉,真係用一絲絲真嘅🦀蟹肉,而且份量都好多,食到底都仲有!榛子、朱古力、焦糖香蕉、梳乎厘班戟最後叫左個梳乎厘班戟share食,真係梳乎厘同班戟嘅結合!唔會話好空氣感咁,食完唔知自己食左乜,而且蛋味重又唔會太甜太膩,伴碟嘅焦糖香蕉都做得好出色,焦糖面非常薄脆!85折後人均只需$143,係觀塘區泥講,西餐來說呢個價位算平。 繼續閱讀
(以上食評乃用戶個人意見 , 並不代表OpenRice之觀點。)
等級4 2020-06-09
1742 瀏覽
經朋友推介,位於觀塘apm付近的商業大廈有一間神秘的coffee shop。店舖位於一樓,但𨋢直到2樓,問店員原來答𨋢到2樓,行樓梯落一層就到,難怪朋友會話係神秘coffee shop😌收工時間7點去到,已坐無虛席,十分熱鬧。排在我們之後已經要等位了,唔知餐廳可否book枱呢?!店員熱情地講解scan單號上的QR code 便可落單,調味料同水都是自助式。眼見每枱都有點班戟,肯定是必食之選。首先點了榛子,朱古力,焦糖香蕉梳乎厘班戟,每個都是新鮮制作,故要30分鐘等候,正所謂慢工出細貨。班戟蛋味香濃,口感QQ,配上用焦糖燒過的香蕉,只是聞到那股甜甜的蛋香味已經流哂口水😋,作飯後甜品也不消5分鐘已被我2人ko!主菜點了肉醬意粉和Cobber noodles。肉醬意粉算是普遍菜式,但愈是普通亦愈見廚師功夫。這裡的用上多種芝士,味道十分濃郁豐富,加上大量牛肉碎,小小的一碟已填滿了我的食慾!😆Cobber noodles 點了小辣,不會太刺激,影響味蕾。如不夠辣可用辣椒仔彌補。飲品點了外面比較少有的椰子咖啡碎冰。可先品嘗了淡淡香的椰子碎冰,之後再加上咖啡,這樣就可以一杯飲品,2種享受。🤩 繼續閱讀
(以上食評乃用戶個人意見 , 並不代表OpenRice之觀點。)
等級6 2020-06-05
1024 瀏覽
不少餐廳都會選擇工廠區開設餐廳,因為地方夠大又寬敞,而且租金都較便宜,近來有間位於觀塘工廠區內的樓上餐廳,成為了人氣大熱之一餐廳「Cobber Coffee and Tonys Pastry」,主打人氣追捧的梳乎厘班戟成為店中招牌,又捲起新一浪的熱潮,餐廳位於世貿大樓1樓,如果搭升降機,就要按2樓再落樓梯落去1樓正在晚上8時,人氣大熱的餐廳果然座無虛席,排隊等候都要等20分鐘或以上,為了品嚐心愛的梳乎厘班戟,我決定等侯下去環境寬敞接近有千呎,以深啡色木製枱櫈及皮革的沙發卡位打造出簡約舒適的環境,大部份座位都有插座,店中更有60分鐘免費wifi使用由店員帶領入座,店員都好有禮貌介紹了店中的運作,餐廳用餐區兩邊設有自助調味及飲用水,提供自助形式服務,店中是沒有實體餐牌,客人都用QR code 掃碼點餐,點餐中可以調較客人口味及把食物叫起,不過店員都好細心提醒客人留意有冇把點菜紙送單才確認,圖文並茂,都好清晰,使用簡單方便。餐單的種類分了多士三文治、乳酪、小食、意粉、飯類、雪糕、窩夫、梳乎厘班戟等等…飲品方面除了咖啡都有非咖啡類,有茶、朱古力、特製飲品、碎冰飲品、樽裝飲品等…食物飲品種類都多元化,價錢公道合理友人選擇了鮮奶伯爵茶($42),識飲當然要選擇全脂奶,茶味雖然不會太濃厚,但多了一股清爽感,在佛手柑以外添上了柑橘香氣,不苦不澀,豐厚幼滑綿密的奶泡,再加上全脂奶的香醇滋味,每一口都是絲絲細膩的奶茶香,讓你感到滿心歡喜健康茶品之中,我選擇了檸檬草茶(香茅茶)($32),都是廣泛的一種茶飲,不少人以為檸檬草就是好似檸檬般一樣酸,這個誤解真是大錯特錯,檸檬草泡茶,對我們身體真