240
30
10
港鐵金鐘站 F 出口, 步行約7分鐘 繼續閱讀
所有分店 (3)
電話號碼
25678970
開飯介紹
裝潢以純白為主,部份菜式使用本地食材製作,炸蠔漢堡富有驚喜。 繼續閱讀
營業時間
今日營業
12:00 - 16:00
17:00 - 22:00
星期一至日
12:00 - 16:00
17:00 - 22:00
付款方式
Visa Master AlipayHK 支付寶 現金
食評 (299)
鍾意食burger既我,一直都覺得灣仔係食burger既天堂,隨左有Burger Joys、Burger Home、FIVE GUYS、我之前介紹過既The Butchers Club、仲有今次我覺得係灣仔最好食既burger Honbo。呢間Honbo係上年入選左美國知名數據網站bloomberg全球最佳漢堡包店嘅名單當中42間入面其中一間,全香港第一間都係唯一一間入選,Bloomberg不嬲都會根據全球米芝蓮星級廚師同其他獲得國際獎項既廚師意見,可見今次衝出國際既Honbo來頭唔小,而且佢係2019年國際旅遊網站Big 7 Travel公布既「亞洲50間最佳漢堡店」排名第13,知名度絕對唔輸過同區排名第5既Burger Joys。呢間小店喺2017年創辦,而家有三間分店,我去幫襯既呢一間係灣仔日街既本店。係灣仔讀左九年書都無行過灣仔既日月星街,可能本身近金鐘啲,而且平時無咩可能會經過,要行斜路或者樓梯先去到,但正正就係呢度隱藏左好多美食。灣仔本店係行希臘風,門面係白色同藍色拼合,設計係特登搵一間倫敦設計公司主理,Honbo係餐廳名,同時係廣東話既英文港式拼音。裝修都幾雅緻,有一面lakemont blue牆,加上店內霓紅光管設計,用白磚枱同黃銅燈配襯,地方細細,坐滿大概係20幾個人,枱都細細張,但有齊吧枱、communal table同窗邊開揚位,感覺幾chill,但如果係同朋友一齊食會幾迫下,但我果次係一個人去,再加上限聚令左塊板,所以自己就坐到兩個人位嘅位置,叫做寬敞啲。餐牌主要係10幾款漢堡包,最平$88,最貴$178,平日有午市套餐,包配菜同飲品,會平少少。主打本土自家製美式經典芝士漢堡,漢堡、醬汁同扒都係自家製作,招牌漢堡有honbo同cheeseburger,特色既漢堡有軟殼蟹漢堡、帶子漢堡等,漢堡包外亦有芝士薯條同厚切番薯條,飲品有唔同既lemonade、iced tea、lemon tea同手工啤酒。-🍔 Honbo 2.0💰168,set 208(👅: 9.5/10)Honbo係呢度嘅招牌漢堡包,另一個招牌就係cheeseburger,而Honbo 2.0 就係1.0 份量既兩倍,足足四塊兩安士既漢堡扒,三重芝士。我自己個人唔算大食,其實honbo跟set都夠飽,不過第一次想食得滿足啲就叫左honbo2.0,honbo本身唔算好大個,但連埋個餐我覺得係足夠。食漢堡包,最緊要就係個包,但香港真係冇乜邊間餐廳講究麵包嘅品質,呢間漢堡嘅老闆就用左9個月時間發明左呢一隻包,佢係用咗25%薯粉同埋牛奶去做嘅湯種麵包,雖然成本貴D,保鮮期得48個鐘,但比起常見既牛油brioche麵包,質地堅挺啲、更有彈性、香味自然,解決左因為香港潮濕既天氣令到薯仔好易發霉既問題,更加適合用來做漢堡包同更加接近加州style。麵包係夾餡料之前會稍為烘一烘下,所以咬落去係小小脆口,餡料既水份同埋醬汁拿捏得幾好,口感真係無可挑剔。個包嘅size同厚薄對進食來講亦係啱啱好,唔會話太大個擺唔到落口食,香港好多漢堡包都係做到勁高身,其實個口係食唔到,最後都係要切開嚟食。