TOSS 蘇媽.蘇媽

Open Now

Now Closed

週末逛沙田新城市廣場，行過一期地下都開咗一些新嘅食店，但大多數都要排隊，今日平日，食店終於唔使排長龍，仲可以試到《蘇媽·蘇媽》下午茶。下午茶精選 A+B $95這個堅抵食，一個set食曬兩款下午茶，A) 椰香咖央多士~馬來西亞咖央多士點都要試啦，甜甜椰香配脆脆多士；B) 檳城白咖哩油麵(滲滲)~有幾款湯麵底可以選擇，滲滲即是一碗內有齊油麵及米粉兩款，材料亦非常豐富，包括蝦仁、豬皮、墨丸、魷魚、蛋、芽菜及豆角，最欣賞個白咖哩湯底，加入椰汁，入口味道香濃。特製辣椒板麵賣相相當吸引，多款材料大合一，包括流心溫泉蛋，煙韌小魚乾、香口肉碎、惹味蝦米仔、脆脆乾蒜等，特製辣椒醬係另上，要幾辣有幾辣，也可以微辣，混合各款材料，板麵一啖接一啖。美祿恐龍(凍)~冰凍大杯朱古力，加入美碌脆球；拉茶(熱)~味道幾特別，甜甜地，有茶味，唔似一般港式或泰式奶茶。