Charisme Pavillion

來到這家位於灣仔的私房菜館，佈置簡潔清雅，店員的服務態度細心周到，讓我們感到賓至如歸，隨意的開了壺菊花茶嘆嘆，人齊了各人都選了自己所愛的餸。先來了杏汁燉白肺湯 ~材料豐富，味道鮮甜可口，香濃幼滑。青芥冰燒雞~把所有材料砌成條狀如海蜇、醃製過的青瓜、薑等等，再加些芝麻、炸脆了的芋頭絲及手撕雞，又脆又軟加上wasabi混在一起食，滋味無窮。蝦子生扣柚皮~味道豐厚，有著濃濃的海鮮和鮮肉味，入口即融，不禁多吃兩口。順德煎釀鯪魚~煎香了的釀原條鯪魚肉香氣逼人，魚肉鮮嫩，口感豐富獨特。順德焗魚腸~上層焗得焦香，下層的魚腸仍甘香滑嫩，不腥不膩，火喉掌握得恰到好處。污糟肉蟹椒香米粉~米粉吸收了蟹肉本身的鮮味及其獨特的調味料，有著迷人的味道，令人回味無窮。蝦乾魚肚浸大芥菜煲~蝦乾鹹香和魚肚的鮮味與大芥菜的清甜互相輝映，確有風味。油鴨肶拆肉膶香爆葱滑雞煲仔飯~熱氣騰騰地端在枱上，香氣四溢，令人垂涎，把油鴨肶和膶腸拆成一條條，再混上冬菇、葱花等等一起食，取片雞肉吃，鮮嫩可口，無法抗拒。即做蛋白杏仁茶~潤肺養顏，口感綿滑。總的來說，這家私房菜提供了正宗順德名菜，廚師的用心製作及做出各式手工粤菜，過程中的繁複與費時，是難以形容，現今很小烹調這些傳統菜式！…Read More

好喜歡煎釀鯪魚  (順德菜),  立即去 名門私房菜 訂位, 服務員很貼心,  訂檯時會介紹時令菜, 又可以先落單. 這裡的餐前小食,  會預先安排,  到步即制.   酥炸茄子, 香脆可口, 小心熱.小食後,  先上  順德好出名的 [生拆魚肉羹],   魚肉羮材料好豐富,  湯品鮮甜無腥味, 濃濃魚香, 窩心暖胃.   每啖魚肉都好享受. [順德臘香蠔豉鬆]  伴有西生菜.   秋日傳統懷舊菜, 臘肉臘腸加蠔豉鬆, 富貴菜式, 炒得非常香口, 用爽脆西生菜包住食, 全冇油膩感. [蝦子生扣柚皮]厚厚肥大的柚皮, 燘得好稔, 無苦味又無根, 廚師好手勢, 加上蝦子調味正又非常入味, 食得滋味.[順德焗魚腸] 這個特式菜, 用瓦砵盛載, 不是普通中式酒家可以做到. 魚腸好巨型,  混合雞蛋, 魚肝, 伴有陳皮薑絲去蒸焗,  魚腸無腥味, 焗得好香口.[順德煎釀鯪魚]一味相當考功夫的手工菜, 不但保留了鯪魚的鮮味, 釀鯪魚無骨無腥味, 口感外脆內彈,  又照顧到愛吃鯪魚又怕多骨的客人, 人人岩食.[鬼馬咕嚕肉]  好有驚喜的一道菜, 第一次食油炸鬼拼黑毛豬酸甜咕嚕肉, 正呀!   黑毛豬咕嚕肉, 肉質優, 半肥瘦口感松化, 酸甜調味正, 加上油炸鬼, 和蜜味鳳梨, 烹調技術不俗, 吃得好有層次感,  好滿意.[黃金肉蟹粉絲煲]  巨型肉蟹有份量, 好吸睛.    色香味俱全!!蟹肉厚結實又爽口.   薑蔥蒜蓉嘅香味滲透全只蟹,   味道濃郁惹味.  粉絲滑口, 炒得好幹身. 蟹鉗夠巨形多肉,   鮮甜好食.      [荔芋香酥鴨]   擺碟好得體.   做得非常出色, 一口咬落去外層鬆脆, 芋蓉稠密濕潤, 再加上厚厚鴨肉, 吃得十分滿意.  [麵醬啫啫唐生菜]好鑊氣.  用瓦煲保持熱度.   唐生菜嫩綠好食, 配蝦干, 枸子, 椒絲足料.[生炒臘味糯米飯].   糯米飯粒粒晶瑩飽滿, 柔韌軟熟, 臘味芳香濃郁, 毫不油膩,   好 食到要添飯. 飯後甜品, [紫米露],  養生滋潤,  口感順滑. 店長好友善, 賓至如歸, 大家開心. …Read More

