TOSS 蘇媽.蘇媽

Open Now

Now Closed

之前喺街成日見到蘇媽呢間餐廳都好多人排隊，已經好想試。終於等到喺沙田新城市屋企附近開咗一間，不過都好似好多人幫襯。今日趁收早就去食下午茶，睇吓有咩咁吸引，咁多人去食。一試果然唔錯，正宗得黎又啱香港人口味。我同朋友叫咗兩個下午茶再加小食連埋飲品都係$100鬆啲，份量同午餐差不多，性價比非常高。我叫咗一個高佬麵配豬扒，我覺得Polo面就好似炒公仔麵，非常好味，而且炸豬扒口感好好，醃得又入味。加配買海南鴛鴦燒麵包，都是夾着厚厚嘅牛油再加咖央醬，濃濃既椰香味，真係忍唔住放晒入口。甜甜既拉茶好有茶味，真係必試。Menu仲有好多食物都好吸引，而且下午茶至到5:30，當early dinner,非常抵，一定有下次。