中華小館

Open Now

Now Closed

現時市面上有各式各樣的放題中式放題常見既有點心放題，但係片皮鴨放題真係幾特別。尤其我呀媽吾太喜歡日韓放題，但對中式放題就概當好奇。$498既片皮鴨放題。有1730及1930 兩轉。先上一份鮑魚花菇扣鴨掌鮑魚大大隻 配鴨掌 好似又番番去新年賀年菜既興奮。鮑魚好彈牙。以下菜式可以任叫；片皮鴨即叫即做，一份4片。我覺得份量幾好，吾夠可以不斷再叫。沾上片皮鴨醬，個味道一流。最緊要係夠新鮮。碗仔翅好味道既選擇食完鴨，配個湯都吾錯。臘腸卷酒樓以前成日食糯米卷或者臘腸卷，今次個臘腸卷好軟熟。而裡面既臘腸好香，好重肉汁，絕對不是蒸到乾蒸蒸咁款。我今次都叫左兩條時蔬亦可以叫d 蔬菜類。燒咪飯如果吾夠飽仲有燒味任食。成個環境其實都好吾錯，又舒服，野好食。另泡辣魚皮都好正

作為片皮鴨fans一定要bookmark中華小館！餐廳推出$498嘅放題套餐，加入唔少懷舊菜式但用上新派煮法，好似油香四溢嘅臘腸卷，亦有加入萵荀絲嘅碗仔翅，新鮮感十足；蒜蓉炒菜、燒味飯、魚皮同埋鮮淮山都係任點菜式。放題套餐嘅主角當然係鎮店片皮鴨，鴨皮即叫即烤好脆身，油脂唔多食完唔覺滯，仲要配埋海量青瓜絲蔥絲，最欣賞嘅就係佢每次只上四件片皮鴨配餅皮，保證喺佢凍之前已經食晒落肚👍🏻👍🏻👍🏻除咗片皮鴨套餐另一吸引之處係包咗一人一份嘅鮑魚花菇扣鴨掌，用料上乘，醬汁香濃又唔過鹹，好食～～喺酒吧林立嘅駱克道中華小館嘅中國風裝潢格外搶眼，雖然走懷舊古風路線但其實所有嘢都keep得新淨企理，好啱打卡。

假期去欣賞好正既音樂前😁緊係醫肚先😋😋Woo愛話知我鐘意食片皮鴨，所以帶我泥呢間🥰因為係食片皮鴨放題架😍😍Woo“正”呀💯 唔止淨係食放題架😋仲有碗仔翅、臘腸卷、燒味飯、清炒蔬菜同埋小食添加💯首先送上每位都有一份鮑魚花膠扣鵝掌，好淋嘅鵝掌，花菇好好味，鮑魚好彈牙🥰🥰好回味呀 💯💯即刻叫小食試下先😋叫一個好特別嘅小食😁從來都未食過嘅泡椒鮮魚皮❤️唔好似為係淨魚皮👍其寶一食入口好正架，魚皮彈牙又爽口，一路食一路喺個口度慢慢慢慢個種辣嘅感覺好‘’正‘’👍👍👍清炒白菜仔，好新鮮爽脆又清甜又好味😋😋屋村碗仔翅，點解叫屋村碗仔翅，我諗係懷舊一吓啦😁當然呢碗就係改良版啦❤️好足料呀👍👍迷你臘腸卷一d都唔迷你呀！仲好大條臘腸，d臘腸仲好有油份好juicy，而包包就軟淋淋，外軟內脆yummy🥰🥰燒味飯😁唔好以為佢細細碗呀！其實係好大碗架😁我就叫左叉燒乳豬雙拼飯😋Woo叉燒肥瘦啱啱好，係佢地自家製燒得好靚之餘仲入口即溶超“正”，而乳豬d皮全部脆卜卜好惹味。。所以成碗飯食晒😅😅，愛人就叫左清遠走地雞飯，d雞勁嫩滑勁有雞味又係成碗清晒💯💯片皮鴨喺即叫即烤，所以真係好新鮮，大大塊仲可以無限量添食添‘’爽‘’呀💯💯W