麵包最出色嘅位係做到乾身,原因係因為佢醬汁既份量岩岩好之餘,仲有無落到香港好多漢堡包都有落既蕃茄,因為蕃茄一多就比較容易出水,整濕個包,今次呢個漢堡包係故意無落蕃茄,大廚有意識到呢個問題,所以解決左一個經常漢堡包會出現既一個問題,但同時因為佢哋係故意唔落蕃茄,所以如果鍾意漢堡包有蕃茄嘅你就會覺得唔啱食。漢堡扒牛肉係美國入口香港,係用咗七成美國USDA Prime牛肩脊同牛肋條,再混合三成本地新鮮牛腩,用本地食材令到漢堡保持新鮮。牛肉每日朝早新鮮絞碎然後手搓成波,用牛肩同牛腩部份做成肉波,唔會加調味劑同添加劑,而且會用傳統既smash style大力壓扁,食落去會比較脆口。honbo漢堡扒分開兩塊,增加煎既面積,食落會乾身啲香口啲,至於店舖另一個招牌cheeseburger會一塊過煎,食落會juicy啲。牛肉夠熱辣辣,因為即叫即做,有order先會放入450度既扒爐。牛肉食落有少少肉味,漢堡扒有咬口,食得出唔似係用機打出黎,係有口感,食到一粒粒肉,見到牛肉略有嫩粉紅色,生熟程度啱啱好,突出香濃嘅肉味,調味唔多,用海鹽加上酸甜醬汁已經好夠。至於漢堡包入邊嘅配料有洋葱、自家醃溫室青瓜同水耕菜,加上芝士同自製嘅秘制醬汁,特別一提係呢間餐廳好鍾意用本地既農產品,好似漢堡包入邊嘅水耕菜都係本地農場出品。菜唔多但食落都唔覺油膩感,可能佢本身乾身而且唔會成個包都係油,只需芝士帶出咸味已經足夠,芝士係澎湃,因為係每兩層肉中間加。-🍟 Fries 💰0 for set(👅: 8/10)店舖最出名係炸番薯條,但我平日大概兩點坐到入去,想叫個時已經賣晒。得返普通薯條。薯條都唔係來貨,係廚師每朝刨皮切條,即炸兩次脆,薯條表面炸到金黃香脆,食落脆口夠乾身,夠熱辣辣,粗度適中,薯味夠,甘香粉糯,就咁點茄汁已經好食。-🍹 Apple Pie Iced Tea +💰10(👅: 7.5/10)飲落肉桂味幾濃,好似真係飲緊蘋果批咁,偏甜,係茶味帶小小蘋果批香味,不過如果連冰都係茶底會更好。-🌟 價錢黎講唔計2.0同set,honbo都算係香港既中價至貴價漢堡(98),對比起香港既中價連鎖漢堡包burger king、shake shack、five guys、mos burger既大約41-85價錢,但只要比多小小錢,可以食到另一個級數既漢堡係絕對值得。呢度既優勝之處係包係烘過夠脆,做到好多漢堡做唔到嘅乾身,雖然佢配料唔似其他咁豐富,亦都唔似Five Guys咁可以自己揀配料,但佢已經係好好食,所有嘢都係恰到好處。牛肉嘅味道係足夠,唔會輸比喺扒房食到嘅牛肉。成個漢堡好食在用料同料理想法,而唔係好似Five Guys咁靠醬汁。漢堡嘅味道絕對係水準之上,甚至係我香港食過最好食嘅漢堡,而且呢間小店係選擇食材或者處理食材上面都有自己嘅做法同諗法,會講得出點解要用呢種材料,或者點解要咁做,對比起好多餐廳廚師講唔出點解要咁煮,而食材更加只係睇個買手入啲咩平貨方便啲,其實背後冇乜原因,而呢間餐廳有自己諗法喺料理入面,已經係值得一讚。喺薯條方面,我會覺得Five Guys更勝一籌,如果只係計原味,無論係味道上定係份量上。飲品上選擇好多,但我個人會prefer five guys既milkshake,喺漢堡店入邊,我覺得比較難搵到嘢飲可以贏到咁邪惡嘅milkshake。總結呢間應該打後都會成日幫襯,因為係灣仔幾方便,下次會再食honbo或者cheeseburger同佢既招牌甜番薯薯條。-👅味道: 9.5/10🍴環境: 7/10💰消費: $240 (服務費: 10%) 繼續閱讀
等級2 2021-07-18
0 瀏覽
