388
27
6
港鐵尖沙咀/尖東站 B1 出口, 步行約4分鐘 繼續閱讀
所有分店 (3)
電話號碼
23456856
開飯介紹
這間樓上咖啡店,店內張貼各種有趣金句,裝修大玩幽默風格。而其菜式名字亦極有幽默感,使用的食材也較獨特。如奶油燉飯改用豆漿,Pizza更設有鹹蛋口味。 繼續閱讀
營業時間
今日營業
12:00 - 22:00
星期一至日
12:00 - 22:00
付款方式
現金
其他資料
網上訂座
電話訂座
賞訂座積分
食評 (441)
好一段時間無黎過啦!!!今日專程book左位同朋友黎,好彩有book,全場full咁濟呀!!!呢日想食飯,所以我就要左份“墨魚汁燉飯”HKd$126+10%之後要左一份“明太子薯條(細)”HKd$45+10%同朋友share我既燉飯好快黎到,未食已經聞到香氣!!個飯除左有炸墨魚圈之外,仲有花枝滑同洋蔥粒混合係燉飯之中,味道不錯:)之後既明太子炸薯條都隨後黎到!呢度係用既係粗身薯條~~~香脆金黃既脆薯配上咸香既明太子,配搭無誤啊!!!我同朋友各自揀左不同既飲品,我要左杯凍既“越南滴滴咖啡”HKd$54+10%~~越南咖啡會配上練奶,所以味道飲落特别特:)而朋友就要左既“益力多柚子沙冰”HKd$48+10%朋友話佢呢杯好fresh,好適合夏天飲仲話酸酸甜甜咁,好解膩 繼續閱讀
(以上食評乃用戶個人意見 , 並不代表OpenRice之觀點。)
等級4 2020-08-24
7755 瀏覽
第3 round疫情爆發連平時呢間超長隊都有位經過見到即刻去食本身啲座位都有距離,唔會太迫加上而家兩個人一枱,十分鬆動店內裝修極花心思坐邊都係一個打卡位坐低先送上一支烈酒造型嘅水十分有型,已經呃咗我影相Menu上嘅菜名非常搞笑自己黎睇下🤣嗌咗2個main,1份小食同1杯飲品小食: 明太子薯條舖滿咗滿滿嘅明太子係上面薯條熱辣辣驚喜係仲有多一份明太子俾你主菜1: 蟹蟹蟹go扁麵包括有蟹子蟹膏蟹肉蟹肉嘅份量之多,同意大利粉可以話係一比一!帶一點點辣,食落非常之惹味絕對係令人會回頭嘅一道菜!主菜2:牛扒扒扒呢個真係勁抵食$150幾蚊有一塊扒,超多嘅沙律菜仲有一小碗冷烏冬先講配菜,沙律菜唔係得啲生菜,係仲有火箭菜,藍莓,紅莓陪襯而嗰碗冷烏冬,真係夠凍,配上麻醬汁同木魚,好味道仲有附上嘅蝦片,配埋酸辣醬食,脆卜卜!到主角牛扒望落以為煮熟曬不予厚望點知咬落軟林,重牛味完全係勁驚喜而且調味啱啱好好食過好多高級餐廳賣幾百蚊一塊嘅牛!叫咗柚子益力多核打正常,唔會太甜餐廳服務員後生為主做嘢醒目快手上菜都好快本來以為只係一間打卡餐廳點知食物味道令人非常有驚喜價錢又合理絕對會再encore! 繼續閱讀
(以上食評乃用戶個人意見 , 並不代表OpenRice之觀點。)
等級4 2020-08-18
5268 瀏覽
尖沙咀開咗Mamaday咁耐都未嚟過,次次都好多人!之前銅鑼灣嗰間就食過,好欣賞設計風格。尖沙咀呢間店地更加大,處處設計都有驚喜。食環璄chill chill,食物不錯錯!愚蠢嘅人類要來啦!左下角仲有隻豬恥笑大家,可愛!有蟹GO又有蟹肉的蟹蟹蟹意大利扁麵 $128Crab crab crab meet crab butter fettuccine蟹肉一舊舊多多多,蟹類多種種!份量唔算多,但食食下又飽嫁喎!有少少西芹帶汁帶清新,幾好。仲要好多蟹籽,真係蟹蟹蟹麵!蟹子同蟹肉多到結球波子咁,食落蟹味滿滿,滿足!蟹肉新鮮!感覺上蟹肉仲多過啲麵,可想言之蟹既份量有幾多!麵質爽口!唔好抱咁大期望蒲燒鰻魚蛋包飯 $124Mamaday unagi omurine日本進口雞蛋,正!如果想要原條鰻魚就加多$28,今日唔算太餓就半條都ok!麻油味好重,緊接其後嘅就係木魚。飯量好多啦!蛋包飯既蛋好給力,鋪滿整個飯!蛋汁出現配上鰻魚汁甜甜吸引!鰻魚半條都好夠食,見到隔離所以一條,情況震撼,哈哈好靚好有食慾!燒過嘅肉桂好鬼香 $56Cinnamon coffee 用肉桂飲咖啡,一條飲管咁。肉桂味上頭,甜度香濃度岩岩好。杯子設計玩味! 繼續閱讀
