Video
Read full review
2023-03-01
3035 views
好耐無來過的六國酒店自助餐，聽講而家係有個全新面貌，想book左一段時間，終於約到朋友一齊食。有幾個選擇，你可以17:45就開始食到20:00，又可以八點先入場，又或者大胃王由17:45食到22:15，兩個價錢，星期一至五又或是星期六日會唔同價錢，我哋為食當然係由朝食到晚，一到四去最化算。唔淨係食嘢嘅Menu改咗，佢嘅裝修同以前都唔同，改咗歐陸風情同埋換咗色調，坐嘅空間都唔同咗舒服左。老實講，淨係海鮮已經係同以前完全唔同，海鮮嘅份量同我上次食真係好左好多，剩係龍蝦已經好正，勁大隻翡翠螺，麵包蟹、蟹腳都係兵家必爭之地，仲有青口同蜆都好食。不過佢嘅前菜沙律同埋煙三文魚都有唔錯嘅表現，煙三文魚好食到直逼上次喺麗晶自助餐嘅水準。熱食我自己就好多心水，因為花膠係我食過自助餐之中品質最靚嘅，仲有超級滿足嘅焗蟹蓋，海參同竹笙，仲有蒸班，鮑魚，呢啲都係好精彩嘅中式野食，基本上個個都狂攻呢幾個選擇。繼續講熱食，佢嘅海南雞，龍蝦鉗，鴨肝，鵝掌，豉油皇蝦，仲有龍蝦湯都非常對辦。刺身唔可以話係太吸引，但係你想要嘅嘢都應有盡有，個人喜歡榮螺，食得令人高興。羊架，片皮鴨，仲有大大件嘅西冷，又係人人不能錯過的地方，
好耐無來過的六國酒店自助餐，聽講而家係有個全新面貌，想book左一段時間，終於約到朋友一齊食。
有幾個選擇，你可以17:45就開始食到20:00，又可以八點先入場，又或者大胃王由17:45食到22:15，兩個價錢，星期一至五又或是星期六日會唔同價錢，我哋為食當然係由朝食到晚，一到四去最化算。
唔淨係食嘢嘅Menu改咗，佢嘅裝修同以前都唔同，改咗歐陸風情同埋換咗色調，坐嘅空間都唔同咗舒服左。
老實講，淨係海鮮已經係同以前完全唔同，海鮮嘅份量同我上次食真係好左好多，剩係龍蝦已經好正，勁大隻翡翠螺，麵包蟹、蟹腳都係兵家必爭之地，仲有青口同蜆都好食。
不過佢嘅前菜沙律同埋煙三文魚都有唔錯嘅表現，煙三文魚好食到直逼上次喺麗晶自助餐嘅水準。
熱食我自己就好多心水，因為花膠係我食過自助餐之中品質最靚嘅，仲有超級滿足嘅焗蟹蓋，海參同竹笙，仲有蒸班，鮑魚，呢啲都係好精彩嘅中式野食，基本上個個都狂攻呢幾個選擇。
繼續講熱食，佢嘅海南雞，龍蝦鉗，鴨肝，鵝掌，豉油皇蝦，仲有龍蝦湯都非常對辦。
刺身唔可以話係太吸引，但係你想要嘅嘢都應有盡有，個人喜歡榮螺，食得令人高興。
羊架，片皮鴨，仲有大大件嘅西冷，又係人人不能錯過的地方，食肉獸嘅天堂，我自己非常欣賞件羊架，同西餐a la carte ，無分別，不過最不能不吃係Yorkshire pudding，講真冇乜自助餐會有呢啲咁嘅食物。不過題外話佢嘅肉醬意粉又係好特別，牛肉羊肉兩種肉醬，做得咁細緻，真係好有心機。
仲有雞白湯花膠拉麵，呢個配搭，都幾新奇，仲要好多唔同嘅串燒都不能盡錄，食到呢度我都飽咗大半。
另外，加$128 就有汽水、凍果汁、啤酒、紅白酒及氣泡酒任飲，好似二月情人節嗰排，仲有rose，你話係咪超值。
甜品選擇相對就唔係咁勁，但係麵包布甸、拿破崙、仲有好多一件件唔同嘅奶凍蛋糕任你攞，最重要當然有Häagen-Dazs嘅雪糕同雪條，個每個自助餐都總有優點缺點，比呢個價錢我覺得已經一定可以回本，最緊要係輕輕鬆鬆就可以回本。
Post
