滬江飯店

Open Now

Now Closed

今晚8個人的聚會在此食店當食客並不出奇, 但一間老字號的上海食店出現北京片皮鴨, 就有點……可能我大鄉里吧!!!一早預訂的一隻$300北京片皮鴨, 我只能說是一般。乳鴿賣相的北京片皮鴨, 原隻上枱時才發現鴨的內臟已全都挖乾; 所以一下刀時, 不知是否空氣流效應, 看到鴨皮與鴨肉自行就分開了。鴨皮是沒有什麼脂肪, 從健康角度來看是不錯; 可惜片皮鴨的口感就立時欠俸了。 鴨肉是沒有什麼味兒, 只是靠蒸熱的餅皮，配上大蔥、小黃瓜與甜麵醬才覺有味道。曾經寫過此店上海菜的食評已不想重複再寫, 不過這間上海老字號食店的上海菜依然是一絕…..美味也!!! 小籠包、醃篤鮮、炒蝦仁、孜然羊肉是必吃之選。

老公鐘意食中菜~牛一就梗係揀番中菜啦~~hahhaa今次就訂咗去滬江大家要去既話就記得要訂枱呀~唔好諗住walk in 入去，十居其九點五都是無得食架!我地就揀咗出名既響鈴火腿夾呢個真是好脆的呀~又不太鹹雖然汁係蜜汁，但又唔覺得太甜~酸辣湯夠酸夠辣~臭豆腐就一般般啦~都係灣仔嗰間好食d醉鴿都夠醉既~跟住就係全晚另一精選啦~就係豆腐餃子啦~係用豆腐做餃子皮好足料架師傅工藝好到家~包到咁都唔爛~~~勁呀!!!但係要食既話就記得係訂枱既時候訂埋啦~唔係既話就一定無得你食~呢個金華火腿蛋白飯就一般啦~

同學聚頭的時間又來了，一直都對此店躍躍欲試，終於儲齊人食，太好了！之前看食評已經覺得這裡有很多外面不容易吃到的上海菜，幾乎大家已經想好要吃什麼，點菜已經夠快，上菜速度更快，不過也有按次序，冷盤先來，然後上湯，一小時的狂風掃落葉，倒也吃得不疾不徐。其實前菜的紫菜花生和菜干甚為香口，吃個不亦樂乎先上來的是鎮江肴肉，偏鹹的肴肉配上鎮江醋，份量不少，肴肉晶瑩剔透，吃進嘴中有微微鹹香。吃醋成狂的我反倒不喜醮醋吃肴肉，但鎮江醋味佳。雪菜炒口磨：口磨其實就是磨菇。雪菜很香，配上磨菇的味道出奇地配合．磨菇切片又未切到底，外形以扇形散開，好看得很。醃篤鮮燉得入味，醃肉的鹹度尚可接受，但吸盡天地精華的百葉結和白菜仔真是超出色。湯燉得奶白味濃，值得安哥．火腿玉樹：芥蘭只有芯沒有葉，而且削去外皮，不會嚼到渣。上面的火腿頗鹹，要包著芥蘭才能吃．松子大桂魚：侍應姐姐說半條已夠我們吃，醬汁甜甜酸酸，炸得恰當，不過魚肉稍少，可能這陣子魚兒也餓著了。大口魚肉和著炸外皮應該更好吃。響鈴火腿夾：我最中意的一道菜，響鈴是炸腐皮，配上蜜汁火腿，用大刈餅包住，脆脆甜甜又有肉香，可以食多兩塊！讚！豆腐餃子：在食評中期待了好久的菜色

