Hygge (已結業)

26-8-2018 (Sun) 晏晝,同老公行落o黎大壩街搵PHD,諗住o係o度堂食,因為收到佢o地o既宣傳單張,話有堂優惠,點知行到o黎,原來只係一間外賣店,咁就睇其他o野食,呢邊西餐廳多,我o地行到呢間睇,話做到前日(31-8-2018 Fri)就唔做喇,咁試吓啦.坐低後研究menu,老公要$78.00o既炸魚薯條,我要$108.00o既波士頓龍蝦,炒蛋,雜菜沙律,兩個都加$10.00要是日餐湯~番茄湯.等o左一段時間,兩個番茄湯到o黎,份量係半碗,味道就係切切實實o既番茄湯味,冇其他,不過鹹淡適中.冇耐,老公o既炸魚薯條到o黎,睇見炸魚幾大舊,好快,我o既波士頓龍蝦,炒蛋,雜菜沙律都到喇.波士頓龍蝦肉質爽,鹹淡亦適中;炒蛋冇落牛奶,但唔o鞋,幾滑;雜菜沙律o既黑醋落得唔係好多.老公o既炸魚薯條呢?炸魚唔止大件重要幾厚,口感好鬆肉滑;薯條冇炸過火不過外面唔脆,OK.最後兩個餐飲都係要凍檸水,但叫o左好耐至有,呢個正常冇問題.味道係3.5分環境:都幾好,幾舒服,不過我o地坐近門口有啲熱.服務:都OK啦,幾有禮貌不過唔知點解飲完杯水唔會幫我斟,但其他客人飲完就會斟.價錢:有收加一,收$

中午飯黎食，同枱牛產品點了三份牛扒，兩件漢堡。全部太硬。七成好似well fone咁，五成每淡要咬超過三十四十下，有待進步。其他就幾好食。未試過牛扒食剩咁多。海鮮意粉幾好食，工作人員好態度，坐得舒服。

最近來到荃灣西鐵附近大壩街那邊的一間西餐廳吃晚飯，店家最近以特別的汽球甜品作招徠，無奈造訪當天來到時已沽清，唯有專注品嚐其他的出品了。小店佔地算廣，設計裝潢以簡約舒適為主，白色的落地玻璃門滿有外地田園小店的風味，牆上的塗鴉加上一塊寫着當天菜式的黑板，帶著點點文青的玩味，予人輕鬆高雅之感。細看餐牌這店的食物選擇算不少，由沙律前菜、漢堡主食和甜品皆有供應，黑板上更寫上了每天不同的是日推介，主菜類還可以加錢配上餐湯/前菜和飲品。當天的餐湯為番茄意大利雜菜湯，湯汁鮮紅濃稠，原來是加入了外面湯品較少用的紅菜頭，健康足料，茄味濃香但不會太酸，開胃清新。飲湯當然要配麵包，這裡的麵包外微脆內軟綿，質素不算十分突出，反而是即切的鮮牛油以石板盛著，確保了牛油的軟滑，更顯貼心。凱撒沙律，清爽翠綠的羅馬生菜，配上濃郁的凱撒沙律醬、煙肉碎、麵包粒和巴馬臣芝士碎，用料尚算正宗齊全，唯醬汁只草草擠在沙律菜面上，沒有為客人預先拌勻，麵包粒亦不夠脆香，感覺有點馬虎，跟傳統的凱撒沙律有點出入，但其實味道還算不錯，酸香惹味，加上只是跟餐的沙律，所以也沒有太多的要求了。天多利烤羊架 · 芝士青豆薯蓉 · 薄荷乳酪，有別於一般

同呀妹行完都一田 想食西餐 但商場都係嗰d 貴價野 於是去後面街睇下有咩食行到最篤篤發現呢間西餐見價錢合理就入左去試下 我地叫左蟹肉咸蛋黃南瓜飯 因為好似好特別再 +38蚊要左個湯加野飲 叫左塊188既熊本西冷扒 ，同一個金沙魷魚想話個湯就覺得好好味 好creamy 加好多南瓜蓉 不過個蒜蓉包就唔多脆/熱另外個牛扒都好好味 有牛味唔韌肥得均勻 唯獨覺得太細塊 唔夠喉唯有食埋佢d 伴碟 因為d 蔬菜都好甜至於個意大利飯就覺得啖左d 可能唔啱我口味 不過幾新穎 但如果蟹肉轉做帶子 可能會豐富dtiramusu 好好食 個汁好濃 仲有d 咖啡味

