影片
更多
2020-09-27
3160 瀏覽
係灣仔返工咁耐，都未去過日月星街一帶，今晚去Honbo食漢堡，沿途仲以為自己入左結界，瞬間轉移左去原宿，原來呢度咁鬼型，認真大鄉里出城。🍴The Gold Standard HK$164呢度d漢堡無乜花巧野，只賣最基本嘅美式漢堡，麵包、漢堡扒、配料、醬汁等都係獨家調製，唔係行貨。麵包鬆軟唔乾身，漢堡扒用上牛肩、牛腩等唔同部位製成，口感富有層次，而且專揀老牛，貪佢肉味更濃，我呢款漢堡扒係4安士，比2安士更厚，自然更多肉汁，一路食一路滴，煙肉都炸得香脆，不過漢堡扒實在太出色，煙肉無奈變嘍囉。🍴Grilled Chicken Burger HK$98有機雞扒非常嫩滑多汁，表面仲燒到脆脆地，秘製照燒汁加上蛋黃醬亦都好夾，估唔到連雞堡都係咁出色。🍴Fries HK$28香脆乾身，第一次食薯條點是拉差，好過癮，可惜唔係好多地方有，出街要袋定支旁身先得。🍴Buffalo Chicken Wings HK$68諗住食炸雞翼但賣晒，店員話可以試下水牛城雞翼。雞翼香脆惹味，但我覺得唔夠辣。🍴Mike’s Lemonade HK$38、Apple Pie Iced Tea HK$38Lemonade酸爽清新
🍴The Gold Standard HK$164
呢度d漢堡無乜花巧野，只賣最基本嘅美式漢堡，麵包、漢堡扒、配料、醬汁等都係獨家調製，唔係行貨。麵包鬆軟唔乾身，漢堡扒用上牛肩、牛腩等唔同部位製成，口感富有層次，而且專揀老牛，貪佢肉味更濃，我呢款漢堡扒係4安士，比2安士更厚，自然更多肉汁，一路食一路滴，煙肉都炸得香脆，不過漢堡扒實在太出色，煙肉無奈變嘍囉。
🍴Grilled Chicken Burger HK$98
有機雞扒非常嫩滑多汁，表面仲燒到脆脆地，秘製照燒汁加上蛋黃醬亦都好夾，估唔到連雞堡都係咁出色。
🍴Fries HK$28香脆乾身，第一次食薯條點是拉差，好過癮，可惜唔係好多地方有，出街要袋定支旁身先得。
🍴Buffalo Chicken Wings HK$68
諗住食炸雞翼但賣晒，店員話可以試下水牛城雞翼。雞翼香脆惹味，但我覺得唔夠辣。
🍴Mike’s Lemonade HK$38、Apple Pie Iced Tea HK$38
Lemonade酸爽清新，解膩一流，Apple Pie Iced Tea直情係飲得嘅蘋果批，好濃郁。
📍Honbo
灣仔日街6-7號日新樓地下B號舖
張貼
