Le Menu

Open Now

Now Closed

We had semi buffet lunch at this restaurant, the food was okay. However, this is the first time I ever experienced such rude manners from waitress. We had a plate of salad, soup and fruit each. Honestly speaking, all are inexpensive kind of food. Being small eaters and hence we couldn’t finish the main dish and the waitress disallowed us to take away leftover ribs n noodles we ordered. Frankly speaking we could have just left the food be wasted and thrown into rubbish bin. We found the waitress

好耐無來過的六國酒店自助餐，聽講而家係有個全新面貌，想book左一段時間，終於約到朋友一齊食。有幾個選擇，你可以17:45就開始食到20:00，又可以八點先入場，又或者大胃王由17:45食到22:15，兩個價錢，星期一至五又或是星期六日會唔同價錢，我哋為食當然係由朝食到晚，一到四去最化算。唔淨係食嘢嘅Menu改咗，佢嘅裝修同以前都唔同，改咗歐陸風情同埋換咗色調，坐嘅空間都唔同咗舒服左。老實講，淨係海鮮已經係同以前完全唔同，海鮮嘅份量同我上次食真係好左好多，剩係龍蝦已經好正，勁大隻翡翠螺，麵包蟹、蟹腳都係兵家必爭之地，仲有青口同蜆都好食。不過佢嘅前菜沙律同埋煙三文魚都有唔錯嘅表現，煙三文魚好食到直逼上次喺麗晶自助餐嘅水準。熱食我自己就好多心水，因為花膠係我食過自助餐之中品質最靚嘅，仲有超級滿足嘅焗蟹蓋，海參同竹笙，仲有蒸班，鮑魚，呢啲都係好精彩嘅中式野食，基本上個個都狂攻呢幾個選擇。繼續講熱食，佢嘅海南雞，龍蝦鉗，鴨肝，鵝掌，豉油皇蝦，仲有龍蝦湯都非常對辦。刺身唔可以話係太吸引，但係你想要嘅嘢都應有盡有，個人喜歡榮螺，食得令人高興。羊架，片皮鴨，仲有大大件嘅西冷，又係人人不能錯過的地方，

都有一段好長嘅時間冇嚟過六國食自助餐，啲人話佢個Menu唔同咗，睇埋相，我以為佢去咗萬豪食自助餐。首先見到海鮮有龍蝦、麵包蟹、煙三文魚、蟹腳、青口、蝦、蜆，仲有好多唔同嘅沙律，講真，佢啲海鮮係好高質，龍蝦仲要不停refill ，我自己都食左幾隻，真心係幾好，係回本位。然後到魚生刺身，有驚喜係有榮螺，三文魚呑拿魚唔駛講，其他的講得出嘅刺身類都會有。熟食真係勁正，鮑魚雖不大隻，但係炆得好唔錯，個個都勁攞，有個阿姐一攞攞十幾隻。另外花膠都係不能錯過的項目，又係搶到傻，而且好大塊，唔係講笑，就算清得快，都fill得快。肉架方面有羊肉，牛扒同片皮鴨，老實講，點會唔好食，我自己個人好鍾意個牛，廚師仲會問你鍾意食乜位，好有心。仲要不能不錯過燉湯，又係會飲幾碗的。鴨肝朋友食完後係咁講加碼，加加加，最後佢食左都有十件，好誇張。竹笙同海參唔會係萬豪咁大件，但講真都不能錯過，都係高貴野。佢分兩轉，八點嘅朋友有時會食到其他野，今晚有白汁藍青口，平時一碟都要幾舊水，老實講，點會唔狂叫。海斑又係不能不吃，我計過，每十幾分鐘就出一轉，真係好有誠意。海南雞同炸蠔都係叫好叫座同受歡迎的食物，不點才怪。其實仲有好多，不過

🍽️Semi Buffet Lunch again 😁任選生果、沙律，中西式湯， 麵包再加15款main course 😋Set 叫左茄汁海鮮焗飯， 好多新鮮既茄汁炒飯， 配上海鮮（青口、蝦、魷魚、魚柳、帶子）， 好味😋😋🥰食野份量唔多既， 可叫A La Carte , 我叫左 《印尼炒飯》份量唔細架， 雞串燒點上沙爹醬， 仲有幾隻大蝦， 荷包蛋煎到脆邊😋正🥰Coffee 做尾聲～ 滿足🥰食得舒服，服務又好，裝修後更顯高格👍🏻