心目中這是一間中上的菜館，想不到其運作模式，員工服務態度，都不及一間普通的酒樓！！（本身並不是open rice's member,實在不洩此菜館，故勞師動眾登記，確認，也要上來發表意見）數日前已致電此菜館訂檯，由於貴餐廳設限時交檯，故由七點九的預約改為八點半，八點廿五分到達，已坐滿等入座的人客，到櫃檯講預約時間及人數，只見那位公關揭了又揭他們的簿，像是找不到我們的資料，稍後就對我們說要等陣，這時已覺得奇怪，為何要等？不是訂了檯嗎？咁算喇，反正我們還未人齊，她說等就等，和朋友有說有笑地等，一下子已是八點三十五分，未到的朋友也到齊了，但還未有跡象可以內進，便詢問其公關，她說，還有三張檯，要等多陣，其間有三個單位的人客也是投訴緊為何還未有檯，經過多番催促，理論，最後八點五十分才能入內！疑惑1，實在不明白貴餐館訂檯的定義是什麼！疑惑2，其公關的態度是，等是理所應當的，入面的客人未走，也沒辦法，那麼限時交檯的定義又是什麼？入到去，環境嘈雜的比酒樓還要嘈！檯的密度十分高！用膳其間被人踢櫈腳的次數至少5次！(20:50 in , 22:00 out)之後奇事發生了，裝茶的瓷杯是漏水的！一路斟茶，一

本月9我是第一次到這家菜館食飯，定了7點鐘枱，遲了15分鐘，公關服務員對我說沒枱了，已將枱給了其它客人，我說沒有飯食，她說沒有了，枱不等人，差極的態度，在大發脾氣之下才有枱食飯，已留下極差的印象。是日和母親大人吃飯，點了(1)糖醋魚 – 一向對這款菜式沒有多大的好感，但這次做的更差，魚炸過後 還有一股魚腥味，甜酦醬味也蓋不到腥味(2) 肴肉 - 還可以，一般滬菜的味道(3)素餃子 –餡是素菜做也不會期望太突出，但餃子皮太濕，糊口 (4)酸辣湯 – 比街頭小吃還要差，湯的酸和辣好像分開了，這湯不難做，但這家滬江做出來真的一點也不好吃(5)臭豆腐 – 炸得香口，臭味還可，但六塊收80大元有點偏貴(6)小青辣炒羊肉 – 羊肉過份羶，不夠嫩，很馬虎的一道菜(7)蘿蔔絲酥餅 - 從未試過那麼差的做法，乾硬的皮好像用麵粉皮胡亂掐成一團，蘿蔔餡料糊爛和毫無蘿蔔味，沒有一點酥餅的感覺，好像炸了一塊麵團，只咬了一口不能嚥下(8)小籠包 - 水準不高，不致於難吃但也不覺得好吃(9)炒年糕 - 非常淡沒有味，糯米粉團本來點了豆腐餃子但服務員說買完了，那時才7時半，沒可能吧，應該是沒有做此款菜見

由於早到, 所以完全唔使等, 食完出來, 門口塞滿人等位, 所以食早有食早的好處!己有接近10年沒有來過, 裝修過, 很時尚, 6:30 已差不多坐滿, 明顯很多是遊客, 中外都有, 証明旅發局或旅遊雜誌有介紹過! 印象中是不平宜的, 不知是否現時哪些新開店舖賣得太貴, 這種老字號反而變得實惠很多! 冷盆: 鎮江胥肉 - 肉的比例多 good! 素鵝 - 新鮮炸, 脆口冬茹香, very good!湯: 冬瓜金華火腿湯 - 火腿好香, 而且好多片, 才賣70多元, 貸真價實, very very good!主菜: 菜螃蟹 - 唔知是否夾了好多瑤柱, 令到有dd"傑"的感覺! 蔥爆牛肉, 牛肉好"林", 特別點了蒸炸銀絲卷配此菜, 銀絲卷外面平平, 但內裡卻做成一絲絲的, very good! 云南鴨, 原先以為是普通的酥炸鴨, 原先同烤鴨食法一樣, 用薄餅加蔥, 青瓜包住食, 連皮連肉一齊食, 皮脆肉唔乾, 幾好味, 但切得太大件, 要扣分! 最後小食小籠包, 較為差d, 外貌唔夠豐滿, 不過多汁, 但稍鹹了少少!其實所有菜都偏鹹! 值得一提係調料 - 醋好