逛完荃灣廣場去食飯，商場內嘅餐廳唔係好啱胃口，知道旁邊嘅海霸街好多食肆，就上網搵下，最後揀咗呢間。認得呢個舖位，好似同之前唔同咗，但依然唔少客人，門口又有大大個餐牌，睇啱就入去。餐牌上嘅飯、意粉、肉類等主菜都可以加錢跟餐，仲可以揀係配餐湯&飲品 / 前菜&飲品 等唔同配搭，我吔都想食前菜，但想食嘅兩款前菜都唔可以跟餐，於是就只係加$38配餐湯同飲品喇。呢晚嘅指定餐湯係椰菜花忌廉湯，好明顯係自家制嘅，唔會太稠，仲加埋煙肉碎同麵包粒，唔錯!其中一個前菜揀咗牛肉他他，朋友嘅至愛，從佢嘅賣相同配料可見有唔少心思，連黑魚籽都有，刺穿蛋黃撈埋啲生牛肉碎，好味!另一個前菜比較少見，紅蝦刺身，配埋啲帶點酸辣嘅沙律菜，以$88有三隻大蝦自算係抵食，菜式新穎之餘又新鮮好味，上菜前已經去殼，肉質好有口感，大蝦頭仲有啲蝦膏，冇苦澀味，正!其中一個主菜揀咗黑版上嘅是日推介，白酒煮青口配印度薄餅，order時店員有提到呢個係前菜嘅分量，果然唔係平時見嘅一大煲，但對於我唔太肚餓嚟講就啱啱好喇。有點訝異係呢個係大青口，而唔係平時常見嘅白酒煮青口嘅細版，相對地呢個就冇咁嫩滑喇，亦只得半煲嘅份量。而啲印度薄餅係一般嘅油酥

男朋友放工嚟接我，帶我去咗荃灣食dinner，今次去咗荃灣廣場附近嘅一間西餐小店，食飽仲可以行埋街添！一入到嚟覺得環境都算舒服，見到餐牌上好多菜式都好吸引，我哋決定咗叫龍蝦湯、鮮蝦沙律、松露雜菌忌廉汁意粉、香煎波士頓龍蝦配牛腹肉同埋伯爵茶布甸。先嚟嘅係番茄龍蝦湯，味道好香濃，面頭嘅多士浸左湯一齊食味道好好，湯頭唔會好腥，夠熱，配上麵包幾夾！鮮蝦沙律，不過不失，蝦肉都幾大隻，有少少酸酸地嘅醬汁都幾開胃清新。松露雜菌忌廉汁意粉，賣相一般，但係份量幾多，因為啱啱煮好咗就上菜，所以好夠熱！一嚟到有好香嘅松露味，啲菇都切得幾大粒，增加咗口感，唔錯！香煎波士頓龍蝦配牛腹肉，龍蝦望落就大隻，但係蝦肉就小咗啲。牛腹肉3成熟，幾香牛味，亦都唔韌，幾唔錯！旁邊仲有原個蒜頭同半個燒番茄。伯爵茶布甸差唔多每一枱都必點，賣相都幾靚，仲有少少玫瑰花瓣同糖漿伴碟。但係食落就有啲扣分，因為面頭嘅糖漿真係太甜啦！就咁伯爵茶布甸都已經夠晒~最後叫咗2杯嘢飲，檸檬蜜桃梳打同蜜糖生薑茶。前者有啲似退燒藥味，後者就幾好飲，薑味都幾香。