我們喜歡私房菜,  因為可以食到有廚藝的手工菜,  無味精,  食材貨真價實.  服務員招呼貼心, 水滾茶靚,  大家飲茶閒聊,  地方好理想.   前菜兩小碟,  一同送上, 有好實際的美味. 皮蛋酸薑 ~  糖心皮蛋味道香濃, 酸薑夠爽脆. 脆豆腐 ~ 香口惹味 . 一會兒送上   杏汁燉白肺湯,  熱熱的, 火喉夠,  湯燉得清香,  入口杏汁味美甜濃,  潤肺之寶.湯料足,  豬肺, 白果, 瑤柱, 雞肉, 瘦肉, 雲腿,  杏汁.   用料正. 青芥冰燒雞 ~ 手撕燒雞, 肉質幼滑有雞味, 伴上脆芋絲混合青芥醬, 口感獨特, 吃得滿意. 順德臘香蠔豉鬆 ~  臘肉臘腸蠔豉鬆, 加上冬菇, 馬蹄, 洋蔥粒炒香, 同生菜送上. 生菜包裹了臘香蠔豉鬆,  內餡軟嫩甘香, 生菜爽口, 吃得好有層次感.順德煎釀鯪魚  ~  順德經典名菜,  魚肉和魚骨拆出, 留下完整魚頭,  魚尾和皮囊, 師傅刀工手藝好,  鯪魚肉味道鮮美, 肉質嫩滑. 口感非常好. 黃金肉蟹粉絲煲   ~  用鐵鍋盛載, 熱騰騰上臺,   紅卜卜,  蟹香撲鼻. 先取蟹蓋,  蟹蓋蟹膏甘香滑溜.    蟹肉鮮嫩多汁, 柔嫩粉白, 肉質爽口.    蟹鉗巨形多肉,   味道濃郁,   粉絲炒得好幹身好滑口.  粉絲吸入了蟹同瑤柱味, 一流好食. 大家慢慢食, 細細品嘗. 荔芋香酥鴨 ~  經典懷舊菜, 做得出色.   賣相吸引.上層的芋蓉香滑綿糯,  炸得酥脆,  底層鴨肉已去骨, 鴨肉軟嫩可口.  京蔥爆牛仔柳 ~ 用鐵鍋盛載, 保持溫度.  牛仔柳嫩滑, 蔥香濃郁, 有鑊氣, 好惹味.   蝦乾魚肚浸大芥菜煲 ~ 簡單家常菜, 烹調得非常好.   蝦乾魚肚鮮甜味美,  大芥菜爽嫩.   健康之選, 油鴨肶拆肉膶香爆葱滑雞煲仔飯 ~ 秋風起食臘味, 店長介紹這個煲仔飯令我們吃得開心, 既有時令拆肉油鴨肶, 膶腸, 還有滑雞, 這個煲仔飯煮得巧手. 又香又暖胃. 生磨蛋白杏仁茶  ~  好清甜, 潤肺養顏, 杏仁味香濃, 水準出色,  好滿意.       食材和烹調質素優越,   師傅廚藝好,  服務員招呼週到, 值得再臨 !! …Read More