是日同2個好朋友仔去食晚飯...個fd都前幾日book左8點半... 點知佢地早到由8點...最後等到9點幾先有得食... 個資客好funny咁話...如果有個walkin 客係早到個個book左位既客...in case 有臺而大家都在場既話... 咁就要比個walkin先喎... 咁book 臺做咩呢... 等左勁耐..終於都有臺但我地3個人..佢竟然比張8 心臺我... 我地等位既時候諗好晒食咩... 於是叫左1. 鎮江希肉2.辣子雞-好好味...雖然係炸..不過又唔係好油... 越食越好味... 3.酸辣湯- 味道適中... 唔會好似有d上海館咁...一係勁酸一係勁辣4. 臭豆腐- 好好味呀... 好耐都冇食過... 加上好多地方都冇得食... 好夠熱... 又真係有臭豆腐個隻香味5.炒年糕 - 佢用個醬好好味．．．有ｄ似炒鱔鰗個隻．．．　6.酒釀丸子- 我地一個ｐｏｒｔｉｏｎ不過都分到３份．．　有我好鍾意既粉糰．．．　其實我都食左好幾次．．．　仲有好多好味既菜未食．．．好似．．．　豆腐餃子．．．　super 好味．．不過如果食８點幾個場．．．一定冇得食．．．　香酥鴨．．．　好

店內環境雅緻，店員態度幾好，但食物沒有預期中好，而且頗貴。前茶有紫菜花生和菜干，紫菜花生香口，加左紫菜粉原來甘好食，菜干醃得味道剛好，有點咸味之餘又清甜。豆腐餃子 ($70)：豆腐里包著菜干拌上湯蒸，餡料菜干煮得 “淰身”又入味，整個菜配合得精緻味美。 肴肉 ($70)：肴肉食起來一點不肥膩，彈牙爽口。燻魚 ($62)：燻味唔夠香，甜左d，魚肉切得少件多碎骨。火腿夾 ($175/ 5件)：白面包里夾著炸腐皮和火腿，一起食總是感覺好 “濟”，可能去白面包既關係，最後我只挑左餡料出黎食，炸腐皮甜左d，但火腿唔太咸和唔太乾，肉味香。雲吞雞 ($138/例)：湯清甜，雲吞皮簿餡肉鮮甜，雞就已經煲得好 “淰”, 無晒味。干煸四季豆 ($70)：太油膩，欠缺鑊氣唔夠風味。蔥燒牛筋 ($74)：味道偏咸，牛筋炆得過火好 “淰”，食落好 “濟”既口感。豆沙鍋餅 ($50)：餅皮太厚，應該食落外皮香脆，內餡軟棉為佳。擂沙湯圓 ($66/ 6粒)：$11一粒既湯圓同我係超市 $1 粒既味道一樣，外皮既粉亦好普通，味道淡淡的，收費實在離譜。

今日同朋友去食生日飯，一早就訂左八點，我地都已經早左落去，因為我地都知多人，點知，等到成八半先有位，都吹左兩次，真係好嬲呀我地訂左豆腐餃子同埋片皮鴨我地就叫左個炒菜、雞斯粉皮、小籠包、餃子、粟米魚肚羹同埋雷沙湯圓炒菜炒得好綠，不過個底都幾油雞斯粉皮麻醬唔太多，粉皮唔係好凍，一般啦豆腐餃子因為我唔食豆腐，不過下面有生菜，Ｄ生菜好入味，又唔油，正，我Ｄ朋友話依個豆腐餃子好正小籠包依個唔錯，皮薄，個湯唔穿，正粟米魚肚羹本來話冇，但佢話有蟹肉粟米羹，但個女部長（我地估）話應該冇問題，但點知，佢自己落單冇落到餃子一般啦，冇咩特別，而且都ok 油片皮鴨依個幾好食，隻鴨唔係好油，而且都幾脆，不過唯一可惜既果籠皮，硬得太快啦，食完第一塊之後，第二件就開始有少少硬，依點唔係太得，本來打算兩食既，點知，第二食等左好耐都未黎，所以決定唔要啦雷沙湯圓由於我太飽，所以冇食，不過我朋友話好正其實依間Ｄ野食唔差，不過等位果part 真係幾差，訂左都要等成差唔多半個鐘個廚房真係出野慢咁樣對間鋪唔係咁好，俾我真係會考慮清楚先睇下會唔會再食

