美滋鍋 (家樂坊)

營業中

休息中

同朋友聚會，打邊爐永遠係我嘅首選，事關湯底同食物都可以按照各人唔同口味去選擇。今次黎到位於旺角家樂坊嘅美滋鍋，電梯門一打開，就見到一個大型火鍋道具裝飾，比大家用黎影相打卡，充滿心思。全店裝修以粉紅色為主調，充滿少女味，環境乾淨企理。近門口位置放左隻粉紅bear bear,可愛到爆❤由於同行友人當中，有人嗜辣亦有人完全唔食辣，所以我地揀左鴛鴦湯底，清涼解熱雪耳鮮椰子鍋，清甜滋潤配搭滋補養生香辣鍋，刺激味蕾。食物方面，當然唔少得打邊爐必點嘅肥牛，肉味濃郁；另外我地仲點左西班牙五花黑豚肉，響鈴，魚皮餃，韭菜豬肉餃同一啲海鮮，例如生蠔，蟶子等，再加上蔬菜類如粟米，香菇，每樣食物都好有水準，值得一讚。順帶一提，餐廳内有一個寶寶樂園，等大人可以放心傾計食飯，小朋友亦可以有一個area可以盡情玩樂。另外，晚飯當日適逢係友人生日，餐廳方面幫我地影左張合照，仲幫我地印埋出黎放入相架送比壽星女，非常貼心。以後gathering,又多一個選擇了😊