為食老友引路到這樓上私房菜探店, 來嚐嚐餐廣東粵式美食手工宴👏六時入座已見多枱熟客在座, 人流不錯, 白色主調裝修配上彩色玻璃窗夠柔和👏菜單上多道功夫菜式：🥢順德生拆魚肉羹, 鮮魚肉去骨剩肉, 顯廚師心機手藝, 羹湯底夠味感濃淡適中, 灑上少許胡椒粉味道更昇華😋🥢順德臘香蠔豉鬆, 臘味切粒, 混合蠔豉, 香鮮味足, 配上爽嫩生菜更凸顯這味餸的甘香清爽😋🥢順德煎釀鯪魚, 傳統順德功夫菜, 煎釀功夫到位, 肉質彈牙, 調味中和, 我個人最喜歡這道菜😋👏🥢蝦子生扣柚皮, 又是廚師手藝表現, 柚皮預備功夫繁多時間長, 烹調配料用上豬雞魚等肉, 令柚皮鮮味十足😋🥢黃金肉蟹粉絲煲, 足料肉蟹配上入味墊底粉絲, 蟹香散溢, 熱氣騰騰😋🥢京蔥爆牛仔柳, 煲仔上熱辣辣香噴噴, 京蔥爽脆, 牛仔柳有咬口😋🥢荔芋香酥鴨, 久違了的一道時令功夫菜, 芋蓉甘香鬆化, 鴨肉嫩滑軟韌適中, 入口咀嚼好有感覺😋🥢麵醬啫啫唐生菜, 地道一碟家常菜, 正好沖淡先前菜式濃郁味覺👏🥢生炒臘味糯米飯作主食, 正宗生炒糯米成飯, 所以米粒入口富嚼感😋🥢紫米露結尾甜品, 紫米好有口感, 甜到中和😋揾啱私房手工菜👏👏…Read More

收工約埋同事一齊去食樓上私房菜名門私房菜主打順德菜式，位處樓上鋪，私隱度高店內環境光猛，空間感不錯菜式種類繁多，而且店家強調真材實料不加味精，值得一試杏汁豬肺花膠湯一盅盅靚湯，賣相精緻，盅內有花膠、豬肺等湯料湯水色澤乳白，入口嘗到花膠的黏稠，杏汁味道出眾飲完感覺相當滋補冰鎮鮑魚原隻鮑魚，呎吋頗大入口冰涼，食落幾新鮮，咬落唔韌配上秘製燒汁芥辣醬，彷如食刺身感覺懷舊蝦多士蝦多士即叫即炸，一隻隻色澤金黃，賣相吸引咬落相當有層次，表皮酥脆、內裹蝦膠彈牙、中間還有原隻鮮蝦整體味道與口感俱全，還可以配上微酸的醬汁加以調味陳皮話梅豬肋骨話梅豬肋肉質鬆軟，可以輕易咬開，肉感十足食落有淡淡陳皮味道，帶有話梅風味餘韻順德煎釀鯪魚看似是普通煎魚，原來內有乾坤，內裡釀滿鯪魚膠魚皮經高溫油炸，口感香脆爽滑魚膠釀入魚身，食落既有魚味而且無骨啫啫雞煲上菜已經聞到雞煲香味熱辣辣嘅雞件伴隨醬汁，又暖胃又好味大良炸鮮奶外脆內嫩，口感綿滑味道微甜，除了有奶味，更有椰香上湯浸時蔬菜芯配上湯，清甜而解油膩名門炒飯炒飯粒粒分明，飯粒乾身有嚼勁食落香口，味道偏辣，蝦仁、叉燒等配料切得十分幼細最後仲有番薯糖水作結…Read More

新年食團年飯，梗係要食中菜。今次揀咗朋友介紹嘅依間順德私房菜試吓。入到嚟，依一間私房菜有好多間房，坐得好闊落，傾偈都好舒服，唔會好似啲普通酒樓咁嘈。🥢杏汁燉白肺湯首先，我哋飲咗一個杏汁燉白肺湯，一個我好鍾意嘅養顏滋補湯。呢個湯燉到奶白色，好足料，有好香嘅杏仁味，非常香甜清潤。🥢冰鎮鮑魚鮑魚好彈牙，唔腥，食落口好鮮甜，唔點Wasabi豉油都好正。🥢醬爆黃金蝦多士蝦多士鋪有厚厚一層鹹蛋黃醬，鹹香惹味。加埋新鮮炸起嘅蝦多士，真係十分邪惡嘅人間美食！🥢順德煎釀鯪魚食完蝦梗係要食魚，就係食順德名菜。上菜嗰陣，原本以為食原條煎魚，點知內有乾坤！鯪魚肉好彈牙，加上外面煎到香脆嘅魚皮，食落口感更上一層樓。🥢蝦乾魚肚燉芥菜食完啲濃味嘢，當然要食返清清哋嘅菜。芥菜好清甜，而且煮到好腍。魚肚都唔腥，食落爽口，加埋清甜嘅魚湯，消濟一流👍🏻🥢 XO醬海鮮炒飯呢個炒飯海鮮配料都算多，而且炒得好乾身，加上微辣嘅XO醬，每啖飯都好香口！屋企人食完都讚不絕口。🥢蛋白杏仁茶甜品成為我今晚最愛😍 蛋白好滑，杏仁茶好香，成個糖水甜而不膩，一個非常滋潤嘅糖水，為今晚做一個完美嘅總結！…Read More

