中華小館

Open Now

Now Closed

又黎到食蟹既季節，老公搵左間係灣仔叫中華小館既餐廳，話食蟹係非常出名，仲要有好多好評，於是我地今日就黎食啦呢度啲蟹係任食架，食幾多任你叫🤩呢度上蟹速度非常快，而且亦非常新鮮，即點即整！每隻蟹都充滿濃濃蟹膏，好正👍👍唔單止有蟹任食，仲有蟹粉小籠包🥰！每隻都皮薄餡靚，充滿蟹油同蟹香味，咬落去多汁都爆出黎，好正👍👍而且仲有鮑魚花菇扣鴨掌🐣！鮑魚非常大隻，有拳頭錦大，而且非常煙韌!鴨掌同冬菇🍄都吸引晒啲鮑汁精華，好入味👍

去完會展睇展覽，就黎食飯，好近灣仔站。樓底高，裝潢光明寬敞，有兩層，幾岩新年黎食團年飯。餐牌主打懷舊菜式，但有別一般酒樓，賣相擺碟比較精緻，可以呃Like📸🔸鳳凰展翅（炸小黃魚）$138好有意頭既菜名‼️只係賣相，都值得打一打卡😂原條小黃魚炸至金黃色，食落酥脆，但唔油膩，甚至可以連骨食。面頭鋪上香蒜同辣粉，增添香氣。🔸明爐燒味：蜜汁叉燒上台時會以小火爐加熱，以為個爐冇咩料道。點知火喉十足，唔使一陣，啲蜜汁都燒乾晒。收左汁既叉燒帶啲焦窿，叉燒係半肥瘦，正常發揮。🔸包你撈起 （豬筋撈粗麵）$188又係一道好意頭菜式‼️新年必叫‼️每條麵都沾滿醬汁，撈得勻旬，但記得趁熱食，唔係好熱痴埋一舊。麵質爽彈，唔會過淋過油。個人中意豬筋多過牛筋，冇咁羶。

平時食開大閘蟹放題唔係話啲蟹唔新鮮就係上菜慢！呢度中華小館完全絕對無呢個問題，唔單止野食好食，服務質素都好好！☺️先講下呢隻紅燒乳鴿🤤好大隻之餘又新鮮，而且仲炸的外脆內軟，咬落去就滿乳鴿香又多汁，非常好食😀而呢碟泡椒鮮魚皮😗亦係我地至愛！魚皮脆嫩，煙韌得黎又有𡁻口，加埋啲辣椒令成個魚皮非常惹味😍主角大閘蟹😄亦非常正 多膏又都充滿蟹油香味，食到我地停唔到口！我地叫完一隻又一隻🤩總之呢度食物質素非常高質，大家一定要黎試🥳

灣仔食肆林立 今次嚟咗灣仔站一出嘅中菜餐館食野😚 呢間中菜餐館裝修幾別緻 一入到去店員就問飲咩茶 我地揀咗茶味清香嘅香片🍵金沙窩巴呢個餐前小食 真係好推介大家試🤪 窩巴即係米通 用鹹蛋黃包裹住每一粒脆米🫢 雖然邪惡 但係真係會忍唔住一啖接一啖咁食 鮮胡椒牛肋骨一上碟啲胡椒味 真係衝上嚟🐮 話明係鮮胡椒 真係有一粒粒完整嘅胡椒喺度㗎👻 牛肋骨好方便食用 因為廚師已經細心咁將牛肉切開 本身都擔心牛肋骨嘅肉會比較韌 但係原來都煮得好腍🥰 又夠晒入味 真係好欣賞呢一碟菜式士多啤梨骨傳統嘅生炒骨 通常都係用菠蘿青椒等嘅配料😗 難得呢度有士多啤梨骨 一於試吓佢 每一舊骨都落鑊炸咗先 所以都有脆卜卜嘅口感🐷 外層嘅士多啤梨醬汁甜甜酸酸非常開胃 仲有大量切粒嘅甜士多啤梨🍓 完全唔會覺得呢啲炸完嘅排骨好油膩都幾欣賞呢度嘅菜式 有少少新派嘅感覺之餘 又幾有鑊氣😎 下次再嚟一定要食多次佢嘅牛肋骨😋 牛肉味重 肉質軟腍 都幾值得推介俾大家

朋友快生日了，我們便約她吃飯慶祝。見中華小館的食評幾好，交通又方便，便選擇了這間。餐廳分地下和一樓兩層，我們被安排在一樓。我們上到一樓時，近樓梯附近的地板有點滑，好似有未抹乾淨的油。走廊兩旁都堆放了很多物品，令人感覺好侷促。一樓似是廂房格局，我們被安排在一間大房中，除了我們還有幾枱客人，環境都可以接受。我們5個人揀了一個4人餐，所以要另加一隻鮑魚和一碗炖湯。頭盤有一碟泡椒魚皮，雖然好食，但太辣了，我受了。另外送了一碟鮮淮山拌桂花糖，味道非常清新。餐牌上的菜好快就送上來了，湯很清甜，每道菜都好好味，尤其是清蒸龍躉斑仔和玫瑰豉油雞，我食到一件留！當晚其實都好爆滿，見侍應們都好忙碌，但他們仍然很殷勤地招待每個客人，實在令人欽佩。

