中華小館

Open Now

Now Closed

終於等到假期老公有時間陪下我食飯，西餐食悶咗，今晚就揀中菜試，仲要係任食！灣仔C出口轉左即見到呢間中華小館，做緊「 片皮鴨任食放題 每位 💲498（2位起計） 」入座起計2小時任食，另收茶芥及加一服務費每4位贈送法國紅酒一支(優惠送完即止)。茶都有幾多選擇。第一round都已經幾full，有片皮鴨、屋村碗仔翅、迷你臘腸卷、四季時蔬、燒味飯，呢啲都係有無限添加！仲有每位一份鮑魚花菇扣鴨掌。鮑魚花菇扣鴨掌都炆到入味同好稔。而烤鴨係即叫即，所以鴨皮好香脆，放喺餅皮上加埋青瓜、蔥同醬卷埋食幾惹味。碗仔翅好多料唔會太杰，不足有好多荀，唔食荀嘅請自行走荀。迷你臘腸卷襯熱食，臘腸爽脆有汁，幾有臘肉香。燒味飯嘅叉燒好瘦，但燒得幾香甜入味，整體多啲叉燒汁應該會更惹味。環境：枱數唔多坐得舒服服務：店員有禮、上菜快

灣仔有不少泰式按摩店，和朋友久不久就來按摩，兼發掘這區的美食，這天就來到中華小館吃中菜。白桃烏龍茶喜歡這裡有特別的茶喝，白桃烏龍茶深得我們心，在外比較少吃得到。鳳凰展翅小黃魚一定要試的菜式，師傅把小黃魚打開後再炸，炸到脆卜卜邊位像薯片，連骨都變成脆可以吃，吸收鈣質，而魚肉部分仍有魚香和滑溜，高級的吃魚體驗。脆皮燒腩仔薄而脆口的酥脆外皮，配上肥瘦分明的三層肉，一口一件剛剛好，每一件都有豐富的口感，外國人也喜歡的香港道地美食。蜜汁叉燒皇叉燒最重要是肥瘦均勻，這裡的就是了，肉質嫩而有適當油脂香，配上甜甜的蜜汁，做得非常出色。醬燒欖角骨這道菜很是惹味，入口有濃濃的醬汁，又香又甜，咬下去排骨感覺油脂蠻豐富，很好送飯的一道菜。齊齊撈起大量的牛筋牛腩撈粗麵，可以按口味加入橄欖油，令麵條更香，補充骨膠原健康之選，女士都喜歡。

♨️中華小館灣仔駱克道128號地下及1樓@theorientcuisine ♥️灣仔港鐵站一出就到達嘅中菜餐廳，中式味裝修配新派煮法，有驚喜，下次可以相約良朋親友一起品嚐🔷鳳凰展翅小黃魚原條酥炸小黃魚非常香脆可以連骨食，外脆內滑有魚香，配上紫蘇葉及炸蒜頭一齊食好之味🔷叉燒拼腩仔燒腩仔皮脆香口肉質香滑，叉燒帶微燶，醬汁香濃，高質燒味🔷包你撈起（豬筋撈粗）撈粗麵伴入花椒油非常麻香而不辣，豬筋充滿骨膠原又軟淋，棉質彈牙非常唔錯🔷遍地黃金笑哈哈彈牙大蝦充滿香濃醬汁，用手食齒甲留香，金沙蛋黃鍋吧好掂，絕對可以再encore嘅餸食物：8.5/10抵食：8/10環境：8/10。。。#香港美食 #香港美食日記 #美食日記 #美食推薦 #美食指南 #hkcafe #hkrestaurant #hkig #hkfoodie #foodie #foodiehk #hkfood #foodhk #foodporn #foodphotography #foodstagram #hkfoodblog #hkfoodstagram #hkfoodlover #hkfoodblogger #foodblogger #fo

