TOSS 蘇媽.蘇媽

Open Now

Now Closed

當日20:30 去到都仲係勁多人排隊，果然係人氣台🙆🏻‍♀️▫️一字骨($178)👉🏻肉骨茶超大煲！藥材味好夠濃郁，飲落暖胃，有四舊超大嘅一字骨，肥瘦適中，咬落好腍，吸哂湯嘅味道，配料仲有冬菇豆卜同埋腐竹⭐️⭐️⭐️⭐️.▫️福建炒蝦麵($118)👉🏻蝦麵炒得幾有鑊氣，質地煙韌有咬好，每一條都吸滿蝦汁好惹味，配料有大蝦，魷魚同埋炸豬皮，超級豐富。⭐️⭐️⭐️⭐️.▫️美祿暴龍（$48）👉🏻 超濃嘅美祿配上雲呢拿雪糕同埋超多美祿粉，好邪惡😈⭐️⭐️⭐️⭐️——————評分：8/10.平圴消費：~$200

⏩️肉骨茶(細雜錦)配油炸鬼蘇媽蘇媽的肉骨茶(馬來語“bak kut teh”)一字骨非常嫩軟，入口即化。豬肋骨味道濃郁，含厚厚的草藥味道，可以淺嘗到當歸、黨參、黃芪等味道，吃起來感覺非常滋補。另外湯汁醇厚，感覺燉煮的時間很長，所以肉或骨頭中的營養、膠原蛋白、和味道都有充分地溶解在湯中。肉骨茶搭配油條一起食用，口感更有層次感。喜歡吃重口味的還可以加入蒜蓉、辣椒等調味品來提升口味。⏩️招牌砂煲老鼠粉老鼠粉上堆滿了鹹香的食材，包括魚仔、蝦米、肉碎、蔥、炸蒜、炸乾蔥、蛋、還有比較少見的豬油渣。經過砂煲加熱後食物均勻保持著接近沸騰的熱度，輕輕一攪拌就已經可以聞到很香濃撲鼻的味道。老鼠粉吸收了食物的鹹香和油份，每一口都非常入味，令人吃不停嘴。飲品:⏩️美祿暴龍美祿暴龍由美祿加雲呢拿雪糕組成，雪糕鋪滿美祿粉，同時亦充滿濃郁的雲呢拿味道。慢慢等雪糕融化後，「嘴裡那份甜味，從未間斷」❤️⏩️椰汁班蘭冰這杯有濃濃的班蘭味同椰奶香味，甜度剛剛好，不會甜到變成糖水。不得不提賣相非常討好，青綠色特別吸引眼球，色、香、味，一杯有齊。

TOSS 蘇媽.蘇媽 (沙田).馬來西亞菜連鎖店之一非蘇媽蘇媽莫屬，佢有馳名肉骨茶咖咉等.一黎就叫一鍋大雜錦，啱我地三至四人吃，內有豬手，五花腩，雞腳，豬肚，腐皮等，飲完藥場面，覺得好有滋補嘅感覺，另外佢仲配有油炸鬼.椰香咖喱叻沙.椰味較重唔算辣，豆卜索湯，麵一面分別有兩種，油麵以及米粉。蝦爽實，仲有條好似墨魚春卷.魚仔醬炒蘿蔔糕 .馬來西亞好出名嘅醬汁，椰漿飯一般都會有埋呢個醬比你撈用黎炒蘿蔔糕粒，香口又惹味.招牌沙煲炒老鼠粉.好似老鼠尾巴咁嘅粉，打入生蛋仲有魚仔，香口啲，食落爽口比較特別.TOSS 蘇媽.蘇媽 (沙田)沙田沙田正街18號新城市廣場一期1樓107號舖

呢間係沙田 有靚靚裝修既馬拉菜雖然價位中高 但係野食不錯 食咗佢嘅老鼠粉 佢係熱住個煲咁上 非常好食😋 而且店內空間十足 可以坐得舒服今次 一個人去試唔到好多嘢 下次再同多啲人食