Hygge 前身是Stella 西餐廳，偶然會看到Stella之前的員工在Hygge，不過無論是Hygge或是Stella 都一樣好食 平日晚上來到Hugge，客人佔了整店大半以上位子，很熱鬧～餐廳環境很舒服，入門口位有黑板，寫了是日special 及甜品～點了以下一款小食加兩款主菜：金莎鹹蛋黃脆炸魷魚 - 面層有點像黃金蝦，炸粉不會過厚，很特別而且味道不錯馬賽海鮮鍋配意粉 - 先來的是海鮮鍋，有青口和魚，份量也多，先飲一半湯，之後會再加意粉；湯底有很濃龍蝦味，很好飲，再加上意粉，很夾呢～好味龍蝦配卡邦尼意粉 - 有半邊龍蝦，很大隻及肉厚，再加上溫柔蛋，很好味～意粉是偏向硬一點，個人超喜歡這口感好味及坐得舒服的小店，絕對會encore～

經過左咁多次，今晚終於豪一豪食餐貴嘢try try 喇小店位置5太容易見到，不過其實都係戲院正對面裝修幾靚，幾舒服心血來潮，想食薯條，芝士都幾好既，不過我自己鐘意食粗薯條多點，份量都ok🤩是日餐湯，雜菜湯，不過不失，個面嗰幾塊係林左既蒜蓉包，都足料同夠味既套餐既，酒類50% off ，都ok na 主菜，叫左個lobster carbonara ,意粉軟硬適中，不錯，加埋流心蛋同煮得剛剛好既龍蝦，好食又不會太漏另外，叫左wellington beef ,個牛好林，好多肉汁，值得一讚，因為食個太多5好食既牛，依個都幾outstanding 總括嚟講，小店質素幾好，有機會再try try 其他意粉同risotto

收工同母親大人👩🏻撐枱腳，就媽咪近去左荃灣西鐵附近晚飯，經過Hygee見到好似幾靚同幾舒服就走左入去食。餐廳都幾大，有二十枱左右，格局舒服適合靜靜地傾下計。每日有唔同既daily special，會寫係黑板，再用ipad影低比客人睇。Daily soup - 意大利菜湯🥣 菜湯好濃，好多雜菜偏酸同偏辣好開胃不得不提個麵包🥖好好味🤭口感鬆軟，有一個仲要係有粒粒合桃☺️辣肉腸魷魚沙律🥗沙律味道偏淡，主要靠辣肉腸黎吊味魷魚🦑好好爽口一d都唔韌整體沙律味道唔係好夾，但用料新鮮Masala  chicken  wings🐔雞翼醃得好入味用印度香料黎醃製好野味肉質嫩滑好juicy係一個有驚喜既雞翼Ribs 🍖兩個片ribs性價比很高Bbq醬好濃可惜太少，如果落多d去烤會更正肉質有d部份會偏乾 但整體都軟熟不嬲都中意食粗薯條🍟多過幼但呢個幼薯條好脆好好味😳 龍蝦溫泉蛋carbonara🥚🍝手掌咁大隻既龍蝦切半上蝦頭好多蝦膏🤤🤤🤤半生熟流心溫泉蛋撈落carbonara汁到好香蛋味偏多汁會比較膩，建議兩三個人share比較好伯爵茶奶凍🍮伯爵茶味好濃好濃又唔太甜😍奶凍做得好滑Encoreeeee📣📣📣惠顧任

話說我從來都無用Openrice寫過comment，但去呢間餐廳中過伏後，再睇睇Openrice咁多人正評佢，我就要勸大家咪俾啲食評呃左...我同同事見星期五，諗住lunch食好啲，就黎試下呢間西餐。睇完menu，都覺得價錢合理，於是我地兩個都嗌左「手打安格斯牛肉漢堡」呢個set，仲加左杯hazelnut latte。等左一陣，咖啡上到黎。latte有個極隱約拉花，飲一啖就散左，啲泡多到以為係cappuccino!!!!好，咁唔理個外表，飲左兩啖，好似奶溝水咁，完全飲唔到咖啡味，仲要無加糖已經甜到嘔，我諗我返公司飲x巢3合1仲好啲。(呢張圖係食完餐飯先影，太難飲放棄左！）等左差唔多3個字，終於俾我地等到今餐嘅主角！就咁睇個外表，都幾吸引嘅。佢入面有隻太陽蛋（但啲蛋汁上到黎已經無曬）、洋蔥（生嘅）、蕃茄（生嘅）、牛肉漢堡（呢個要詳細講下）、無味嘅芝士、同埋兩塊無乜特別嘅飽皮。我地黎睇一睇塊漢堡扒：佢外面煎得好燶，但入面就好生，仲要好多筋，每一啖都食到陣生肉味。同埋成塊扒係無味嘅，明明見到有啲洋蔥、黑胡椒，應該有醃過，但食落無味。而且塊扒無任何醬汁，成個漢堡都無，雖然牛肉生生地都食得，但佢