最近成日食西餐食日本嘢，今日同老公心有靈犀都想食中菜，我哋打算出灣仔藍屋建築群同富德樓行吓，於是上網睇吓附近有無好嘅中餐廳，就俾我哋搵到哩間順德私房菜。餐廳鄰近地鐵站，好容易搵。裡面裝潢簡潔舒適，寬敞闊落，富空間感，最重要係乾淨企理同比酒樓寧靜得多。我哋叫咗二人精選經濟實惠套餐：1️⃣ 冬瓜豬骨薏米湯湯好夠火候，夏天飲啱晒，可以消暑、去濕同消腫，正！2️⃣ 椒鹽茄子粒🍆皮炸得好酥脆，椒鹽惹味，估唔到茄子同椒鹽咁夾。3️⃣ 順德煎釀鯪魚🐟哩道菜第一次食，賣相好特別，好過癮。食落去啖啖肉，鯪魚肉加入芫茜味更香，煎得好脆，點上豆豉香菇醬汁，味道可口！4️⃣ 金針雲耳蒸雞🐓好掛住哩道菜，以前我婆婆成日整，好有家鄉感覺。雞肉好新鮮嫩滑，雲耳金針好入味，不過略嫌油咗少少🤏🏽。5️⃣ 炒菜心🥬菜心新鮮香甜，加少少鹽吊吓味已經好正！6️⃣ 蛋白杏仁茶杏仁味超香濃，口感好厚滑，甜度剛剛好，加入蛋白真係養生又養顏，女士恩物。🏆✨哩度最值得讚嘅係侍應服務好親切周到，我同老公都異口同聲話有賓至如歸，老街坊嘅感覺❤️。下次一定要帶埋阿爸阿媽嚟，唔使成日去茶樓咁悶。…Read More

朋友說要邀請我到一間位於灣仔的順德私房菜嚐嚐。今日，我就跟他來到這間「名門私房菜」。菜餚選擇很多，套餐也有不同選擇，套餐包含主菜、飯、蔬菜和甜品。 馳名杏汁燉白肺湯燉白肺湯工序繁多費時，一般餐館未必供應。奶白色的豬肺湯，真材實料。馥郁的杏香，杏汁香濃；豬肺亦熬煮得入味。 冰鎮鮑魚配燒汁芥辣醬大大只的冰鎮鮑魚 口感細嫩，軟硬適中，爽口彈牙。香氣飄逸的燒汁芥辣醬帶提鮮妙用，嚐到鮮味可口的冰鎮鮑魚 蝦多士 皮薄脆口，蝦膠厚而爽口，不感油膩。蘸點酸梅醬汁更滋味。 大良炸鮮奶金黃外層炸得薄脆，內裏充滿奶香。味道帶微甜，外脆內軟的大良炸鮮奶真的不錯。 順德煎釀鯪魚順德菜代表名物，以新鮮鯪魚拆肉打成魚膠，再釀回魚身煎香。呈上時魚香飄飄， 厚魚膠爽口彈牙，肉質鮮味，沒有碎骨，釀餡不破皮， 表面酥香，味道甘香，可見廚藝精湛 原來盛載的碟子還是熱的，可保存餸菜的温度，這個用心安排很好。 名門陳皮豬肋骨豬肋骨酥香，肉質鬆化。加入陳皮可使食物添上甘香味道，令豬肋骨的肉香中散發着一層芳香 ，增添了獨特的風味。 上湯浸時菜菜心鮮嫩香甜，蒜子亦帶甜味。上湯中加入金華火腿，使湯底是那樣鮮甜。 是日甜品：蕃薯糖水 嚐到蕃薯香甜原味，香甜味道中帶來薑的絲絲微辣。整體而言，用心製作出高品質的巧手料理，真的令我回味無窮。殷勤細心的服務態度，使我有賓至如歸的感覺。飽吃一頓，心滿意足。…Read More

