樓下冰室 (Closed)

同朋友去荃灣摸完酒杯底，見有d肚餓，正當諗緊夜媽媽唔知有咩好食之際，見到樓下冰室，被佢既蕃茄湯底通粉吸引左入去。我就叫左個蕃茄湯底滑蛋通粉再加個瑞士汁雞脾餐加多個芝士焗西蘭花。個通粉個湯底果然名不虛傳，蕃茄味好濃，酸酸甜甜，連我唔太好蕃茄都覺得正，而且個蛋炒得好滑，生熟剛剛好，配合蕃茄湯，一流。至於個瑞士汁雞脾，瑞士汁味好香，好入味，雞脾切落啖啖肉，平時唔食雞皮既，由於好入味，甜咸適中，忍不住食埋!至於個芝士焗西蘭花，西蘭花焗到林林地，唔會太硬身，而且芝士味不太濃，不會太溜，啱哂咁夜食。賣單每人都唔洗$70, 仲平過杯酒. ^_^