今日陪一位外地返港親戚到灣仔銅鑼灣行街，行到黃昏準備搵食,發現這一家位於駱克道近地鐵站口叫中華小館的中菜館，被店外門口的屏幕上不斷播放的菜式相片及明星名人的打卡照片吸引，餐廳的裝修光潔明亮，富現代感之餘，古色古香的木藝裝飾同時亦帶點傳統的中國特色，原來這家店主打是以新派啲烹調方式把傳統菜式重新演繹於客人面前，相信可以吸引到一班熱愛打卡的新一代年輕人。入座後,店員向我們推介片皮鴨任食放題, 除了每位一份鮑魚花菇扣鴨掌外,片皮鴨及另外幾款小菜任點任食, 朋友話在外地好耐冇食過片皮鴨同埋新鮮魚皮,為了一盡地主之誼, 所以最終放棄了叫打卡菜的念頭,唯有下次再約其它熱愛打卡的朋友再過嚟。鮑魚花菇扣鵝掌,鴨掌炆得好腍好入味,花菇亦夠厚身和夠腍,鮑魚亦好鮮甜, 一切配合起來十分惹味。片皮鴨, 親戚表示在外地多年沒有食過片皮鴨, 所以今次可以一切過食返夠本十分滿足, 雖然片皮鴨並不是我的摯愛食物, 個人試過好多時食都覺得好肥膩好油,不過這裡的片皮鴨又確實唔錯,每一片都是一層鴨皮帶著一層鴨肉,中間不會有過厚的脂肪, 而且不會有鴨騷味, 平反了片皮鴨之前在我心目中的不良印象。泡椒鮮魚皮,這一味現在好像不是

今日同老公去行街，行行吓比一間中菜—中華小館嘅招牌吸引到，一於入去試試。餐廳帶比人一種古色古香的味道，很有格調😋坐低望望餐牌，見到個片皮鴨任食放題每位$498，唔使諗即叫，皆因選擇多元，性價比可謂十分高👍🏻首先上枱係鮑魚花菇扣鴨掌，口味值得一讚，各樣嘢都好入味，鮑魚爽口彈牙，鮑魚味濃郁，花茹又淋又香，鴨掌一啲都唔細隻啖啖肉。接著係片皮鴨，夠晒新鮮熱辣辣，鴨皮烤得好有光澤，香氣撲鼻，皮唔肥但充滿油香。食嘅時候，用餅皮包入大蒽，青瓜絲再點上醬汁，減少膩度，多咗層次感，更添風味。另外仲有屋村碗仔翅，材料唔少，味道唔錯，不過本人覺得粉水多咗啲～至於青菜夠晒鑊氣、燒腩仔皮香脆肉嫩帶汁、叉燒入口有濃郁嘅蜜汁味，好香甜、壽包好大隻，蓮蓉亦綿滑。總括而言，每樣菜式表現都相當唔錯，餐廳整懷舊菜式時，改用新派嘅煮法製作而成，所有菜式精緻賣相適合打卡，有機會下次都會再帶朋友嚟試其他嘢食😆

日式放題食得多，中式放題都係第一次😵 今日去咗食片皮鴨放題 @$498/ 一位首先每人有一份鮑魚花菇扣鴨掌，炆得好淋，鴨掌嘅芡汁濃而不漏🐣之後前菜有桂花鮮淮山、泡椒鮮魚皮；不得不讚啲淮山好清甜爽脆😃之後食咗個屋村碗仔翅，就算係放題都無欺場，碗仔翅好足料，有好多鴨絲及好多木耳，幾充實好味😋仲有個迷你臘腸卷，呢個實屬罕有，細細嘅麵包入邊有臘腸同潤腸，滿足晒兩個口味🌭之後終於到主菜，片皮鴨肉鬆化，皮香脆，為確保能享用到烤鴨之最佳囗感，烤鴨係即叫即烤，會叫一份大概有五六件鴨，當然仲有蒸到熱辣辣既皮😃加埋青瓜同埋海鮮醬，好味最後叫左一個菜，蒜蓉炒菜都係熱辣辣，好新鮮；仲有燒味飯，我選咗燒肉同油雞，真係好滿足😍#中華小館

