影片
開飯介紹
焱丸水產是香港首間海鮮磯燒元祖店，有活海膽、鮑魚、活龍蝦、松葉蟹、帆立貝等十多款海鮮，可選擇磯燒或刺身。 復刻傳統魚市場場景，食客在木箱、漁旗的環繞下品嘗豐洲直送當日水產，享受活魚刺身、活貝磯燒的原始風味，彷彿置身於日本海邊。
繼續閱讀
營業時間
今日營業
12:15 - 15:00
18:00 - 00:00
星期一至日
12:15 - 15:00
18:00 - 00:00
以上資料只供參考, 請與餐廳確認詳情
有關獎賞計劃
相關文章
焱丸水產係我屋企好鍾意嘅日本水產餐廳，因為服務好同食材新鮮，幫你燒埋唔洗煩，可以專心食嘢傾計，所以都經常黎。1. 今次黎餐牌見到新食物，鮭魚冷麵，賣相好得，要即刻打卡。好適合夏天食，將鮭魚切成一條條，輕柔地裹挾著特製醬汁的醇厚與鮭魚的鮮美，好似食冷麵咁，每一口都是對夏日炎炎的完美詮釋。2. 鹽燒三文魚鮫，外皮烤至金黃微焦，锁住了魚肉的天然甘甜與豐富油脂，內裡則嫩滑如絲，每一口都是對味覺的極致寵溺。 每次黎都必點嘅燒海鮮：3. 黑松露蟹肉甲羅燒，當尊貴的黑松露邂逅細膩蟹肉，成就了這道令人難忘的甲羅燒。蟹肉的甜美與黑松露的馥郁在舌尖緩緩綻放，猶如夜空中最亮的星，引領您步入味覺的奢華殿堂。 4. 鮑魚殼燒，外殼微焦鎖住內在的海之精華，每一口鮑魚都是彈性十足、鮮嫩多汁，完美融合了海鹽的淡淡鹹香與鮑魚本身。 5. 海膽帆立貝燒，海膽與帆立貝的絕妙組合，呈現出海洋最純粹的禮讚。海膽的濃郁甘甜與帆立貝的細嫩爽滑，在炭火的輕柔烘烤下達到完美的平衡。 6. 醬油木魚帆立殼燒，醬油的香醇提煉出帆立貝的自然鮮甜，木魚花則帶來微妙的煙熏風味與細膩口感，三者和諧共融，呈現出層次分明又不失協調的美味，是對傳統日式料理精髓的現代演繹。
繼續閱讀
主打磯燒活海鮮🦞環境舒適闊落 一大班人食都唔會侷促店內有個大水缸 入面有不同海鮮 保證新鮮生猛焱丸活貝大盛包括鮑魚 扇貝 蠔及蜆有專人為你磯燒😎坐喺度等食就OK了仲有招牌甲羅燒 都係由店員負責燒配青瓜絲一齊食 可以中和蟹膏嘅濃味感～龍蝦天婦羅賣相吸引🥰一味兩食 有龍蝦天婦羅 同大大隻龍蝦蟹鉗自慢焱丸號砌得好靚👍🏻包括海膽、三文魚、吞拿魚蓉、蟹柳絲、帶子三文魚籽等刺身組成仲有幾件小卷 可以自由配搭一齊食特盛A4和牛壽司🥩店員會即場火炙🔥一路燒一路嗅到好香🤩半生熟和牛連同壽司飯、日本蛋黃一齊食 邪惡美味🤪仲有香港比較少見嘅鮭魚冷麵🥢一條條麵嘅形狀嘅三文魚 就咁夾起嚟食 非常打卡當然唔少得飲番杯清酒🍶發現有隻清酒杯入面有條金魚 好可愛嘅養金魚🤪
繼續閱讀