灣仔地鐵站出口旁的這間中華小館，中式的裝潢🥢將懷舊菜式結合新派製法，重新演繹每一道中菜，精緻得讓人不禁都先拿起手機打卡一番📸而即叫即制亦令打卡後的菜式保持熱辣辣🥢 燒味雙拼香脆燒腩仔拼脆皮叉燒💕燒腩仔皮脆香口，而叉燒的外面亦帶微脆，兩者皆肉質爽彈而不油膩👍🏻🥢 遍地黃金蝦蝦笑彈牙的大蝦沾滿了微香辣的醬汁🔥最令人驚艷的是旁邊的鍋巴😳香脆帶點金沙蛋黃味👍🏻🥢 鳳凰展翅小黃魚黃魚對半切開再炸脆，外酥脆而內嫩滑👍🏻保持魚的鮮味，可配上炸蒜及香脆紫蘇葉一起吃🥢 豬筋撈粗撈起配花椒油豉油王撈麵底拌入花椒油帶麻香、豬筋軟腍，配切細絲的香蔥、薑絲、芽菜等一起吃非常不錯👍🏻*茶芥$15/位🚩 想睇多啲好玩好食推介，即刻follow我既ig page 🔗 soyum_sogood

中華小館 - 有水準粵菜廳今日黎到灣仔區一間中菜餐廳，主打粵菜，提供各式各樣的小菜、點心等，環境又舒適，當中更加有懷舊菜式，新派煮法製作而成，所有菜式精緻賣相適合打卡。叉燒拼燒腩仔熱辣辣半肥瘦少少燶邊嘅蜜汁叉燒，肉質軟腍；燒腩仔肥瘦肉梅花間竹，外皮香脆。黃金笑哈哈大大隻乾燒明蝦，蝦肉彈牙飽滿，配上酸酸甜甜嘅醬汁，同埋鹹蛋金沙鍋巴。包你撈起非常有意頭嘅一款麵食，係豬筋撈粗麵，煙煙韌韌充滿骨膠原嘅豬筋，粗麵加上鮑魚汁和花椒油，味道相當惹味。鳳凰展翅非常有氣派嘅菜式名字，菜式外型亦都同名字非常貼切，是酥炸小黃魚，可以成條連埋骨都食得，配上炸蒜相當滋味。

餐廳格局裝修，充滿中華味道，餐廳以懷舊菜式為主，新派的煮法更有驚喜，打卡都一流～燒腩仔～豬皮肥卜卜，豬肉鬆軟，底部更沒平常會吃到鹹的紅肉，好味～蜜汁叉燒～叉燒醬汁味道剛剛好，帶點甜香，叉燒外層更燒至微脆，上桌時更是熱辣辣，新鮮燒起～醬烤欖角骨～排骨帶點肥肉，吃起來鬆軟不硬，醬汁甜甜的帶點鹹香，伴飯一流～鳳凰展翅（酥炸小黃魚）～是一整條的小黃魚，整條炸得脆卜卜，連魚骨也能同吃，很香口～花椒油撈粗～花椒油帶麻不辣，最啱愛吃辣但又不能吃辣，想捉到那種麻痺感的朋友，麵質彈牙帶點爽，不錯～

👨🏻‍🍳片皮鴨主題放題 $498/位🔸如果有睇開我IG多年嘅朋友都知我勁鍾意食鴨，估唔到比我發現到片皮鴨都有得放題😚包咗以下嘅嘢：🔹鮑魚花菇扣鴨掌（只限一份）🔹任食片皮鴨🔹任食碗仔翅🔹任食迷你臘腸卷🔹任食時蔬🔹任食各式燒味飯🔹任食時令小食如泡椒魚皮🔸鮑魚花菇扣鴨掌當然矜貴而且處理得好好，味道可以比到85分以上😎而如果想最回本就應該狂食片皮鴨，呢度嘅片皮鴨都係水準之上，即烤嘅香脆鴨皮配以特色佐料同薄餅，外皮酥脆鬆化且肉質嫩滑，食唔停嘴😋🔸其他嘢嘅水準都係唔馬虎，最推介係可以試下多啲燒味類😄我今次淨係試咗燒腩仔同叉燒都好高質，尤其係腩仔，皮嘅厚度適中，脆口，而腩仔肥瘦啱啱好，調味都唔會過咸