[ TOSS 蘇媽.蘇媽 ]蘇媽蘇媽主打馬來西亞菜，沙田新城市呢間裝修格外特別，等咗唔洗好耐就有位啦。✿ 107花膠拼豬腳彎肉骨茶 (2-3人份) $198嚟到必點招牌肉骨茶，呢款肉骨茶係新品，有花膠、豬腳🐖、枝竹、豆卜、冬菇、杞子等等材料，非常足料。肉骨茶好香當歸味，豬腳彈牙，有滿滿膠原蛋白🧏🏻‍♀️🧏🏻‍♀️。✿ 305 高佬麵配仁當牛肋條 $86麵條夠爽口，醬汁甜甜哋。牛肋條🐮炆得非常淋身，入口軟嫩。✿ D105三色拉茶 $42三色拉茶分別係椰糖、奶、茶 ，形成三層效果，外觀好靚😍😍。味道好香椰糖味，但整體口感偏甜🤣🤣。✿ D108 美祿恐龍 $45美祿加上美祿波波，整個口感好豐富，脆卜卜😋😋。總結🫦座位夠闊落舒適，肉骨茶味道正宗，推介必點！✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿TOSS 蘇媽.蘇媽地址: 沙田沙田正街18號新城市廣場一期1樓107號舖電話: 28828371✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿

蘇媽蘇媽呢幾年慢慢開始轉型，係香港越開越多分店，今次都係第一次食，見到最近沙田開咗就選擇咗入嚟食～餐廳裝修舒服，柔和嘅燈光同裝修同平時見到嘅貼地白光環境有好大分別食物方面，2個人唔算大食嘅食2樣其實都已經夠：一字骨，以冬菇、豆卜作基底而成嘅肉骨茶湯底，飲落亦有淡淡嘅當歸、川芎等藥材味道，配上長時間燉煮嘅一字骨，肉質又腍又入味，肥瘦均勻，非常正宗！檳城炒粿條，類似香港嘅干炒牛河，以鮮蝦、雞蛋同芽菜製成，熱辣辣夠晒鑊氣！飲品點少得最正宗嘅熱馬來西亞拉茶！面頭有拉茶嘅，叫咗少甜味道會好啲，唔會死甜，茶膽濃～美祿恐龍 (美祿+美祿波波)，超香濃！美祿粉同美祿波波都好多，但味道略嫌太甜，好邪惡～

第一次食沙田店，餐廳環境都幾吸引，裝潢頗有風格咖央多士，綠色咖央醬，混合咗班蘭汁（有別於類似土X工房，深橙色咖央醬相對較甜）這款個人覺得，多士烤得夠脆，食落牛油好似唔夠味，一般可以。辣死你媽配雞肶本身馬來語Nasi Lemak為椰漿飯，譯音(辣死你媽咁黑心） 配以青瓜、炸花生、魚仔、烚雞蛋、蝦片，一細碟參巴醬（佢類似沙茶醬）唔算太辣，雞肶表面(但食落裡面冇肉汁亦唔夠味。綠色飯冇嚟冇味，整體冇乜特別。怡保雞絲湯河，清清地得來，湯底又好味喎 蝦，炸魚片配河粉，麻油帶咸香味:班蘭椰汁冰，奶味重過椰汁味，普普通通。馬來西亞拉茶，略淡，個人比較鐘意港式奶茶。總括而言: 待應們態度都好好，因只試咗幾款，暫時覺得一般，其他款未食過則不予置評。