由於冇時間去日本旅行，但係就突然間好想食日本嘢，所以我哋就即刻搵吓有冇邊一間比較有特色嘅日本餐廳去解吓思鄉之情 。於是我哋就搵到呢一間，裝修都好日本嘅居酒屋。✨三文魚冷麵呢個一定一定要叫，三文魚好似冷麵咁樣配埋冷面醬汁咁樣食真係好爽！，啖啖三文魚嘅鮮味同肥美填滿喺個口度真係好正！✨芝士蟹肉甲鑼燒 （加配薄餅）本身就好鍾意食蟹膏，加上鵪鶉蛋，芝士，蟹籽咁樣係個蟹殼到燒真係心心眼。再配埋個薄餅真係好夾。值得一提嘅係隔離嗰啲青瓜絲都唔好嘥，攞嚟點入邊啲膏都好正㗎！✨特上壽司拼盤壽司拼盤啲壽司都係一個字—「鮮」無論海膽，帶子，蟹肉，蟹膏 都係非常鮮甜肥美！ ✨三文魚子帆立貝殼燒、✨醬油木魚帆立貝殼燒呢個三文魚子平時呢就食開係生食嘅，今次烤熟咗之後個質感同口感都係好唔同。呢一個入邊呢就實的的但個鮮味係冇減到架，而且一啲都唔腥。另外醬油木魚帆立貝就先有浸甜甜地嘅味道，因為本身木魚都係甜甜哋，配埋一齊竟然意外地夾喎！呢兩款帆立貝都值得一試✨鮑魚殼燒鮑魚擺上個爐度仲食郁㗎，燒完嘅賣相都仲係好吸引，仲有一浸淡淡嘅炭燒香味！有人幫我哋燒真係唔同啲，食落口仲係好啱啱好，正。✨菠蘿冰梳打、蜜瓜特飲我哋點咗兩杯特飲，大大杯好解渴，而且仲可以食埋入邊啲水果添。但係我本人就最鍾意飲呢個菠蘿𣲙梳打。
繼續閱讀
首先，我最推薦喺呢度嘅鮭魚，用新鮮嘅三文魚刺身切成麵條，爽滑彈牙，非常廚師嘅刀功麵條可以沾蛋汁嚟食，又或者醬油同Wasabi。🐟蟹味噌甲羅燒係呢度另一道不得不試嘅菜，仍然職場喺我哋面製作，蟹味噌濃郁香滑，帶有濃厚嘅蟹香味，非常美味。🦀紫菜魷魚漿天婦羅好特別，魷魚嫩滑彈牙，包裹住香脆嘅紫菜，再用輕輕嘅天婦羅粉炸得金黃香脆，入口香氣四溢。🦑自慢焱丸號係一個非常特別嘅壽司拼盤，上面舖滿咗多款不同嘅魚生同配料，每款都好新鮮，魚生新鮮肥美，入口即溶，仲有吞拿魚、海膽、帶子等，豐富到不得了。🍣至於飲品方面，巨峰啤酒係一個相當特別嘅選擇，啤酒帶有濃郁嘅葡萄香味，入口香甜。梅乾 Highball則帶有濃厚嘅梅乾酸香，酒精度適中，清爽解渴。🍺
繼續閱讀
焱丸水產👻同朋友喺尖沙咀搵嘢食想食日本嘢都有好多選擇今日就揀咗食磯燒海鮮店員好有心機幫我哋燒店入邊個環境好有日式居酒屋嘅feel好似去咗日本咁😛.🔅自慢焱丸號 HKD 258呢個係焱丸嘅招牌菜啲魚生好似瀑布咁樣湧出嚟海膽同吞拿魚蓉最高質海膽都係入口即溶夠晒鮮味成個配搭真係睇得又好味😆🔅燒活鰻HKD 178🔅鮑魚殼燒HKD 136🔅蟹味噌甲羅燒HKD 78店員超級有心機幫我哋燒個鰻魚我哋揀咗鹽燒 另外仲有一款係汁燒啲鰻魚燒到金黃色又肥美好正鮑魚大大隻仲要燒之前keep住係咁郁一睇就知非常生猛😚🔅海膽帆立貝燒HKD 85🔅松葉蟹膏帆立貝燒HKD 80海膽同啲蟹膏燒溶咗落隻帆立貝度火候都控制得幾好可以話係鮮上加鮮🔅三文魚牛油果酢漬HKD 80呢個係一個沙律嘅頭盤沙律配埋三文魚牛油果幾fresh唔錯😌🔅紫菜魷魚鬚天婦羅HKD 78好邪惡但係好正嘅魷魚鬚加咗啲紫菜落去一齊炸熱辣辣咁脆卜卜好好味🔅洋梨燒酌 HKD 58🔅荔枝玉露茶 HKD 58食日本嘢一定要飲番杯燒酒嘅濃度唔會好高甜甜地易入口荔枝玉露都一樣可以加酒🤭.整體黎講:高質水產 飲下嘆下😚.🎈 焱丸水產 (尖沙咀)尖沙咀棉登徑23號華楓大廈地下5&6號舖
繼續閱讀