呢間餐廳已經好多人介紹過,聽聞係最佳漢堡。今日專登嚟朝聖,食完之後去樓下做yoga。鋪面比較細,因為疫情關係大枱放咗膠板間成一格格,兩個人坐都唔會好迫Ge。叫左 honbo,sweet potato chips同lemonade。個burger好食,patty有肉味又唔鞋,加埋d醬,幾好食。Sweet potato chips就甜甜地鹹鹹地咁,因為佢切得好厚,所以口感ok,都唔錯。Lemonade就好後悔叫左,因為超級甜! 繼續閱讀
(以上食評乃用戶個人意見 , 並不代表OpenRice之觀點。)
Honbo係全港唯一一間入選Bloomberg全球最佳漢堡嘅burger店,試完終於知道點解咁出名🤤 雖然影落去唔係話好igable,好澎湃咁,但真係好好食!比起其他嘅burger店,佢嘅配料無咁豐富,尤其無咗一般burger會有嘅蕃茄,但佢地係故意唔落蕃茄,為免整濕個包影響口感,即使係我呢好鍾意食蕃茄嘅人,都覺得唔落蕃茄係一個正確決定咁~~𝓞𝓿𝓮𝓻𝓪𝓵𝓵~ ✨價錢:7/10👅味道:8.8/10🌌環境:7/10★Honbo ($98)第一次去試就叫咗佢哋嘅signature,入面有兩塊2安士嘅牛肉patty,配上芝士、酸青瓜、洋蔥同埋秘制嘅sauce。漢堡包烘到輕微脆口,仲保持到乾身,食落好鬆軟,成個包嘅大細我都好滿意,啱啱好係擺到入口嘅size✨ 牛肉patty特意分做兩塊,比起一塊厚身嘅,食入口會更加香脆同有層次,但依然保留到肉汁,而且牛味好出★薯條 ($38)薯條令我勁有驚喜!相比粗身嘅薯條,我一向比較鍾意食幼身薯條,暫時食過最好食嘅係喺La Vache! 但Honbo嘅薯條同佢難分高下!薯條本身已經有淡淡嘅調味,即使唔落茄汁都已經好夠味,每一條都炸到脆身,食到最後都無一條係腍嘅!而且好神奇嘅係,佢一啲都唔油膩,只有好少嘅油會残存喺手指~ 繼續閱讀
(以上食評乃用戶個人意見 , 並不代表OpenRice之觀點。)
等級3 2021-07-10
0 瀏覽
一直聽聞Honbo開咗幾間分店都未有機會試佢哋嘅burger入選全球最佳漢堡個朵咁響就試吓佢咩料先嚟到灣仔店 店舖比想像中細四人枱都得3-4張2人枱就迫住係張大長枱食環境比較迫夾但裝修幾靚幾特別Double Cheese Burger漢堡勁大個 口細啲都咬唔哂Beef Patty唔算好厚 煎到微焦用多種牛肉打成 牛肉味好濃 咬落啲肉汁同油分咇哂出嚟 唔會好乾夾住半溶嘅芝士 邪惡級數120%!Double Cheese加Double Patty雙重享受食得好開心自家製麵包都算軟熟唔會太乾爭爭仲有生菜同蕃茄食到尾段有啲膩嘅感覺 雖然價錢偏貴 不過呢個漢堡係有啲料到🥰Cheese Fries晚餐呢度係冇Combo所有野都要散叫 包括啲Sides講返個薯條幼薯條上面淋上芝士醬好難難食嘅組合 正常發揮Buffalo Wings個buffalo wings又幾有驚喜炸咗嘅雞翼再用自家製醬汁調味甜甜酸酸帶微辣雞翼外皮香脆肉嘅部分唔會炸到好乾 幾惹味終於嚟到一試Honbo 符合預期雖然價錢偏貴 但性價比幾高啲Sides就可試不可試如果想去食嘅話建議去其他兩間分店會冇咁迫 繼續閱讀
(以上食評乃用戶個人意見 , 並不代表OpenRice之觀點。)
Burger迷必試!香港唯一一間入圍「全球最佳漢堡2020」名單嘅Burger店😍Honbo嘅burger包體幾好食,整體唔算好大個,價錢偏貴少少。我覺得想豐富啲一定要嗌double,得一塊漢堡食完唔夠滿足。t︿t 薯條就勁香口,好有薯味,唔理熱氣喇👅因為無得堂食,但又想即刻食,所以外賣完就去隔離個公園仔開餐。飲住啤酒,都幾舒服嫁~ 不過我食嘅時候係早幾個月喇,而家熱到咁梗係室內食啦!🙈大家都要注意保暖呀!Honbo地址: 灣仔日街日新樓G/F 繼續閱讀
(以上食評乃用戶個人意見 , 並不代表OpenRice之觀點。)