OOULI

OOULI 位於銅鑼灣新大廈sugar+，喺皇室堡隔離，景觀非常開揚，可以一路望住靚靚嘅海景同維園景，一路慢慢品嚐精緻嘅韓式料理 😌4-course set lunch 一位 $538*Deul Kkae - Juk*韓國當造特色蔬菜、韓牛、新鮮蜆肉、及自家大米15小時以上烹調傳統粥 - 個粥食落好足料，加埋片薄脆係神來之筆，不嬲粥加脆脆地嘅嘢係好襯嘅*Jili - Tang*海鮮清湯配烤釜山鮑魚 - 鮑魚入口軟淋，個湯清清地好易入口*Jan Chi*烤釜山鰻魚 & 澳州和牛 - 主菜同朋友一人叫咗一款。鰻魚烤到塊皮脆卜卜，好香口。和牛好香牛味，入口即溶，配上醬汁提味，好食 👍🏻*JinSu - Sung Chen*釜山白家農田珍珠米飯配48小時機魚湯加五種時合特色釜山伴菜 - 魚湯入口鮮甜，唔會太濃味。鍾意佢將唔同嘅配菜放喺隔離，你鍾意撈埋邊隻就邊隻，有自主空間ah！餐後仲附送黑咖啡或者韓式茶一杯，配埋小小嘅韓式甜點一齊食，作為一餐完美嘅句號。侍應態度非常親切有禮貌，服務100分。加上呢度令人舒服嘅景觀，個人覺得餐廳好適合兩個人慢慢撐枱腳，或者好姊妹嚟吹水 😌🍽 餐廳: OOULI🏠