Video
Read full review
2023-03-05
8885 views
今日陪一位外地返港親戚到灣仔銅鑼灣行街，行到黃昏準備搵食,發現這一家位於駱克道近地鐵站口叫中華小館的中菜館，被店外門口的屏幕上不斷播放的菜式相片及明星名人的打卡照片吸引，餐廳的裝修光潔明亮，富現代感之餘，古色古香的木藝裝飾同時亦帶點傳統的中國特色，原來這家店主打是以新派啲烹調方式把傳統菜式重新演繹於客人面前，相信可以吸引到一班熱愛打卡的新一代年輕人。入座後,店員向我們推介片皮鴨任食放題, 除了每位一份鮑魚花菇扣鴨掌外,片皮鴨及另外幾款小菜任點任食, 朋友話在外地好耐冇食過片皮鴨同埋新鮮魚皮,為了一盡地主之誼, 所以最終放棄了叫打卡菜的念頭,唯有下次再約其它熱愛打卡的朋友再過嚟。鮑魚花菇扣鵝掌,鴨掌炆得好腍好入味,花菇亦夠厚身和夠腍,鮑魚亦好鮮甜, 一切配合起來十分惹味。片皮鴨, 親戚表示在外地多年沒有食過片皮鴨, 所以今次可以一切過食返夠本十分滿足, 雖然片皮鴨並不是我的摯愛食物, 個人試過好多時食都覺得好肥膩好油,不過這裡的片皮鴨又確實唔錯,每一片都是一層鴨皮帶著一層鴨肉,中間不會有過厚的脂肪, 而且不會有鴨騷味, 平反了片皮鴨之前在我心目中的不良印象。泡椒鮮魚皮,這一味現在好像不是
入座後,店員向我們推介片皮鴨任食放題, 除了每位一份鮑魚花菇扣鴨掌外,片皮鴨及另外幾款小菜任點任食, 朋友話在外地好耐冇食過片皮鴨同埋新鮮魚皮,為了一盡地主之誼, 所以最終放棄了叫打卡菜的念頭,唯有下次再約其它熱愛打卡的朋友再過嚟。
鮑魚花菇扣鵝掌,鴨掌炆得好腍好入味,花菇亦夠厚身和夠腍,鮑魚亦好鮮甜, 一切配合起來十分惹味。
片皮鴨, 親戚表示在外地多年沒有食過片皮鴨, 所以今次可以一切過食返夠本十分滿足, 雖然片皮鴨並不是我的摯愛食物, 個人試過好多時食都覺得好肥膩好油,不過這裡的片皮鴨又確實唔錯,每一片都是一層鴨皮帶著一層鴨肉,中間不會有過厚的脂肪, 而且不會有鴨騷味, 平反了片皮鴨之前在我心目中的不良印象。
泡椒鮮魚皮,這一味現在好像不是好多地方可以品嚐。上一次食這一味已經是多年前的事,新鮮魚皮處理後十分之爽口, 而且辣辣地食落十分過癮。
懷舊屋村碗仔翅, 雖然叫做屋村碗仔翅,但和以前真正在屋村街邊小食店那些碗仔翅相比,這裏的碗仔翅材料很足,唔會有水汪汪的感覺, 每一啖都好有咬口,十分滿足。
叉燒油雞飯, 普普通通的一個飯,最大亮點是叉燒醃得十分入味, 肥瘦適中,送飯一流。
迷你臘腸卷,又係另一款好耐未食過啲點心, 平時都係因為怕肥膩所以少食,不過在親戚的遊説下都試了一下, 可能製作所用臘腸質量唔錯,而且每件份量較小，食落又真係冇原本想像中感覺咁肥膩和邪惡,仲幾好味添。
四季時蔬 , 食咗咁多肉,點都要叫返D菜食下減低罪惡感, 都幾新鮮和清甜。
觀察所得，到晚上六點半左右我們發覺地下已經接近座無虛席。中途亦有很多已經訂位的客人陸續到來，相信這中菜館在灣仔區應該算是頗有名氣。
Post