我地食野除左想食物有水準,就系坐得舒服,環境開揚既餐廳,位於大壩街街尾,所以唔太多人周圍行,四圍都望到外面街景坐得非常舒適。系荃灣廣場對面既Hygge,門口設計得不錯,令走過的人都會停下來影相。先送上餐包及牛油印度胡椒餅,蕃茄沙沙$38,3大塊薄脆餅,胡椒味香濃很夠味,配上青瓜粒,洋蔥粒,紅椒粒,芫茜碎,整個超惹味香口。吞拿魚,三文魚他他$48,下層是健康爽口藜麥,上層是吞拿魚,三文魚,蟹子撈好沙律醬的他他,入口清新,鋪面的有黑醋魚子,薄脆脆等等,賣相精巧。椰菜花忌廉湯$38,小小Creamy又唔會好滯,打完菜蓉唔會隔走所有渣,飲落有少少椰菜花蓉~仲有Bacon粒粒帶出一點咸鮮味,最中意呢種西湯,好好味。南瓜蟹肉咸蛋黃意大利飯$138,好多西餐都加入南瓜,既是健康蔬菜又可以做出多種唔同的菜式,南瓜意大利飯有南瓜的清甜,食食下又有咸蛋香,兩者味道好夾,有埋蟹肉,呢道菜好豐富。波士頓龍蝦,牛腹肉$225,龍蝦好多膏,餐廳還細心地起左龍蝦鉗肉,肉質爽口鮮甜,牛腹肉厚切,牛味頗重,入口有嚼勁又嫩,調味也很濃~薯蓉好香牛油味,仲有粟米仔,蕃茄,烤蒜頭拌碟!!

聽講荃灣有間西餐廳幾有特色，就去試吓，門面幾靚，裏面裝修格局都OK ,客人人數也很多。餐包口感香脆，配搭牛油是不二之選。是日餐湯：意大利雜菜湯加＄38意大利雜菜湯除了平時飲到的雜菜之外，還有紅菜頭，真是特別，裏面嘅雜菜都係比較碎，容易入口。吞拿魚三文魚他他＄48又有吞拿魚又有三文魚，總之魚味十足，而且下面有啲藜麥，非常健康亦有豐富口感，味道清新。金銀蛋香蒜辣椒意粉$128原來金銀蛋除咗係包括鹹蛋、皮蛋之外仲有新鮮雞蛋，旁邊都有啲鹹香嘅豬肉，蒜蓉味香濃，而且有點辣椒令到味道更加豐富，意粉方面就比較硬身，是西式食法。波士頓龍蝦，牛腹肉8oz＄225除了意粉之外我們還點了波士頓龍蝦配搭牛腹肉，一次過滿足晒兩個願望。波士頓龍蝦鉗好窩心地已經去走左個外殼，表面加上一些鹽吊味，有很濃郁的海水香味。另外牛腹肉部位比較少脂肪，吃下去雖然口感比較結實但是牛味十足，六至七成熟的口感真棒！百花蜜伯爵茶奶凍＄48伯爵茶是我喜愛的茶，伯爵茶變成奶凍甜香十足，加上有百花蜜放在旁邊，口感甜甜的又滑又香。士多啤梨乳酪沙冰加＄28士多啤梨和乳酪味配搭恰到好處，凍冰冰最啱炎炎夏日飲用。蜜桃檸檬梳打加＄28蜜桃檸檬梳打整體