名門私房菜好多年前同朋友食過一次，佢地嘅菜式每一樣都係功夫菜，水準好高同好足料，最近又同朋友再黎，其實有唔少菜式都唔同左，但水準同樣咁高，非常難得。作為一間中式私房菜，名門店面冇一般酒樓咁大，店內亦有少少歲月痕跡，不過都無損佢嘅吸引力，平日夜晚都有大半滿。佢地嘅菜式都好多選擇，但有唔少特式菜因為耐唔耐會轉，所以冇列喺餐牌入面，訂座時餐廳會whatsapp一份俾客人，而部份菜式就最少要一日前預訂。招牌焗釀響螺($168/杯) - 哩款係預訂菜式，留意哩類以位計嘅菜式都係兩位起。雖然話係焗釀響螺，不過菜式其實係用杯上，師傅將響螺、洋蔥同磨菇切碎再放喺杯入面焗，比起釀返喺螺殼入面更方便食，上枱時香噴噴，食落好有咬口，食時可以加少少喼汁吊味。醬爆黄金蝦多士($88/件) - 蝦多士同樣係預訂菜式，需要至少早一日預訂同最少兩件起。蝦多士上面堆滿左超多咸蛋黃醬，咸蛋黃味超濃郁勁邪惡！蝦多士食落幾脆口，中間蝦肉好結實彈牙，多士底另外仲加左隻蝦，口感比一般蝦多士豐富。順德煎釀鯪魚($178) - 哩道菜就咁睇冇乜特別，但睇真啲鯪魚係預先切開左一件件，師傅會先將鯪魚拆肉起骨，再打至起膠釀返入鯄魚皮入面，一般上枱一碟煎釀鯪魚實際係用多過一條鯪魚去整，真係少啲功夫都唔得。魚肉食得出鯪魚香味之餘又冇碎骨，魚皮煎過帶少少微脆，幾好食。招牌哈哈哈芥蘭煲($178) - 哩個芥蘭煲用左蝦球、蝦乾同蝦醬落去炒，蝦醬鹹鹹香香好惹味，蓋左芥蘭本身苦澀味之餘但又唔會太鹹，好啱要黎餸飯，蝦球同蝦乾份量都好足料，對得住個價。總結，價錢雖然唔係特別平，但全部都係功夫菜好花心機同好足料，喺出面唔係好多地方食倒，而且服務亦好好，侍應好主動亦好頻密換碟，抵讚！…Read More

今日和朋友去了私房菜食晚飯，因為之前和朋友食過，所以就選擇名門私菜。環境不大，但總算乾淨企理，舒服環境。嘟完安心再量體溫潔手，侍應帶位入坐。招牌杏汁燉白肺湯：杏汁湯味濃郁，渣與湯分上，湯底雪白清新，喝起來更滋潤，感覺內臟也洗得十分乾淨雪白，怪不得師傅取名白肺湯。特式冰鎮鮑魚配燒汁芥辣醬：第一次吃就愛上牠，用白滷水烹調但又不會失去鮑魚鮮味，鮑魚厚肉但仍易入口，肉質爽口彈牙，再沾上少少秘製燒汁芥辣醬更令鮑魚鮮美，食完一隻好想再吃。鑲鑽黃金蝦：黃金🦐多士是一道十分邪惡食品，用多隻鹹蛋黃弄成醬，把醬蓋上蝦多士頂層，增加蝦多士顏值，鹹蛋香味濃郁，更特出蝦多士和別處不同，蝦膠加上新鮮蝦隻爽口彈牙，又有脆口多士配搭，一同起真有點驚喜！明門XO炒飯（辣）：材料豐富，冬菇粒、叉燒粒、乾瑤柱、蔥粒、🦐⋯⋯，當然不能少是自製XO醬，混在一起炒，令飯粒香噴噴，更惹味！順德污漕雞：特色在用銅盤盛載，底層先放上河葉再將雞件、紅棗、黑椒、冬菜和薑葱蒸熟。雞肉鮮嫩肉滑，味道因為黑椒粒令雞肉有少許辣，吃起來更惹味，應該配白飯最好。麵醬啫啫唐生菜煲：新鮮唐生菜肉麵醬同炒很特別，唐生菜不用炒長時間只用少許麵醬炒，令唐生菜更惹味脆口。蝦籽柚皮：功夫菜自己不會做，只能在此吃，感覺好似食薯仔，軟腍稔，沒有苦澀味，柚皮配蝦籽感覺最好。順德煎釀鯪魚：順德出名釀鯪魚，並非第一次吃，但名門私房菜弄出來，已見師傅很用心，鯪魚煎出來彈牙香口，配上汁同吃也覺好味！…Read More