如果吃酒店自助餐，大家會怎樣選擇? 每一間都有自己的主題，多得眼花瞭亂。六國酒店 Le Menu 重新裝修過後，吸引力好像增加了。最近他們以龍蝦、花膠、特級牛扒做主打的自助晚餐，像是一場華麗盛宴。剛好全新裝修是以維多利亞風格設計，有一種貼合主題的魅力。自助晚餐除了供應歐陸美饌外，亦有東方特色料理。海鮮當然是必有的吧，這裡有波士頓龍蝦、麵包蟹、蟹腳、螺和藍青口。整體都很新鮮，不過龍蝦特別鮮美，有些還是多膏的喲另外也有數款凍盤、沙律、芝士，帶有甜甜紅菜頭香的煙三文魚不錯喔！現切刺身亦有六款，包括三文魚、油甘魚、吞拿魚、八爪魚、榮螺、甜蝦。湯會有中西式湯。西式湯是海龍皇湯，入口就有濃郁的蝦味。中式湯是原盅燉湯來，非常夠熱。喝了螺頭蟲草花杞子燉豬腱，很清甜滋潤。即切的肉類有特級牛扒，牛味相當濃厚、富有口感。不過更吸引的是油香肉滑的片皮鵝，確實是用鵝，不是常吃到的鴨。旁邊還有鐵板燒！不怕邪惡的當然要吃香脆綿密的鴨肝多士。這裡的熱葷選擇雖然不是特別多，但每一款都很有特色。像是用兩款肉製成的肉醬意粉，就一定要試囉還有魚肉嫩滑的清蒸星斑、嚼勁十足的花膠、緊緻彈牙的鮑魚、酥脆廣島蠔。個人推介奶味濃郁的3

好耐無試過約朋友去食酒店自助餐，上星期約埋幾個好友去食六國酒店晚市自助餐。最近餐廳Le Menu重新裝修，環境更簡潔舒適。華麗盛宴自助晚餐每人538起，包一杯咖啡或茶，如果想同朋友暢飲，可以加$128，任飲果汁、紅酒、白酒、氣泡酒等等。華麗盛宴當然要有特別之處，佢地自助晚餐的熱盤會有燴花膠、清蒸星斑、煎大蝦、鮑魚、芝士焗蟹蓋等豐富菜式，每款極具質素。冷盤和刺身當然是最受歡迎，除左沙律外，海鮮食材有我最愛的麵包蟹、青口、鮮蝦、蟹腳等，件件新鮮鮮甜。刺身食材有三文魚、油甘魚、榮螺及甜蝦等，總有一款岩你。最令我食唔停嘅係佢地嘅牛扒和鴨肝多士，牛扒肉質勁嫰滑，肉味濃郁。鴨肝多士外脆內嫰，極為香口，都唔記得自己食左幾多轉。另一款特色食材就係片皮鵝，無睇錯，係「鵝」，師傅即叫即切，皮香脆肉嫰滑，值得一食。甜品係自助晚餐重點之一，佢地款式都有幾多，而且都係自家製作，除左有我最愛嘅拿破崙，重有慕絲蛋糕、黑森林蛋糕、焦糖布甸，葡撻、麵包布甸、椰汁西米糕，即製窩夫等，當然重有Haagen-Dazs雪糕和雪條，超正。

早排同一班朋友仔食buffet 聚下，去左剛翻新六國酒店食dinner buffet～酒店餐廳翻新後，雖保留原有維多利亞色彩，唔同嘅係更明亮舒適！食物方面貴精不貴多，最新做緊龍蝦、花膠、特級牛扒主題，但個人認為呢度熱葷區選擇多，質素亦係唔錯價錢$538起比現時buffet dinner 亦算相宜～包1杯咖啡/餐茶升級+$128 free flow 紅白汽酒同生啤 （Stella &1664)海鮮：龍蝦、麵包蟹、蟹腳、螺、青口、蝦等！必食龍蝦龍蝦肉爽甜彈牙！！刺身：三文魚、吞拿、油甘魚、北寄貝、榮螺，整體新鮮、正常發揮熟食區必食推介：Prime rib：特級牛扒鮮嫩有肉味英國人獨特配搭英式布甸包，師傅話當地人當薯菜食片皮鵝：首創選用鵝取代平時做嘅片皮鴨，油脂感更豐腴，肉質更嫩滑鴨肝多士：入口即溶忍唔住食左兩件！焗蟹蓋：滿滿一絲絲蟹肉，真材實料！另外鮑魚、花膠、東星班、鵝掌等名貴食材都炆煮得好軟稔入味！粉麵區供應較少見嘅雞白湯拉麵甜品時間士多啤梨拿破崙、焦糖燉蛋，件裝蛋糕仔都好精緻，仲有即製窩夫千祈唔好漏左Häagen-Dazs 支裝雪條同杯裝雪糕，大滿足！朋友係開飯網購買2小時仲額外送多