點了滿堂吉慶套餐，食物未見食評那麼出色，真的當每度菜端上時也不顯得太吸引，味道一般之下，希望是因為太忙所至令食物水準平平，食物買相也不討好，相信我就不會再光臨。

臨近新年，當然要同家人聚首一堂或者同親戚朋友食飯！呢間位於灣仔「中華小館」，裝修典雅，有濃厚既中國風，樓底都好高，樓高兩層，座位寬敞舒適！ 炸小黃魚不愧是招牌菜，有酥香，香氣滿溢，令人回味無窮。🍄🍄🍄🍄🍄🍄🍄🍄🍄🍄🍄🍄☘️鳳凰展翅 （炸小黃魚）👍🏻👍🏻站立嘅小黃魚好有氣勢！絕對唔係得個樣原來整條都可以食用 不用去骨咬落即感受到極為酥脆嘅口感魚肉保持嫩滑腍軟 雖然係油炸但無油膩感越食越想食！絕對是這一餐的MVP☘️京式片皮鴨外皮酥脆鬆化 且肉質夠嫩滑餅皮厚薄適中 帶點煙韌感享用時 配上甜麵醬 京蔥條 青瓜條乃絕配☘️鴛鴦蝦球👍🏻一客四件 芥末醬 沙律醬 各兩件每件都大大粒 蝦肉彈牙 而醬汁亦不會太霸道！整體配搭融洽和諧☘️麻辣嘻哈炒桂花麻辣味好爽！好刺激！粉絲吸收曬辣味！但不會死辣因為有蝦乾、新鮮蝦、蛋碎等等有層次感鍾意食辣既人不能錯過😂

中華小館以中式佈置，簡潔明亮，共有兩層，環境舒適寧靜，與朋友方便聚餐。明爐燒味 : 蜜汁叉燒 + 燒腩肉燒味用上迷你熱爐坐熱，保持溫度，賣相別緻，十分創新。厚切的叉燒，肥瘦適中，香氣十足，肉味香濃，入口軟嫩，加上甜甜的叉燒醬汁，令人喜歡。四四方方的燒腩肉，一層肥一層肉相間，做到皮脆肉嫩。醬烤欖角骨 $168大件肉厚的排骨，用上欖角及濃稠的醬汁烤煮，欖角清純的獨特味道，帶出甘味芳香， 甜甜的醬汁濃郁惹味，拌飯一流。羽衣甘藍雙蝦炒飯 $138雙蝦炒飯，粒粒分明，炒到十分乾身， 沒有油膩感。鑊氣十足，羽衣甘藍、蝦粒及蝦乾，令炒飯口感豐富，鮮味提升，別有一番風味。

今晚老細請食飯，好期待🤩一行6人嚟到灣仔⏩中華小館食乳鴿大餐，唔止乳鴿優秀，其他菜式都好別緻好精彩🏵重點推介以下幾樣食物🔽⏹紅燒乳鴿油亮嘅皮包住細嫩嘅鴿肉，走油後更香脆，趁熱撕開隻乳鴿仲有鴿油滴出💧一定要用手拎住食先夠好味，每人一隻唔夠喉呀🫢⏹泡椒鮮魚皮好似食緊海蜇咁QQ，嚼吓嚼吓好快就俾我哋食哂😛⏹桂花鮮淮山原來淮山可以咁食，真係好有新鮮感👍🏼👍🏼淮山都幾爽口清脆，桂花就微微甜，兩者嘅味道完全無違和🤝⏹四季時蔬平時少食菜，今晚終於有一大碟菜可以食，夠晒健康💚

秋冬天最開心嘅係有得食大閘蟹，呢啲時令食物唔可以錯過，今晚同朋友食大閘蟹套餐，我個胃已經準備好啦🤩🤩先講吓呢個大閘蟹套餐有咩食，首先主角當然係時令大閘蟹✨🦀✨一打開就見到金黃色蟹膏，實在太誘人😻每一round上嘅大閘蟹都一直高質，就咁食或者點蟹醋食都同樣可口🤭連紅燒乳鴿都可以任食，係咪犀利先😎 乳鴿雖小但肉嘅量唔少，啃埋骨食得乾乾淨淨😽套餐仲包咗一碟鮑魚花菇扣鴨掌同一盅滋潤燉湯🤗燉湯落足料，雞腳都有兩大隻，清甜無味精，真正老火湯！