原來名門已經有17年嘅歷史，地方裝修簡單但菜式味道就一D 都唔簡單，最近正值飲食業寒冬，如果大家都想食好西就要多多支持呢D 僅存嘅小店。順德煎釀鯪魚 外表係一條完整嘅鯪魚，但實際上已經釀滿晒鯪魚肉，而為左要釀滿成D條魚，足足要用3條鯪魚先足夠，加上釀鯪魚肉嘅時候唔可以整爛魚皮，所以係一道相當考功夫嘅菜式。整道菜入口啖啖肉，岩晒鐘意食魚但又怕魚骨嘅人。哈哈哈芥蘭煲係因為用上蝦、蝦乾同蝦醬去煮芥蘭，所以得名為哈哈哈芥蘭煲，整個菜味道偏濃，用黎佐飯一流！灼清菜好新鮮嘅菜，白灼嘅菜可以中和返哈哈哈芥蘭煲嘅濃味 蓮藕餅 & 大良炸鮮奶蓮藕餅係用蓮藕切成薄片後，中間釀蓮藕同豬肉碎整成嘅肉塊，外層脆卜卜得黎內層就鬆軟，作為餐前小食一流！而大良炸鮮奶一樣外脆內軟，咬一口之後濃濃嘅牛奶就會慢慢流出，正！蛋白杏仁茶作為最後嘅甜品，而且由於係即叫即整嘅關係，對甜度有要求仲可以同店員講TIM，非常體貼。…Read More

環境：乾淨企理。防疫：進入大門，服務員立即為我們量體溫，便安排我們位置，過程快捷。服務：侍應很友善，常面露笑容，親切的介紹菜的特色！我們選了鐵觀音，（用茶袋盛着茶葉，既清潔乾淨又便於清理茶壺）水滾茶靚，茶香四溢！服務員先端上黃瓜湯，外貌雖平凡，但真的湯甜美味，相信是真材實料所致，聽服務員說湯是不加味精的！繼續送上的是金錢蓮藕餅（伴著喼汁）和大良炸鮮奶。金錢蓮藕餅：蓮藕是我喜愛的蔬菜之一，從前吃的是蓮藕剁碎和豬肉碎煎成肉塊，而這是蓮藕切成薄片中間釀著肉碎，蓮藕片脆口，若再加上喼汁調味，又另有一番風味，口感不錯，不會太鹹，味道適中，美味！大良炸鮮奶 ：炸得很乾身，內裏的鮮奶椰香撲鼻丶皮薄而脆，不膩之選！青菜爽脆，新鮮美味（沒加上醬油的啊！）順德煎釀鯪魚：是這裏的招牌菜，肉質美味彈牙，聽服務生講條魚需用3條魚肉剁碎而成，是一道考功夫的菜色，若在家弄就要用一整天時間功夫，而且自己釀就不一定好味，所以這條功夫菜值得一試。蝦子扣柚皮：是我童年的回憶，柚皮軟身，像是入口溶化，面層放上蝦籽，更加名貴，所以碟上一件不留！💰價錢：因為功夫菜，價錢合理！…Read More