同男友去滬江食過兩次晚飯覺得環境同食物味道幾好就同媽咪係度食晚飯慶祝生日點左雲吞雞, 小籠包, 酸辣湯, 担担麵,豆腐餃子, 葱爆牛肉, 回鍋肉, 松子魚, 葱油雞小籠包, 酸辣湯, 担担麵同上次食嘅味道一樣OK豆腐餃子考製作工夫, 清新葱爆牛肉, 回鍋肉少濃醬少油松子魚D魚香脆甜酸葱油雞脆香肉滑D餐生日晚飯幾好

朋友遠道由新加坡到來，特意找所評價不錯的上海飯店吃個飯聚個舊。來到飯店才七時多，但已經熙來攘往，頗是嘈吵。幸好早已訂座，要不然，又要玩'等候遊戲'。侍應帶我們到一張瑟縮一角的小桌，問到茶的選擇時，顯然有點不耐煩。十分鐘後，茶終於端上，準備點菜。該晚女仕們都胃口欠佳，點了幾個招牌小食，少嚐便是。蘿蔔黃金酥-酥皮功夫了得，可惜餡料油多乏味。小籠包-則與黃金酥相反，餡料不過不失，湯汁有肉羶味但尚可接受，敗在外皮偏厚且乾，有翻熱之嫌。嫩雞煨麵-倒不如說老雞麵漿。雞不嫩不要緊，麵端到桌時已經稔得很，吃到第二碗時，湯水都成漿糊了。菜肉包-這算是整晚的安慰，總算得包軟餡香，肉汁滲入包中恰到好處，達到基本的門檻。本來想吃這裡的豆腐餃子, 當晚點此菜時只換得侍應一句' 賣哂啦!' 壓軸的甜品到了，本以為拔絲香蕉沒什麼驚喜，誰不知給它嚇一跳。弄拔絲香蕉正常大既要二十分鐘，我們等又等，二十分鐘過去，侍應送來一盤冰水，那麼炸香蕉理應隨後送上吧。沒有，再等，等到冰都融掉，香蕉還未見蹤影。再過不久，香蕉終於到來，包著香蕉的糖漿都凝固了，何來拔絲呢？碟上用來避免黏底的砂糖都被糖漿弄成一大片硬塊，很是可怖。最貽笑大方

由於我們一早已經訂了位, 所以不用等得很久, 我們一行六人, 本來都很期待, 諗住可以靜靜地食一餐, 但原來去到是極之嘈吵, 不過, 食物比我們想像中好食, 我們order 了 : ~ 醉雞 ~一般姐~ 扁豆 ~ 好夠味~ 松子魚 ~ 好味~ 上海粗粆 ~賣相麻麻地, 但味道幾好~ 小籠包 ~ good ~~ 冬瓜金華火煺湯 ~無得彈~ 賽旁蟹 ~good~ 蝦仁 ~極之好食~ 豆少窩餅 ~極之好食~ 雷沙湯丸~極之好食總括來說, 食物系好食,但太嘈, 如果我們没有訂位,一定起碼要等一小時以上.