平時好鐘意食中菜既我 生日正日個日就去左呢間灣仔既中菜館試吓 晚餐時間都幾多人食😍以中菜為主 用經典粵菜配上新派煮法聞名 都幾多人到訪架 裝修風格好古色古香 見佢地既片皮鴨都好吸引 下次要試試佢🔥▫️鳳凰展翅小黃魚呢款香口既小黃魚 中間切開一半攤平放 做到鳳凰展翅既感覺 味道一流🙌🏻 外皮炸至脆身 連啲骨都可以食 魚肉味重 肉質鮮嫩 推薦🔥▫️豬根蘿白胡椒湯 天氣咁凍飮返碗胡椒豬筋湯就岩晒啦😍湯頭濃郁 胡椒味重 平時食豬肚多 豬根真系第一次😂 咬落有嚼勁 滿滿既骨膠原 白蘿蔔大大舊 香甜入味 好暖胃🥰▫️包你撈起新年就黎到 點可以唔應下節😍呢款打卡賀年菜📷連個名都夠晒氣勢 撈個風生水起🙌🏻粗麵香靭 掛汁同時咬落彈牙 配上佢地自家調配嘅醬汁撈吓撈吓 甜甜地 食完新一年實好意頭🥰

\中華小館/位於灣仔駱克道，🚇地鐵站行約莫1分鐘就搵到，地點超方便🚶🏻平市佢哋主打小菜宴會酒席，不過今日要介紹嘅係佢哋秋冬限定推出嘅\任食大閘蟹放題/放題限時120分鐘⏳每位價錢$498，由於餐廳要確保大閘蟹嘅來貨同新鮮度，所以依個放題只接受預約，有興趣嘅朋友可以whatsapp訂位💬仼食嘅包括：大閘蟹、蟹粉小籠包、紅燒乳鴿等等👉🏻 大閘蟹公最好食，蟹膏走creamy路線，有入口就融嘅感覺🗣👉🏻 蟹粉小籠包好足料，爆汁爆餡口感一流👅👉🏻 紅燒乳鴿平時都係餐廳嘅主打招牌菜之一，而家可以任食，一定唔可以執輸✌🏼👉🏻鮑魚花菇扣鴨掌唔係仼食，不過質素都唔差，食得出係用靚嘅料烹調成，口感調味都有水準👍🏼

餐廳裝修風格幾懷舊加古典美，港鐵站一出行幾步就到，夠近同方便，主打懷舊的菜式加上新派煮法製作而成彼翼雙飛菜式幾精緻，幾適合打卡，條魚炸得十分鬆脆，魚骨都食得，底部墊了些脆麵，整體非常香口胡椒豬腳筋蘿蔔湯入面有好多件蘿蔔，豬腳筋，蘿蔔入曬味，湯底胡椒味道突出，飲啖湯，辣辣地十分暖胃薑葱撈起粗麵好耐無食啦，嗌咗碟嚟食，餐廳另外會再上多碟薑蔥，如果唔夠可以自行再加落去，粗麵夾起嚟唔會痴埋一餅，個醬汁只需加好少已經好夠味

屋企人中意食中菜，我就中意搜羅高質中菜餐廳比佢地嘆下🙌 今次就去咗灣仔嘅「中華小館」，灣仔地鐵站一出就到，餐廳樓高兩層，坐得寬敞又舒服💗 今次我地就嗌咗幾道菜，都係屬於新派粵菜。經典粵菜配上新派煮法，驚喜滿滿😚𝗕𝘂𝗯𝘂推介🔥👍 鳳凰展翅•酥炸小黃魚酥炸小黃魚周圍都食到，但賣相咁靚嘅酥炸小黃魚真係好少見🐟 小黃魚中間劏開攤平，做成鳳凰展翅嘅樣。炸得酥脆唔油膩，成條魚連骨都食得，啱哂中意食魚又懶嘅我😌👍 蘿蔔胡椒豬筋煲胡椒豬肚食得多，胡椒豬筋又真係未食過😌 大大煲熱辣辣，一上枱就聞到濃濃胡椒香，湯底飲落當然都係胡椒味滿滿😋 豬筋炆得軟腍，入口即化。千祈唔好錯過啲蘿蔔，盡吸個湯嘅精華🥰📍中華小館 灣仔駱克道128號地下及1樓

趁住仲有得食大閘蟹，拿拿林喺灣仔「中華小館」book咗個任食大閘蟹嘅套餐，之後又要等成年先有得再食架啦😩😩未食大閘蟹之前，每位客人會有一碟⭐️鮑魚花菇扣鴨掌⭐️依碟鴨掌絕不欺場，鮑魚大小適中唔會韌，芡汁好有鮑魚嘅鮮味，非常高質❗️而⭐️紅燒乳鴿⭐️都係仼食，細細隻可以原隻拎住食，好爽🤤鴿油慢慢流出嚟，熱辣辣就最好食😋雖然乳鴿好食，但點都要留肚食⭐️大閘蟹⭐️好新鮮嘅蟹，金黃色嘅蟹膏好甜好滑，蟹肉結實有彈性，適應仲有薑茶提供，真係好貼心🥰今日食完，已經心思思想下星期再食多次😆雖然好crazy，但把握時間食大閘蟹最緊要🤟🏼