buffet雖然無生蠔🦪，但有我最最最愛既鴨肝🥰🥰🥰佢除咗鴨肝之外，仲有平時成日喺buffet都會食到嘅刺身，沙律，冷盤，熟食，串燒，牛扒，甜品，麵包，水果，ham n cheese，中西湯，麵食。而今次我去食嘅主題佢係主打花膠，龍蝦，特級牛扒。除咗上面有得食嘅嘢之外我覺得最特別嘅係首創嘅片皮鵝，平時片皮鴨就食得多，一向都知鴨比鵝係平，所以坊間見到嘅都係扁皮鴨，但係扁皮鵝更加香，仲要原隻片皮鵝係你面前切，口水都流晒🤤另外我覺得幾特別嘅係呢度嘅特級肉眼扒嘅配菜，有平時大家成日出去食到嘅法邊豆，西蘭花同車厘茄之外，仲有一樣好特別我未見過既約克郡布甸。原來法國人好鍾意當佢做薯菜配扒食，聽朋友講呢個布甸出面唔多就算有都係唔平，所以我覺得喺度有得食係幾特別。冷盤區：當然有大家成日見到嘅刺身，當天有八爪魚，油甘魚，甜蝦，榮螺，三文魚，吞拿魚海鮮區：龍蝦，麵包蟹，凍蝦，螺，長腳蟹龍蝦都係佢呢期主打，多膏蝦肉爽口，可以食多幾件🤭🤭熱食區：我覺得好特別同出邊嘅都幾唔同，除咗佢呢期推介嘅花膠之外，仲比我見到鮑魚仔，焗蟹蓋，東星班，鵝掌，比目魚，呢啲都係喺出邊buffet好少見到嘅特色菜。呢個主題除咗啱年青

識飲識食嘅大班朋友想聚會，一於拉大隊食自助餐。 揀咗灣仔六國酒店1樓嘅Le Menu， 來一場「華麗盛宴‧自助晚餐 —龍蝦‧花膠‧特級牛扒」！ 唔駛就晒咁多人喜好去點菜，自己想食乜就食乜，食物選擇多！加$128叫埋無限暢飲汽水、果汁、啤酒、紅白酒、氣泡酒添，cheers~~餐廳佈置格調優雅，牆上面掛住昔日酒店房間嘅相片，新裝修佈置又帶一點懷舊氣息。先攞個原盅燉湯—螺頭蟲草花杞子燉豬展，清澈滋潤又暖胃。之後就係凍海鮮同刺身環節，波士頓龍蝦、蟹腳、青口、麵包蟹、鮮蝦、翡翠螺等，最鍾意係龍蝦，肉質爽彈仲有鮮橙紅色嘅膏，鮮甜美味。刺身有六款，八爪魚、榮螺、三文魚、甜蝦、吞拿魚、油甘魚，厚切呀！食肉獸嘅我就鍾意食羊架、特級有骨肉眼扒同片皮鵝，見佢啱啱燒出嚟，熱辣辣。尤其係片皮鵝，有別於一般片皮鴨，肉味更濃，外皮香脆鬆化。廚師即席鐵板燒竟然見到有鴨肝多士，呢排好多地方都停咗呀。超級好食，表皮金黃香脆，入面香軟嫩滑，一人食咗三件。熱盤亦有驚喜，平時我一般只會試少少，今次啱食嘅熱盤特別多：芝士蘑菇焗蟹蓋、海南雞、清蒸星斑、香橙君度酒燴鴨、清酒白麵豉龍蝦鉗、蠔皇燜鴨掌、燴花膠、蠔皇扣鮑魚、鐵板煎威茉大蝦

經過翻新既六國酒店，以維多利亞風作為設計概念，配合酒店長達 90年的悠久歷史，從沙發到燈飾，以至其他傢俬，都流露出一派古典既味道✨🦀 新主題【華麗盛宴‧自助晚餐】 主打龍蝦、花膠、特級牛扒等多款高級食材，全晚冰鎮海鮮源源不絕地供應，款式包括波士頓龍蝦、加拿大雪花蟹腳、美國麵包蟹、澳洲加菲蟹、熟蝦、東風螺及紐西蘭藍青口，每款都新鮮肥美🦐另外有多款日本空運刺身俾客人選擇，三文魚、油甘魚、吞拿魚、八爪魚、榮螺及甜蝦。每片魚生都好厚切，滿載魚鮮味🐟最後一定要食我最鍾意嘅甜品👍🏻 佢哋嘅甜品選擇都好多，有葡撻、麵包布甸、椰汁西米露、草莓拿破崙同埋即製窩夫，特別推介窩夫🧇 即叫即整熱辣辣，加埋雪糕一齊食非常美味！而雪糕係Häagen-Dazs雪糕同脆皮雪條，食返幾個一定回到本啦😆成人每位用$538起，每位奉送咖啡或茶一杯，另加$128可無限暢飲汽水、凍果汁、啤酒、紅白酒及氣泡酒🥂