(以上食評乃用戶個人意見 , 並不代表OpenRice之觀點。)
等級4 2020-08-11
4739 瀏覽
餐廳佈置大玩玩意, 趣緻畫像, 七彩figure 、繽紛的乾花 和霓虹燈,令人心心眼, 十分有心思,令我恍然置身在七彩繽紛世界裏面, 提供好多靚靚打卡位, 連餐牌的設計都好似一本畫冊, 食物亦配上得意的名稱,十分創意和搞鬼。有蟹go又有蟹肉的蟹蟹蟹意大利扁麵$128意大利扁麵軟硬適中 , 口感濕潤 , 每條麵掛上鮮味醬汁,味道細緻驚喜, 還配上大量的蟹肉、蟹膏、蟹柳和蟹子, 令人垂涎 , 真是鮮味無窮, 最喜歡已經被剝殼的蟹鉗, 食得方便,十分享受。唔好咁大期望蒲燒鰻魚蛋包飯$128( +$28蚊升級原條鰻魚)升級鰻魚, 足一條鰻魚份量, 肥美誘人, 賣相非常吸引, 表面燒到微微焦香, 香氣四溢, 配上甜甜的燒汁 ,大口咬下去,肥美無骨 ,香甜嫩滑, 鰻魚魚身蓋著的是滑溜的蛋包飯, 雞蛋選用日本進口 的 , 色澤金黃, 蛋香迷人, 配埋軟硬適中珍珠米 , 每口飯沾上甜甜的燒汁、 嫩滑的雞蛋 , 與肥美的鰻魚一齊吃 , 令人滿口油香, 啖啖是幸福的滋味, 還配上大分量的木魚絲伴碟 ,誠意十足 ,非常搭配, 好有東瀛風味。 繼續閱讀
(以上食評乃用戶個人意見 , 並不代表OpenRice之觀點。)
等級4 2020-07-29
135 瀏覽
#lifeforfood_尖沙咀Mamaday💛應該無乜人唔識 之前再去左尖沙咀嘅分店 (期待疫情之後去佐敦😂) 一樣唔係麻麻地 !呢間分店大過cwb但位都多左 感覺上少左d空間感 但裝飾擺設一樣無得輸好鬼馬. 黑到爆炸墨魚圈墨魚滑墨汁燉飯 . $126呢個齋望都覺得墨魚圈好cripsy! 但望落d飯好似一舊舊咁 原來食落都係軟身 唔似外表😂 以為硬到係一舊 原來係沾滿左佢d墨汁嘅墨魚滑😂😂有少少驚喜唔係得幾個圈同飯. 好邪惡嘅咸蛋牛油果蟹肉比薩咩叫減肥 . $132用料非常豐富 牛油果🥑每塊pizza都有兩三舊 仲有每塊都有隻蟹鉗仔同蟹肉🦀🤤🤤上面鋪滿撈左咸蛋嘅芝士好邪惡😈 pizza薄身好脆 而家中間鋪返d沙律菜好似健康少少🤣. 明太子薯條 . $45 (細)呢個份量啱啱好 以為只有一pat明太子係面?就錯啦 仲有一兜俾你點🤪🤪超貼心 薯條好脆仲係粗薯條🥳🥳不過點埋佢明太子略嫌有d鹹 記住唔好點太多😂. 你今日飲左益力多柚子沙冰未呀? . $48飲品係mamaday我一樣非常期待嘅野黎 因為超多選擇每樣都好想試 尤其個豆腐豆腐咖啡但無哂😭 最後揀左呢個! 天氣熱飲呢杯簡直涼透心 味道又唔會太甜 清新柚子配益力多好夾 不過柚子略嫌有d太搶 建議俾返多d益力多味出黎😂. 德國水蜜桃花茶 . $48叫左走冰賣相好似酒樓飲茶😂😂但飲落甜度啱啱好好有peach味😙😙不過唔算特別小結: 不得不讚佢地張瓷磚枱好靚 影埋d食物好好打卡🙊pizza真心正非常豐富 另外兩樣cp值都高 不過整體食物偏咸(燉飯唔算)所以大家唔好學我地叫咁多重口味嘅野食🤣🤣 飲品會再試 仲有甜品😌留返懲罰佐敦店😋推介: 🌟🌟🌟🌟(最高5星) 繼續閱讀
(以上食評乃用戶個人意見 , 並不代表OpenRice之觀點。)