是有很多功效和作用,不單可以有養顏美容、健脾益胃、調節油脂分泌等之外,現時在這新冠肺炎的陰影下,不妨飲此茶,茶水氣味芬芳,最重要是有殺菌抗病毒的作用,平日飲用可以預防疾病,增加免疫力麵包類中友人與我都一致挑選了這個煎蛋煙三文魚牛油果多士($88),新鮮牛油果蓉堆成雪糕球狀,份量真是很多,入口即溶,與煙韌富有麥香的麵包,再夾雜油潤甘香的煙三文魚伴食,澎湃的美味簡直難以抵抗,感覺清新又健康,另一個焦點是隻太陽蛋,店中主打用日本雞蛋,刺穿蛋汁,麵包吸盡蛋汁的精華,濕潤滑溜,蛋香味濃,幸福感已經洋溢出來了主菜方面大家都想食意粉,我們點了店中招牌之一的cobber noodles($88),即是辣蕃茄蓉大蝦意粉,可以有辣或晤辣,而我就選擇了小辣,香辣伴著蕃茄蓉的酸甜,而意粉掛滿香濃蕃茄汁,同時醬汁吸收了大蝦的鮮味,配搭蒜蓉、洋蔥,味道辛辣惹味又酸香清爽,而辣味都不會嗆喉,滋味無窮萬眾矚目的梳乎厘班戟終於端上來,餐牌中的梳乎厘班戟都有多款口味,除了原味,還有士多啤梨香蕉、芒果、榛子朱古力、綠茶紅豆等…吸引到我的,今次品嚐榛子、朱古力、焦糖香蕉梳乎厘班戟($119),另加了$15一個意大利品牌的Movenpick 雪呢拿雪糕,店員之前都有提及梳乎厘班戟製作需時,約15至40分鐘,客人自己要因應時間pick up個甜品吃之前一定多影幾張相,外觀也好治癒,出面店都多數俾兩件,此店都比出面更慷慨,一個order已經有三件梳乎厘班戟,滿滿朱古力忌廉跟榛子粒鋪在上面,伴碟有不少燒至焦糖面的鮮香蕉粒,梳乎厘充滿空氣感的鬆軟,還有陣陣的雞蛋香,夾雜豐厚香甜朱古力忌廉、榛子粒及焦糖香蕉佐食,教人已經心動不已,不單只是吃緊梳乎厘班戟,而是一口接一口的幸福感,愛吃甜點的女生絕對為它傾倒,來到一定要試試啊!雖然自助形式落單、斟水,但服務員都好主動巡枱、收碟,熱誠細心服務真是抵讚,最重要食物水準真是一流,高質食材打造美味佳餚,難怪吸引大批人一窩風而來 繼續閱讀
(以上食評乃用戶個人意見 , 並不代表OpenRice之觀點。)
等級4 2020-05-31
1140 瀏覽
放咗太耐無薪假,開始返工真係有啲唔習慣,忙碌咗成日放工好想食啲甜品放鬆一下,好姊妹話要帶我嚟佢公司附近新開嘅Cobber Coffee & Tonys Pastry嘗鮮😁辣蕃茄醬大蝦意粉 - 辣($88):可以選擇唔同辣度呢點好貼心,蝦肉彈牙份量唔少,但意粉煮得硬咗少少!醬汁好有驚喜, 香辣蒜香加埋蕃茄嘅酸甜,醬汁濃稠惹味有層次,辣味會慢慢滲出嚟!❤️❤️❤️好食到差啲想唔同好姊妹分享,自己一個自私食🤣炸芝士拼盤 - 2條芝士條、8粒芝士角($58):熱辣辣上枱要小心燙嘴,芝士條外層金黃香脆,包住滿滿半溶拉絲芝士🤤芝士角入面係芝士味勁香濃嘅流心半熟芝士,好惹味又好邪惡,好彩份量唔多罪惡感可以減半🤗雜莓乳酪碎冰($48):士多啤梨乳酪碎冰($48):士多啤梨同乳酪都係我最愛, 酸酸甜甜,碎冰打得好細緻飲落好滑身😍榛子、朱古力、焦糖香蕉梳乎厘班戟($119)+MOVENPICK楓糖合桃雪糕($15):梳乎厘班戟空氣感十足,淡淡蛋香口感鬆軟,配上朱古力忌廉香脆榛子同榛子醬甜而不膩,楓糖漿配香脆合桃雪糕好清甜,配埋一齊絕對係絕配,令人有滿滿嘅幸福感❤️❤️餐廳用QR Code自助點餐,埋單亦只需要拎返張紙出cashier好方便,不過水要自己出去拎! 店員主要係負責出菜,可能因為呢個原因所以餐廳係無收加一! 繼續閱讀
(以上食評乃用戶個人意見 , 並不代表OpenRice之觀點。)