之前都成日聽人推薦呢間中華小館～ 一直好想食佢嗰個大閘蟹放題，但係因為唔啱季節，咁就唯有放棄，今次又俾我哋發現咗佢地原來又新推左片皮鴨放題，一於又試試先入到黎餐廳裝修好古典，再睇下餐牌都有好多經典懷舊菜式，不過餐廳就用咗新派煮法製作，所以啲菜式賣相都好精緻～～好啱打卡！講返個set 啦，$498/位，限時2個鐘 每位包一份鮑魚花菇扣鴨掌 ，仲有五款小食可以無限refill ，分別係臘腸卷，四季時蔬燒味飯屋村碗仔翅仲有泡椒鮮魚皮同埋桂花鮮淮山📍片皮鴨：呢間餐廳的片皮鴨做得非常出色，每日放題開始前啱啱燒好，保證熱辣辣，店員仲即時喺你面前片 鴨做到皮酥肉嫩，入口即化，加埋配菜同秘製醬汁一齊包住食，令人回味無窮。📍鮑魚花菇扣鴨掌嘩個鮑魚好甜炆得好入味鴨掌亦吸盡冬菇同醬汁既香氣精華正呀～📍泡椒魚皮：呢個嗜辣人必試！佢地用左泡辣黎浸過，嘩嗰種辣味個aftertaste真係不得了，十小辣廢jj 表示：太辣喇！！ 至於口感就爽脆，好似食緊海蜇咁呀～～📍燒味飯：佢啲燒味火候十足，燒腩仔皮脆肉嫩；鼓油雞好入味！仲有仲有啲叉燒肥瘦均勻，香甜嘅蜜汁，聞到都流哂口水～～～📍迷你臘腸卷：臘腸卷做成迷你版，唔會太飽

新春之後有好多人要見，今次揀咗一間精緻嘅中餐廳。茶方面係用咗玫瑰花茶，清新宜人🥰燒肉燒得個皮脆卜卜，不過如果叉燒醃得耐啲會比較好。仲有一個豬手撈粗，一啲都5油膩,ok。比翼雙飛小黃魚有一個有趣食法，就係帶手套，連骨都可以食埋嘅小黃魚，仲有下面有啲好似媽咪麵嘅面底，好惹味呢。呢間餐廳嘅小菜好啱一家大細一齊嚟，下次如果有家庭聚會都可以係選擇之一呢。꧁☬小編食左咩☬꧂✅叉燒拼燒肉✅比翼雙飛小黃魚✅豬手撈粗(◔◡◔) ♥ 人均傷害💰： $200♥

踏入深秋，正值食客們引頸以待的蟹季，相信愛蟹🦀之士已經按耐不住要飽嚐蟹宴。最近🏬中華小館🇨🇳推大閘蟹優惠，每位都係四百幾我就LaLa聲去book位，每次去也是顧客滿滿的！2小時任食真係吸引咗好多人光臨😎食主菜之前飲返碗滋潤燉湯🤗暖胃之餘仲有大大隻雞腳慢慢咬，幾有咬口！💯再嚟一份飽滿多汁的蟹粉小籠包，肉餡裹著甘香四溢的蟹粉，加上特製湯汁，皮、肉、湯汁完美協調，令人回味！💯大閘蟹膏多肉厚，蟹身清洗乾淨，拿上手感覺討好不會滑潺潺！愛蟹之士定必感到飽足滿意!味道不在話下，隻隻都超多蟹膏👅👅店員👍🏻👍🏻👍🏻👍🏻服務態度好，又勤換碟🧫可以好好享受拆蟹滋味。同閨密品嚐這席蟹盛宴談心。

新年期間食得最多就係中菜其中最impress 就係中華小館先來個鳳凰展翅（酥炸小黃魚）口感好酥脆，唔會好油膩，連骨都食埋、夠哂補鈣，而且埋上做完相當靚意頭嘅嘢唔好俾佢停包你撈起 （豬筋撈粗）撈到風生水起，就咁食已經好惹味，配埋花椒油，提升到另一境界！麵質都爽口彈牙！真心好味燒味雙拼冇得輸！佢嘅燒腩仔真係好好食😋五層五花腩非常分明，肥膏同肉亦都比例平均，外皮香脆，滿口都係豬油香🥰蜜汁叉燒亦都做得相當好半肥瘦非常均勻，而且勁Juicy! 肉味濃郁，真係好好味😋呢度真係做節之選～唔講其他嘢，啲野食真心好好食🤤

平時返學成日經過呢一條街，所以都會捐窿捐罅搵嘢食，今年開年飯咁啱呢就係呢一度食，發現原來呢一間小館有啲好特別嘅餸，懷舊菜式新派煮法，鳳凰展翅「酥炸小黃魚」炸到勁脆卜卜，味道偏濃，個炸麵底好有兒時媽咪麵嘅感覺，鳳凰浴火重生，大展鴻圖～ 最好食嘅係上面啲炸蒜，同埋佢嘅調味料粉，撈埋一齊嘅化學作用好強。包你撈起（豬筋撈粗麵）花椒油，第一次咁樣食，嗰種香麻又唔辣嘅感覺好得意😋 配埋叉燒與燒腩仔，外脆而肉感多汁，再撈起撈起，風山水起，好好意頭🐰