話說呢間蘇媽蘇媽開咗好多分店，今次嚟到沙田新城市呢間。晚市真係超級爆多人，好彩等位時間唔算太耐，大約15分鐘之後就入得。入面沿用馬來西亞傳統餐室嘅裝修，富有東南亞特色。嚟到呢度點可以唔叫佢嘅招牌肉骨茶，我哋試咗花膠拼豬腳，$198一煲2人份量既肉骨茶。呢度肉骨茶都算正宗，比較重藥材味，內含有當歸，川芎，杞子等多種藥材，鍋內更有冬菇、豆卜、腐竹，每款配料都吸收了肉骨茶的精華。入面仲有花膠同豬腳，食完覺得骨膠原滿滿。另一款特色主菜，檳城炒棵條。份量好多其實有啲似香港食開嘅乾炒牛河咁，用上蠔油老抽色澤均勻配料，但就仲有唔少臘腸芽菜，非常惹味。椰汁班蘭冰 $48整杯薄荷綠色很鮮艷，非常吸睛。班蘭味道都突出，配上椰汁好夾。榴連忘返 $68呢杯榴槤味道非常濃郁，離遠都聞到浸味，最正入面仲有榴槤果肉，鍾意榴槤嘅人就唔好錯過！

新開後一直未光顧過，反正掛念班蘭的味道，東南亞菜就對了！走進餐廳是懷舊的馬來格調，環境不錯啊！以手機自行點菜，首次光顧嘛，會喜歡點菜牌上推薦的菜式，既然店家有信心，質素應差不到哪裡，於是這晚全都點了菜牌上有大拇指標示的。點了招牌肉骨茶、特製辣椒板麵、椰汁班蘭冰和美祿暴龍。兩杯飲品很快上枱，兩杯的水準也不錯，特別喜歡椰汁班蘭冰，椰汁味和班蘭味很平衡。板麵的麵質扎實彈牙、配料豐富，不嗜辣的話，可不加進辣醬，辣醬是另碟上的。由於有部份配料是乾身的，因此比較硬，如有長者的話，進食時需要避開硬的配料。到最期待的肉骨茶了，熱騰騰的一大鍋，打開蓋子時是藥膳的味道，肉骨茶一般會由杞子、黨參、當歸、玉竹、川芎等熬製而成，因此感覺滋補。由於我們揀選了一字骨，因此肉嫩易咬，點些醬料來吃相當美味，而缺點是湯會偏油一點，因為一字骨位置比較肥美。總體來說食物有一定水準，尤其欣賞飲品方面。

人氣蘇媽蘇媽提供正宗馬來西亞菜式，在深水埗、尖沙咀、沙田等等地方都有分店。今次去食的是沙田分店。沙田店週末晚上用餐時間為一小時。雖然時間比較趕，但好處是等位就不需要太久。蘇媽蘇媽有不同的菜式，包括咖央多士、串燒、椰漿飯、肉骨茶、砂煲老鼠粉、馬來西亞拉茶等。馬來黑叉燒 $108表面帶有蜜糖焦香，香濃惹味。燒烤後肉質仍然嫩滑，讓人回味無窮，非常推薦！馬來香蕉餅 $68煎得香脆，皮薄餡多。表面香脆，裡面夾著新鮮的香蕉，非常可口。沙嗲串燒 $98每次來蘇媽必叫的沙嗲串燒，有豬肉、雞肉、牛肉可以選擇。特別喜歡他們自家調配的沙嗲醬，香濃惹味。椰香咖央多士 $48咖央多士也是我每次來蘇媽必叫的。多士微暖香脆，口感鬆化。裡面夾著牛油和新鮮自家製作咖央醬，有很濃的椰香味，是必食的款式之一。

TOSS 蘇媽.蘇媽 (沙田).蘇媽其實唔陌生，食馬來西亞菜，今日貪新鮮過左大圍新開嘅圍方行下，之後再去沙田！環境有別其他分店，呢間非常靚仔！.▪️大雜錦▪️.非常大煲嘅肉骨茶！入面有豬手，雞腳，五花腩，豬肚，菇等，肉骨茶仲要好好飲，淡淡菜材香，配埋炸物油炸鬼！.▪️ 魚仔醬炒蘿蔔糕 ▪️.呢個推薦！好似酒樓食嘅XO醬炒蘿蔔糕但轉左魚仔醬，同樣惹味.▪️招牌沙煲炒老鼠粉▪️.生蛋加入特別嘅老鼠粉，老鼠粉爽口，加入藥生碎，魚仔等，香口！.▪️桔仔薄荷梳打▪️.清新爽口，有汽嘅梳打加上開胃桔仔仲有薄荷！.📌 TOSS 蘇媽.蘇媽 (沙田)沙田沙田正街18號新城市廣場一期1樓107號舖.環境：⭐️⭐️⭐️⭐️味道：⭐️⭐️⭐️⭐️服務：⭐️⭐️⭐️⭐️價錢：⭐️⭐️⭐️⭐️