為左慶祝媽咪生日，我地一早訂左枱啦去到個陣都唔係好多人，但係見佢D間隔都幾逼下~_~廢話唔多講，上菜!哩個腐乳椒絲炒通菜幾好味，佢D通菜炒得幾嫩口哩個真係值得一讚!好得意架佢用豆腐包住D菜，好似一個餃子咁..!有D生菜係底墊住PS哩個菜係要訂的..!哩個雲吞雞有D咸，得1/4隻雞架咋!但係個金華火腿就好好味*V*雲吞就D有平平無奇啦~片皮鴨都係要訂定先架..!隻鴨好瘦，唔係咁好食/___\佢仲好細塊........食上海野最開心就係食炒年糕佢個炒年糕炒得唔錯，好似上海粗炒咁但係又比上海粗炒有咁咸OVERALL佢D野食就普普通通啦，但係個到D 服務真係好唔得

本月中應食友余君的邀請，參與了一場四圍的上海老菜飯局，位於彌敦道頭與北京道交界的滬江大飯店，算起上來是一間老字號，作為旺區的地段，途經那裡也不難見到其招牌，除招待本地客群之外，亦引得一眾外地遊客前來光顧。飯店位於大廈的地庫，除了攪手之外，一眾食友也多是相識者，期間不免寒喧一番。基於當晚菜單的款式甚多，對菜式的描述，一切亦以精簡為主。先來的滬江冷麵呈雙色之狀，期間奉上一個味架，分別有醬油、香醋、辣油、麻醬、蘋果醬及腰果末等，自家調配後的味道酸甜辣香皆備，有點似吃上擔擔麵，惟麵質較為軟身，吃不著清爽之感。繼後上的有滬江六小碟，款式及味道分別如下：先來的怪味雞以酸辣為主，味道帶點開胃手刴馬蘭頭味道濃烈，其幽香之味，仍算帶點個性美味鴨舌口感軟熟，調味上以醬汁為主，弄得不過不失千層峰以豬耳之肉壓成，滷汁味道適中，可惜欠上應有的爽脆鎮江肴肉以豬的後腿肉壓成，入口覺得稍為軟身，欠上彈性之感最後的豆辦酥功序繁複，將蠶豆去衣磨蓉後，並加以隔水調味，口感軟身酥化滬江炸豆腐可炸得燙熱酥香，臭味來說倒不算太重，大多數人也能受得了。期間沾上一點甜辣醬等，味道變得濃烈起來，是個人頗喜歡的一道菜。同時亦記起和某食友

是日替友人慶祝生日, 選址滬江, 先前年30食過覺得不錯, 所以聽到都很期待.7:30 到, 訂台後還是等幾個字先有位. 一坐低先問有沒有豆付餃子, 因為上次年30食不到. 今次終於有, 而且不用先訂. 之後又忍不住叫了醉豬手, 炸銀絲卷, 半條松子魚, 這3味上次食過得要再encore 的菜式. 另外還有金華火腿蛋白炒飯, 這個挺貴, 好像要$80-90, 炒年糕, 醉雞, 鎮江肴肉. 本想叫北京填鴨, 但沒有預訂而當日都沒有, 侍應介紹另一款酥鴨, 同樣價錢, 同樣半隻, 都是照北京填鴨包著的方法來食, 即管一試吧!醉豬手依然厚厚的膠質! 做作煮餸來說, 酒味是比較強. 醉雞都一樣, 只是我不太好有滑的雞… 人較懶…豆付餃子不錯, 入面包住滿滿的菜, 豆付都切得幾薄, 下面鋪了生菜, 都不太油. 唯獨茨汁較杰.鎮江肴肉甜甜地原來又幾好味.炸銀絲卷朋友說是現成貨, 食出來不是一絲絲的. 我都有同感.松子魚依然好味! 脆脆的外皮, 還有好味醬汁, 一絕.金華火腿蛋白炒飯還是像一般蛋白炒飯, 不太特別.炒年糕味道較濃, 但其實是不錯, 我濟到食唔落很多.酥鴨是連著大一片鴨肉的, 我覺得幾