下雨的星期天，行下荃灣廣場打發時間，順勢去對面的大霸街搵食。 街頭巡到街尾，Hygee的白色落地門，充滿田園味道的風格最得我心。入座驟眼見Hygee 的食客大多是情侶，一雙一對的，感覺幾sweet, 細意看下Menu , 小食前菜選擇頗多，沙律中較有特色的有希臘沙律，西班牙臘肉腸魷魚沙律，雞尾酒蝦沙律，這些都是坊間西餐廳少有的，除了沙律，你還可以試一下法式牛肉他他，三文魚吞拿魚他他，價錢亦相當親民。餐湯係一餐嘅開始 , 予人第一個感覺是非常重要的，喝了一口，是挺滿意的三文魚吞拿魚他他，配合藜麥，黑魚子印度脆餅，清新精緻，三文魚吞拿魚軟綿綿的，中間夾雜了粒粒藜麥，滑滑之中帶點嚼勁，配合適度調味的沙律醬，好味又健康豬肋骨以烤焗烹調，封汁係一貫歐陸味道，茄醬輕輕帶一點微酸，調劑了大大塊豬肋骨的飽滯感，仲會越食越想食青口，西班牙臘肉腸，香蒜辣椒意粉，微辣恰到好處，専誠選吃這個意粉，就是想換過口味，事實證明選擇正確，好味全晚最失落嘅一刻，就是我想吃的氫氣球甜品賣完了，今天無緣一試這道爆紅玩意，確是有少少罷興，但是沒3秒我又阿Q的開心翻，反正很快會回來，我還有意大利飯、香煎龍蝦，芝士漢堡等著我

朋友住荃灣話煲咗湯叫我哋去飲, 飲之前就落街醫咗肚先!喺Openrice 見到Hygge 係食多國菜, 所以嚟試下!由於全日都無食嘢, 所以個包一上嚟就俾我哋9秒9 KO🤣~ 芝士煙肉脆薯條小妹鍾意佢係幼薯條, 同埋有幾隻芝士加埋一齊, 芝士味濃, 係略嫌唔太夠熱~ 印度胡椒餅, 蕃茄莎莎呢個好食, 夠味, 但塊餅有d 脆有d 唔脆~ 松露雜菌忌廉汁意粉不過不失, 松露味唔太重, 唔太夠熱~ 松露,comte芝士,  意大利小雲吞,  松露忌廉汁呢個......講真真係好麻麻, 幾失望雲吞層皮好厚, 個餡應該就係comte 芝士, 好鞋, 食落口個質感好怪, 唔推薦~ 天多利烤羊架,芝士青豆薯容,薄荷乳酪由於小妹唔食羊, 所以呢個main course 我係無食到, 但朋友話一般~ Hygge金莎鹹蛋黃脆炸魷魚呢個除咗食到有少少"莎"嘅感覺外, 無乜味, 一d 都唔鹹, 粉太厚價錢唔算平, 但唔係太值😅

又到左每月小胖男友帶我去食好西既日子 今次去左荃灣區撐枱腳裝修幾靚 係小妹鐘意既簡潔風格點好菜後 先黎係免費既多士 烘得好脆 可惜無叫到湯飲前菜點左凱撒沙律同吞拿魚三文魚他他個他他帶酸 勁多吞拿魚 好開胃小胖男友點左柚子檸檬梳打 我就點左蜜桃乳酪沙冰 偷飲左佢杯梳打一啖 我覺得我果杯好飲dMain course先黎松露雜菌意大利飯 非常正宗意大利飯粒粒分明 唔會煮到杰達達 仲有濃濃既松露味溫泉蛋龍蝦卡邦尼意粉 好大隻開邊龍蝦龍蝦肉新鮮 蝦肉彈牙 仲有好多膏甜品揀左味道清新 又滑既伯爵茶意式奶凍 不過以上既菜式都唔係最重點因為小妹同小胖男友係為左傳說中食左會變聲既汽球而黎 (只要點任何甜品就會免費送一個架喇)真係好得意 吸左汽球入面既汽 會馬上變Minions聲架