呢間蘇媽好多地方都有分店，見佢咁開得，今日有機會試吓佢，感覺非常之地道馬拉星加坡風味，不錯不錯，就連餐廳裝潢十分馬拉👍🏻😇黎呢度，當然要叫番個肉骨茶，叫左個花膠豬腳灣肉骨茶。十分之足科，有5-6件花膠，豬腳灣，食完覺得骨膠原滿滿。又有好多冬菇，杞子，枝竹，豆腐卜，非常豐富，濃烈嘅中藥味，非常之濃，真係又養顏又補身。高佬麵配牛肋條牛肋條新鮮，肉質不錯，牛味濃烈！高佬麵麵質爽口，有咬口，撈啲辣醬食更更惹味。美祿暴龍特濃美祿配雲呢拿雪糕，爽呀！

呢度係一間位於商場入面既餐廳,牆上有好多唔同既字畫,寫得好靚既書法,我地叫左一煲2人份量既肉骨茶,肉骨茶由好多藥材煲成,而且味道十分濃郁,豬肉係一條條既豬肋骨,勁厚肉同大條,肉味已經入晒肉骨茶既香,仲有呢度有份辣椒醬板麵條,好好味,少少辣仲有好多魚仔乾,花生,同生雞蛋搞暈黎食,好多醬汁,麵條好彈牙同粗身,價錢好抵食,好大碟,我地仲飲左恐龍下蛋,入面係白咖啡味同埋雪糕朱古力脆脆,呢杯小編大愛推介,另一杯係好醒胃既桔仔青檸酸酸甜甜;都幾好味。

TOSS蘇媽蘇媽位於沙田正街的新城市廣場一期，是一家提供馬來西亞菜的餐廳。這裡的招牌菜是砂煲老鼠粉，價格為$128。這道菜以砂煲慢燉，老鼠粉口感Q彈，湯汁濃郁，配料豐富，包括雞肉、魚皮、冬菇、花菇等，味道鮮美，非常值得推薦。另一道推薦菜是花膠拼豬腳彎，價格為$198，適合2-3人享用。這道菜以花膠和豬腳彎為主要食材，口感滑嫩，豬腳彎入味，花膠鮮甜，非常開胃，是一道不錯的開胃菜。在飲品方面，我選擇了美祿暴龍和美祿恐龍，價格均為$45。美祿暴龍是以美祿和雪糕組成的飲品，口感冰涼爽口，非常適合夏天食用。美祿恐龍則是以咖啡和美祿波波為主要食材，口感綿密，甜度適中，味道相當不錯。總的來說，TOSS蘇媽蘇媽的菜品味道不錯，價格合理，飲品也非常值得一試。

又係食肉骨茶既時候，每月補一補🤭沙田分店都係第一次食。🌟招牌一字骨肉骨茶🌟一字骨爽口唔un，個肉骨菜藥材味好濃，帶有甘味，即刻飲左2碗先。湯仲配有豆卜同枝竹。🌟福建炒蝦麵 （伊麵）🌟大大隻蝦好新鮮🦐仲有魷魚，伊麵底好正‼️🌟馬來西亞拉茶🌟🌟怡保白咖啡🌟飲品2杯上面都打左泡，打卡影相至岩，野飲味道適中，冇調得太甜☕➡️野食份量十分足夠，食到飽飽既lunch，飯氣攻心之後仲要開工😂😭