呢間喺灣仔嘅中華小館最近推出咗片皮鴨放題，$498可以任食片皮鴨、屋村碗仔翅、四季時蔬、燒味飯、迷你臘腸卷等，上星期就同朋友去食。٩(˃̶͈̀௰˂̶͈́)و 🐟泡椒魚皮餐前小食係泡椒魚皮，魚皮好爽口，辣度適中。 🤎鮑魚花菇扣鴨掌呢個放題每位會送一份鮑魚花菇扣鴨掌😆鴨掌炆得好入味，鮑魚幾煙韌，花菇厚肉，口感十足。😋 🦆片皮鴨經理會即場片開隻鴨🤣 好多食客行去打卡，等一陣就有一碟四塊嘅片皮鴨。片皮鴨熱辣辣，皮脆肉嫩。值得一讚係個餅皮好薄又煙韌，好快就食晒一碟。🥰 🥣屋村碗仔翅碗仔翅好足料，口感豐富，味道濃郁。 ❤️迷你臘腸卷朋友好鍾意呢個迷你臘腸卷，臘腸重油香，包好鬆軟，食完唔會太膩。😛 因為我地食到太飽所以冇叫到燒味飯，大家可以去試下。😆 

有時岀街食片皮鴨一隻都幾百蚊，依間餐廳推岀$498任食放題都幾抵食～🥢片皮鴨任食放題 $498嗌依個放題會每位送一份鮑魚花菇扣鴨掌。花菇鴨掌炆得好入味而且保留返彈牙嘅口感～放題可以任嗌片皮鴨，碗仔翅，臘腸卷，炒菜同埋燒味飯。唔好以為放題就好cheap，佢每樣嘢嘅質素都唔錯。每份片皮鴨嘅份量適中。所以每次嗌都會新鮮熱辣，鴨肉又脆皮😋第一次食臘腸卷幾有驚喜。臘腸勁多汁，一個人可以K.O.兩個！另外餐廳嘅燒味都唔錯👍

🦆 片皮鴨任食放題兩小時 🦆日式燒肉放題、火鍋任食就試得多片皮鴨任食真係第一次，又幾過癮～呢度嘅片皮鴨真係幾不錯！薄皮即叫即蒸，厚薄適中，仲帶點煙韌嘅口感！🔹鮑魚花菇扣鴨掌（每人一份）限一人一份，飽魚花菇同鴨掌都煮得好入味！特別係鴨掌，煮得好淰身但又唔散，好食！除咗片皮鴨之外，仲有其他無限添加嘅品項：🔹片皮鴨🔹碗仔翅🔹臘腸卷🔹燒味飯🔹時蔬🔹桂花鮮淮山🔹泡椒鮮魚皮特別鍾意食佢嘅碗仔翅同臘腸卷！條臘腸好香好juicy～碗仔翅好足料好夠味！魚皮口感正，但食落好麻好辣🤣食得辣嘅可以挑戰下🤓餐廳位於地鐵站出口隔離，好近好方便！而且環境不錯，坐得都幾舒服～除咗片皮鴨放題，見到Menu都有不少特色小菜，懷舊得嚟又有啲新式嘅煮法，食中菜嚟講係係一間幾好嘅選擇～

見到電視台介紹，所以訂左七位到這𥚃晚飯。片皮鴨兩食（片皮和涼瓜炆鴨件），片皮鴨份量不多，鴨皮算脆口，普普通通，至於涼瓜炆鴨件，鴨件肉很多，涼瓜略為爽口。义燒併燒腩仔，燒腩仔個皮好脆，义燒就一般。酸菜魚，夠酸夠麻，魚肉帶少許骨，配料有冬菇、筍和薯粉。豬筋撈粗麵配花椒油，要趁熱食否則粗麵會一舊舊，喜歡佢有大量蔥花，豬筋炆得夠時間，可惜件數不太多。啫啫芥蘭煲，份量大好惹味，好食。香芋紫心丸，熱食都香口，應該是來貨的。紅棗糕（敬送），好香紅棗味，幾好，埋去單$1637/7 位，都ok 嘅。