灣仔中菜廳經典粵菜配上新派煮法魚骨都可以食，脆卜卜餐廳掛了許多字畫和山水畫，營造一個優雅和古典的風格。枱和隔版都是黃棕色為主。我見阿Bob去過餐廳。佢的評價都好好。餐廳主打懷舊菜式，新派煮法製作。到了晚餐時間有好多已預約的客人到餐廳食飯，樓上的座位都滿了。當日，我們兩人並沒有叫好多食物。🔥🔥最推薦：小黃魚🔥🔥✨️鳳凰展翅小黃魚🔥（極推介）食物名好有創意，都好有寓意。 金黃色的小黃魚被分開兩半，放在炸麵上。這就好像鳳凰展開翅膀在空中高飛，代表著幸福美滿的生活。魚身上有炸蒜和炸羽衣甘藍。香脆可口，有點像食小老板紫菜。魚連魚骨都被炸至脆身但就不油膩， 同時保留魚的鮮味。整個魚頭和整條魚骨都可以食啊🙊🙈正啊！✨️叉燒和燒腩仔正常水準，不過熱d就比較好。燒肉的皮很脆；半肥瘦的叉燒，不油膩，甜味剛剛好。豬筋粗麵豬筋彈牙有嚼頭，不會太淋！粗麵配自製醬汁，好好味。再加上有花椒油，簡直是錦上添花。.

🍴蜜汁叉燒皇拼脆皮燒腩仔厚切叉燒色澤自然，並無多餘誇張嘅色素，尚算軟腍，如果再燶啲就更合我口味。相比之下，燒腩仔更加出色，豬皮夠脆，豬肉肥瘦相隔，鬆化甘香。🍴酥炸小黃魚第一次用手拎起成條魚咁食，成條魚都炸得好酥脆，碟底一滴油都無，油炸確有功架。主要以椒鹽同炸蒜調味，如果有埋喼汁相信會更加豐富。🍴豬筋撈粗麵撈粗麵算得上係香港懷舊麵食，配牛筋就見得多，但配豬筋就第一次食，配搭新穎。粗麵爽彈，無乜鹼水味，帶淡淡豉油香，撈埋花椒油，又麻又香，令味道更有層次。📍中華小館灣仔駱克道128號地下及1樓

朋友好耐無見過我，就帶我食好中菜我自己有時候好驚食中菜，因為兩口子好難叫餸食，因為樣樣都想食🤣呢間中菜餐廳，地點就腳，地鐵站一出就响隔離，而且都响酒店旁，唔好以為餐廳細細間，原來有兩層既，而且餐廳闊落，讓客人坐得好舒服。裝修一啲都唔老土， 反而好岩年輕人口味❤️✨️燒腩仔拼叉燒燒腩仔外皮係脆口，而唔係硬同淋哂，肉質唔鞋口，而且咬落有肉汁叉燒肥瘦分明，入口鬆軟，而且醬汁沒有蓋過肉味✨️鳳凰展翅新年吃這個菜十分之好，有喻意，盼新一年各方也好。而且酥炸小黄鮮，炸到連骨都酥脆，而且炸到骨也可以吃，炸蒜蓉再加辣粉，令魚味層次感更提升。店家十分有心，比手套食，食魚似食到食雞脾甘🤣✨️瑞士汁牛筋腩粗麵平時都係食開干炒牛河，今次試下瑞士汁牛筋腩粗麵，瑞士汁够甜而且粗麵又無撈埋一撮，最正係牛筋牛腩份量勁同够淋，浸淫瑞士汁。 平時食乾炒牛河一定要豆瓣醬，但呢間餐廳好好放咗一小碟油響隔離。開頭我唔知係咩，但都照伴落粗麵度，味覺勁提升👍

中華小館 (灣仔)-今次嚟到灣仔，見到呢間古色裝修風嘅餐館，入到去仲見到有啲字畫，充滿中式古風🏮 今次嚟堂食，但我見到佢嘅外賣menu都好抵食，下次要試吓先得！叉燒燒腩仔雙拼見燒味係多人叫所以要試試佢！燒腩仔肥瘦分明，外皮香脆，亦見到佢好靚嘅一層層🤤 叉燒偏瘦，適合鍾意食瘦啲嘅健康人士香炸黃花魚呢個外表已經好吸引，係飛魚展翅🤩 而且炸得好香口，再配合好多炸蒜，食落有避風塘嘅味道，而且仲好貼心咁俾埋手套，方便人揸住黎啖啖食豬筋薑蔥撈麵新年流流點可以少得撈起🤩 食呢個簡直好意頭，豬筋浸得好入味，薑蔥亦都有好多，食落好惹味-📍中華小館 (灣仔)灣仔駱克道128號地下及1樓