忙碌的時間總過得特別快, 2個星期多後便是中國人傳統且最重視的農曆新年了~時時都想一家人齊齊整整, 平平安安, 農曆新年又點少得傳統"食團年飯"嘅習俗丫365日媽媽幾乎忙足全年, 天天為我們煮飯做家務, 新年也不想她辛苦, 決定將呢個重任交比一間有信心的餐廳家族是吃開盆菜習慣, 所以也收窄我找餐廳的範圍~得知名門今年有推出『花開富貴紅盆菜』, 仲要有分人數, 人少唔使硬叫份量多的, 不會浪費 盆菜分別為: 6人, 8人, 10人及12人 (每盆都有18種特式食材及包一碟生炒臘味糯米飯)重點可堂食或外賣都得今晚7個人, 訂了6人盆菜加其他餐前小菜其中2款覺得無叫錯, 2款都係很花時的手工菜蜜烤蝦菠士, 個名很搞鬼面頭果片是蜜餞菠蘿, 中間是自家製的鮮菠蘿牛油醬, 而最底層也是用料十足的蝦多士蝦多士入面真係有大大隻蝦, 多士外脆內軟加了點酸甜的菠蘿中和膩口的感覺, 份量大件, 所以胃口細的食半份, 然後留肚吃其他美味菜式第二道必食的手工菜: 荔芋乳鴿酥 配自家制烤肝XO醬 (比驚喜爸爸)而家唔係好多酒樓有芋角呢樣懷舊點心, 名門呢件是芋角的2倍, 特別之處是以乳鴿肉代替豬肉, 以及面頭的自家製XO醬加點XO醬一齊食, 絕不單調油少料多, 微辣不辛聽完很多客人吃過也想買一樽回家.....但這是非賣品呢~重頭戲出場, 大家都等著它『花開富貴紅盆菜』6人份量 (來到也很大盆呢)睇到連長輩都要"相機食先", 賣相夠靚, 用嘅食材也有睇頭, 包括以下18種食材:滿地金錢（家鄉煎釀蓮藕餅）、順德煎釀鯪魚、南乳扣腩肉、鮑汁扣鵝掌、瓦撑豉油雞、明爐燒鴨、椒鹽大蝦、鮑汁生扣抽皮、蘿蔔、豬皮、枝竹、蠔豉、花菇、瑤柱、髮菜、大脷、西籣花、五香芋頭其實仲可以加錢吃得富貴D嘅 (鮑魚、花膠、海參)影返張靚靚食前照先件件看得出是用心去做釀鯪魚也是手工菜式, 魚皮仍有點脆, 魚肉沒有腥味蓮藕餅都好好味 南乳扣腩肉炆到很稔, 肥得黎唔會油膩, 配南乳醬很惹味椒鹽大蝦同冬菇都好大隻邊滾邊吃的盆菜, 底下的蘿蔔同豬皮越黎越入味, 飽都要食多幾舊隨盆菜附送的生炒臘味糯米飯都超正, 最後食返一碗暖下個胃糯米飯乾身唔會黏笠笠, 除臘味粒外, 仲有蝦仁粒, 唔係hea煮的雖然個個吃到一半都叫飽, 但也擋不住糯米飯的香氣, 位位至少都吃了一碗團年飯吃得豐盛又滿足, 希望大家都好似盆菜咁, 起黎緊一年賺個盆滿砵滿!…Read More

屋企人生日，選擇響名門食飯慶祝！名門係食順德菜，我哋都叫咗好多特色菜！首先送上螺頭炖翅骨湯，雖然見唔到有翅骨，但湯有好濃嘅翅骨味，而且湯嘅質地好「傑」，好重骨膠原嘅感覺！大良炸鮮奶，外面鬆脆，入面嘅鮮奶好滑，好好味！懷舊蝦多士 配特色柚蜜醬，蝦多士好脆，入面有蝦肉，亦有蝦膠，而柚蜜醬亦好香！蝦子生扣柚皮，整得好淋，好香蝦子味，整得好入味呀！金錢蓮藕餅，啲蓮藕餅好爽口，煎得好香，但唔覺得好油！古法瓦撑豉油雞，豉油雞好滑，好香酒味！順德煎釀鯪魚，魚入面釀滿鯪魚肉，煎得好香，鯪魚好難整，名門師父整得好好味！原粒蛋黃壽桃大包，嘩，壽包一嚟到，我哋個個都好驚喜，因為冇諗過咁大過！壽包好鬆軟，蛋黃好香，好好味！名門啲小菜真係好有特色，而且整得好好味，啲師父真係好有水準，下次約會又多一間餐廳選擇啦！…Read More