好耐都冇食過中菜，今日經過灣仔，竟然比我發現呢間有得任食片皮鴨嘅餐廳，好似幾好食咁，一於入去啦！原來除咗片皮鴨，佢嘅碗仔翅、臘腸卷、燒味飯同時菜都係任點任食，唔使食片皮鴨食到好dry，而且一定食得飽🤣重點嘅片皮鴨，原來係即叫即整，所以都等咗一陣先有得食😂不過真心高質喎！層皮夠晒薄，又香脆，師傅都片得幾好，放一片落塊薄餅到包住啱啱好，一啖一舊，熱辣辣咁食，勁正！👍🏻👍🏻👍🏻 啲鴨肉就咁點醬食都好好食🤤其他嘢食都幾有質素，碗仔翅夠足料，臘腸卷又係即叫即正，但我最鍾意嘅係佢個燒味飯👍🏻👍🏻尤其是係叉燒，半肥瘦啱啱好，個蜜汁超好味，撈飯不得了😍我一個人食咗成半隻片皮鴨，加埋個燒味飯同碗仔翅，已經捧住個肚走，下次同朋友嚟再食先🤣

皮鴨放題$498一位，4位仲會送紅酒。除咗可以任食片皮鴨仲有一份鮑魚花菇扣鴨掌，任食碗仔翅、臘腸卷、四季時蔬同埋燒味飯。1. 片皮鴨一啲都唔“蘇”，好香鴨味，肉質都幾嫩滑，塊皮燒到好靚，夠乾身香口，絕對係高質嘅片皮鴨。encore咗好多碟！2. 鮑魚花菇扣鴨掌炆到入晒味，超好食，尤其係個鮑魚，夠黐牙，又有番夠上下大隻，好食！3. 臘腸卷好有驚喜，臘腸係上乘貨色，油香環繞口腔一段時間，加上淡淡嘅玫瑰露，食咗幾個都唔漏唔濟，世一。

灣仔中華小館用新派煮法製作懷舊菜式，最近推出了期間限定片皮鴨2小時任食放題$498，每位包一份鮑魚花菇扣鴨掌，無限添加吃到飽美食有：片皮鴨、屋村碗仔翅、迷你臘腸卷、四季時蔬、燒味飯、泡椒鮮魚皮。每款菜式都用心製作絕不馬乎，很精緻很適合聚會打卡，而且是無限任叫任食，吃得十分滿足。鮑魚花菇扣鴨掌鴨掌肉質軟腍，鮑魚大隻很彈牙鮮甜，花菇很厚都很入味，湯汁調味香濃，很滋味片皮鴨即叫即烤，鴨皮新鮮酥脆，充滿油香，肉質鮮嫩，加上蔥、青瓜絲、醬汁包著皮一起吃更有風味，十分香口屋村碗仔翅有木耳絲、粉絲、荀絲、肉絲，很足料，口感十足迷你臘腸卷一咬開臘腸油香滿滿，不會有太多肥膏，非常香口美味燒味飯叉燒切雞飯，雞肉嫩滑，雞味香濃。叉燒肥瘦適中，燒得焦香，蜜汁香濃，肉味濃郁，十分推薦泡椒鮮魚皮冷盤魚皮很新鮮爽彈，泡椒味很突出，辣辣的很惹味，令人吃個不停四季時蔬蒜蓉炒白菜很爽脆鮮味

週末去港島行山⛰,喺灣仔見到一間中餐廳竟然有片皮鴨任食🦆!因為要食片皮鴨通常要好多人,所以難得佢竟然兩位起就叫得,仲要食幾多都duck添😋!呢個套餐498,除咗片皮鴨任食之外,仲有碗仔翅🦈,臘腸卷,燒味飯同蔬菜🥬都係任點~而每位就會送一客鮑魚花菇扣鴨掌~碗仔翅好足料,除咗粉絲同金菇🍄,仲有筍同鴨肉絲~而鮑魚花菇扣鴨掌嘅湯汁都幾香濃~呢個餐嘅主角當然係片皮鴨啦🌯!師傅會拎隻新鮮燒好嘅脆皮燒鴨嚟片🔪,所以啲皮真係勁脆!加埋京葱青瓜同埋醬汁🥒,夾喺饃饃到非常好味,係我想念嘅味道~而佢嘅臘腸卷亦唔錯,臘腸有少少油🌭,但唔會太多肥膏~如果人少少又想食片皮鴨,嚟呢度任食就啱晒👍~