位於灣仔告士打道六國酒店內的「Le Menu」，裝修設計採用維多利亞風格，糅合現代與古典元素，簡潔舒適今晚收工嚟咗試試佢哋嘅華麗盛宴 • 自助晚餐，當中包括花膠、龍蝦、特級牛扒、冰鎮海鮮、刺身壽司等等中西美食及甜品。成人每位用$538起，每位奉送咖啡或茶一杯，另加$128可無限暢飲汽水、凍果汁、啤酒、紅白酒及氣泡酒🥂大門位置附近設有冰鎮海鮮、自助沙律及刺身區域。海鮮有龍蝦、麵包蟹、青口、鮮蝦、蟹腳等等，每款都新鮮甜美，勁厚肉日本空運刺身有六款：三文魚、油甘魚、吞拿魚、八爪魚、榮螺及甜蝦。每片魚生都係厚切的，肥美又大件，滿載魚鮮味熱盤方面中西合璧，有多款選擇，當中有芝士焗蟹蓋、清蒸星斑、燴花膠、鮑魚、煎大蝦及燒比目魚等等，廚師精心炮製，質素有所保證另外仲有日本鐵板燒及雞湯拉麵，必吃無限量供應的鴨肝多士，外脆內軟，入口即溶，齒頰留香，不得了呀新鮮出爐熱辣辣的片皮鵝，皮脆肉嫩，充滿油香。特級牛扒肉質香軟，牛肉味濃最後又點少得甜品呢～玻璃雪櫃內放滿整齊排列的甜品例如有：慕絲蛋糕、榛子卷、黑森林蛋糕、果凍及奶凍等等，每款賣相都好精緻吸引葡撻、麵包布甸、椰汁西米露、草莓拿破崙及即製牛油窩夫，全部都

Lunch hour 都幾多人， 坐滿座任選幾款生果、沙律，中西式湯， 麵包再加15款main course 😋Rib Eye 同鰻魚定食OK，三文魚腩好肥美，但我食既Angus Beef 好靭，咬唔開😵‍💫傾下計，食到3:00完， 繼續做嘢😚疫情後Staff 轉哂人，但都醒目有禮👍🏻

六國酒店Le Menu餐廳全新裝修後，以維多利亞風格設計～感覺簡潔優雅，晚餐自助餐以龍蝦、花膠、特級牛扒為主打🦞🫓🥩😍還有波士頓龍蝦、加拿大雪花蟹腳、澳洲加菲蟹、美國特級有骨肉眼扒、燴蠔皇扣鮑魚、燴花膠、蝦籽海蔘，鐵板鴨肝、帆立貝、龍蝦汁焗蟹蓋、刺身、片皮鴨、原盅淮山杞子廋肉燉花膠、龍蝦湯......及多款Häagen-Dazs雪糕、雪條及甜品😋任君選擇🤔🦞🍣🐟🫘🥟🦐🥧🦀🧆🍲🥐🥓🍮🌯🍤🦑🥗🥙🥣🥘☕️厨師和侍應的服務態度好好💯👍👍👍

本來每次寫Buffet，都係將海鮮先發推介，但Le Menu 比較特別，因為熱葷類好多都啱我食，又係回本位，無理由放埋一邊。仲有幾日就新年，嫌中菜悶，都可以諗下食Buffet。就先講下收費。星期一至四全時段 成人$638/小童$448第一時段 1745-1945 第二時段 2015-2215 成人$538/小童$348星期五至日、公眾假期及前夕全時段 成人$698/小童$498第一時段 1745-1945 第二時段 2015-2215 成人$598/小童$398至於農曆新年期間全時段 成人$738/小童$448而一，二時段則成人$638/小童348熱葷三大海味係燴花膠、燴海參及燴鮑魚，但基本上要食均三款就要全時段，因為鮑魚會較後時間登場。另一款回本位就係芝士蘑菇焗蟹蓋，平日係酒樓食，點都要一百幾十蚊一個，而且係任食，蟹肉都算多，焗至微焦，味道不錯。因為酒店本身中菜廳都有水準，所以多款熱葷都處理得不錯，先係蠔皇燜鴨掌，味道好似婚宴內的菜色。而清蒸星班並非原條上，而是星班片，食落方便又無骨。另一道啖啖肉係上湯焗龍蝦鉗。其他菜色有海南雞、欖油香草燒比目魚、鐵板煎威茉大蝦、3.6牛乳海鮮蒸蛋白