幾位好友未品嚐過私房菜的味道，問及我有否好介紹，讓我想起位於灣仔的私房菜，於是帶同好友再次到訪。當晚到場，燈光通明，主色仍是白色，仍然讓人感覺舒適，格局雖似一般酒樓，卻沒有酒樓的那份熱鬧，有的是寧靜和柔和的感覺。我們要了幾個送餸菜，也點了甜品，在等候及暢談中，餐廳為我們送上。首先送上的自然是湯羹，是順德豆腐魚茸羹，與品嚐過的一樣，不是鮮艷的色彩，卻非常得體。味道依是順滑，豆腐的豆香，菜的清甜，口感卻是更為濃稠稠，沒有一般湯羹水較多，反而是材料滿滿，很有口感。冰鎮鮑魚配燒汁芥辣，青芥凍燒雞同時上枱，當時大家也嘩然，看似很豪華，也很有特色。青芥凍燒雞配上一些蔬菜，荀絲等制作成的，看似是中式沙律，爽口，帶著蔬菜的香味，夾雜點點的鹹，當中青芥帶著點點的辣，卻又剛好洽當，配合著鮑魚的鮮味一同進食，可謂非常特色的美食。鑲鑽黃金蝦，炸至黃金色，從外表看來，大家也猜著，是一隻蝦還是兩隻蝦精制而成。問及店員，才知是一隻蝦做出，在鹹蛋上的外皮上，加上燕麥再炸成。大大的蝦，入口爽脆，鹹蛋的味道很香，卻不濃不鹹，非常配合蝦本身的味道，店員更說蝦頭才是極品中的極品，入口更香更脆之外，蝦頭的鮮香突出，蝦膏滿滿的，個人覺得比蝦本身更為吸引，真的是極品中的極品。藕盞蜜餞煎金蠔皇，上枱時大家又再一次嘩然，大大的金蠔配著蔬菜，色彩非常吸引，而且金蠔的香氣已經在空氣中洋溢著。將金蠔再到碗中，更覺金蠔的大小，感覺非常豪華。金蠔入口非常甘香，蠔味濃郁，絶不比生蠔為差，而且一點腥味也沒有，只有濃濃的蠔甘，令大家鑽口不絶。店主給我們介紹順德煎釀鯪魚，大家也很想品嚐，因為煎釀鯪魚已經很少地方可以吃到了。從橫切面可看到，中間滿滿都是魚肉，並沒有加入豬肉或其他，可見用料十足，此時店主走來告知，他們是以三條鯪魚肉才造出的，可見落料絶不欺瞞。入口非常軟滑，魚肉味十足，卻又非常的爽口，非常的「彈牙」。陳皮醬烤骨，顏色非常接近黑色，香香的陳皮醬，非常吸引，感覺好像很濃厚的味道。可是夾回碗中的時候，感覺是軟綿綿，陳皮醬口感的確很濃厚，卻沒有很鹹的味道，味道雖濃厚卻不鹹，陳皮醬反帶出肉的香味，肉質雖沒入口即溶，卻完全不需用力咀嚼就可以食用，難怪夾回中時已有點快要散開的感覺。蝦乾魚肚大芥菜煲，店員告知順德的大芥菜沒有廣東的苦澀味，所以非常合適作為煲湯或上湯煮，因不會令湯底帶出苦澀味。平時我並不吃大芥菜，就是不喜歡那種苦澀味，經店員的解說，吃著一小塊試試，果然沒有苦澀味，而且還有大芥菜的獨特香味，香味中又有菜的清甜，芥菜也吸收了蝦乾的鹹香，令大芥菜更加美味。名門炒飯($208,例牌)，是最後的一道菜，同樣的深色，飯粒分明，味道不算濃，帶著合適的鹹味，個人很喜歡這個味道，也多吃了。最後送上的，當然是甜品，是這裡著名的蛋白杏仁茶，蛋白配著杏仁的香味，入口非常香滑，當中仍帶點點的澀，正是天然杏仁的味道，可見用料天然，沒有任何添加。是晚的私房菜令大家也很喜歡，有很豪華的感覺，又可品嚐到甚少有的菜色，選料細心及天然，正正是私房菜的特色。…Read More