OOULI

71
0
2
港鐵銅鑼灣站 E 出口, 步行約4分鐘 繼續閱讀
電話號碼
27708666
26173222
開飯介紹
身兼老闆及主廚的資深韓籍師傅,炮製一系列正宗韓式精緻料理,所用的新鮮海鮮、食材均從韓國直送,而大米更來自店主在韓國的自家農田,以保留最傳統的釜山風味。 繼續閱讀
營業時間
今日營業
12:00 - 22:30
星期一至四
12:00 - 22:30
星期五至六
11:30 - 23:30
星期日
12:00 - 22:30
公眾假期
12:00 - 23:30
公眾假期前夕
12:00 - 23:30
付款方式
Visa Master 現金 AE 銀聯
其他資料
網上訂座
VIP房
電話訂座
賞訂座積分
海景景觀
以上資料只供參考, 請與餐廳確認詳情
有關餐廳
【韓國人主理】正宗釜山風味海鮮 韓國釜山自家大米即場新鮮脫殼
老闆兼主廚—韓國釜山人Jim Kim擁18年入廚經驗,一直想讓香港人一嚐正宗釜山風味。來港10年憑經營不同韓國餐廳經驗,終於創辦主打正宗韓式精緻料理餐廳“OOULI ”。「OOULI」解作”我們大家”的意思! Jim Kim 希望大家會喺Oouli 感受到有喺韓國家庭裏家嘅感覺及「滲有了少少韓國味」的獅子山精神!餐廳所有新鮮海鮮、食材均韓國直送,大米更由Jim自家韓國農田直送香港,並於餐廳即場將稻穀脫殼及使用韓國蒸飯機煮製,保留最傳統釜山風味。

有關獎賞計劃
食評 (74)
等級4 2022-11-21
446 瀏覽
每年一到💍結婚紀念日,就要諗吓去邊食飯慶祝。喺網上見到這間韓式fine-dining餐廳,感覺好吸引,冇得去韓國旅行,就食返個高級韓國菜慶祝一下🎉.這間位於銅鑼灣的高級韓式fine dining餐廳,由來自🇰🇷韓國釜山的廚師主理,可以品嚐到韓國原汁原味的風味😋,亦能體驗韓國人精緻的fine dining,無論係餐點的擺盤、食材都別具心思💕餐廳的裝修環境亦好有浪漫氣氛,還可以飽覽美麗的城市夜景。而且就到聖誕節,餐廳還滿佈聖誕裝飾,充滿節日氣氛🎄.✨Oouli 9-courses tasting Menu✨ $1880/位(Special price $1480 /位- for celebration of opening till 16 Dec 2022).🧡Oouli Bu Gak用上來自釜山的海苔和濟洲的海藻,再用紫蘇油炸,炸到好鬆脆,再放在麻油芝麻塊上面,香氣十足,重有三款醬汁俾你點,有原味、辣味、菠菜味豆腐醬,令味道更加提升👍🏻.💛Deul Kkae - Juk個粥真係好綿密又香濃,原來用了多種高質食材,包括:韓國時令特色的🥬蔬菜、🐮韓牛、新鮮蜆肉、🍚自家的大米熬足15小時以上煮成,所以真係真材實料,好好味。難怪傳統的韓國家庭都喜歡用這個菜式來宴客。配上香脆米餅,口感十足😋.💚Han - Ip這個賣相真的超美,師傅將韓國橡子果凍切成🌸花型,盡顯刀工。上面還放上食用花、彈牙章魚片,賣相非常精緻💕食落味道微酸,而且口感清涼。小小的豆腐鱈魚籽三文治入面釀入了惹味的泡菜和鱈魚籽,味道層次豐富👍🏻.💙Bo Yang -Sig睇落賣相無咩特別,但味道真的有驚喜。用上蔘雞湯煮成Risotto,食落好香濃🐥雞湯味,口感creamy。配上雞肉、人蔘片、紅棗、松子,真的超讚💕.💜Mii -Tang海鮮清湯用🐟紅魚煮成,味道鮮甜,上面的泡沫都係用高湯打成,再灑上辣椒粉,令味道更加提升。烤釜山鮑魚好鮮味,口感彈牙。下面的白蘿蔔吸收晒啲湯汁,非常入味又香甜🫶🏻.🤍Jagal-Chi入面有三款刺身,包括:韓國左口魚刺身🐠、72小時醬油大蝦🦐、醬油三文魚🐟,師傅還配上自家製韓國醬汁,味道微辣,充滿韓國風味✨.🤎主菜Jan Chi.🥩烤韓國頂級1++韓牛可選烤韓國頂級1++韓牛,或澳州和牛,食韓菜梗係選韓牛🇰🇷 賣相好精緻,韓牛煎得剛剛好,牛味香濃,肉質嫩滑,而且每啖都充滿肉汁。伴碟用上🥕小紅蘿蔔造型的紅蘿蔔蓉點綴,還有香菇🍄.🐟烤釜山鰻魚鰻魚烤得剛剛好,外皮微脆帶點煙韌,魚肉好厚身,而且好嫩,下面配搭了薑薯蓉、海鮮辣醬調味,食落微辣惹味🌶.❤️JinSu - Sung Chen由韓國師傅推出飯煲,奉上來自釜山自家農田珍珠米飯🍚,還有噴煙效果。另外,還有五款韓國特色益山漬物來拌飯,加上煮足48小時的🐟香濃鰻魚湯,看似簡單但美味,食完好溫暖♨️.🧡Hu - Sig成個甜品都用米去整,真係好特別。窩夫餅的造型看似🥟餃子,原來係年糕,外脆內煙韌。加上自家製雪糕🍦,冷熱配搭有驚喜🤩 繼續閱讀
(以上食評乃用戶個人意見 , 並不代表OpenRice之觀點。)
等級4 2022-11-21
272 瀏覽
。前幾日好開心放假嘅時候同朋友去咗食一間韓國菜嘅我既fine dining😍 係由韓國大廚主理既fine dining😍, 今晚我哋去食九道菜嘅tasting menu😋.Oouli Bu Gak左邊係濟州海藻 右邊係釜山嘅海苔,配上自家製嘅三色豆腐醬 非常之特別 揸得非常之酥脆😍-Deul kkae-juk 呢一款菜係屋企有貴賓嚟嘅時候先會招呼客人嘅菜式,😋菜式入邊有蔬菜韓牛新鮮螺肉,咪仲要係用自己種 用咗15個鐘熬製既傳統粥❤️味道非常驚喜 海鮮同牛味濃郁 將所有精華熬晒落個粥度🫶🏻💯💯-Han-lp 韓國橡子果凍 成朵花咁非常之靚口感同蒟蒻有少少相似 食落非常輕盈個湯係牛清湯嚟嘅 入面更有章魚片同埋食用鮮花點綴😍真係非常之精緻啊 仲配咗炸豆腐海苔三文治 入邊有泡菜同鱈魚籽 食落好有口感 酸酸甜甜好開胃💯-Bo yang-sig人蔘雞湯risotto 😍 非常之濃郁 每粒飯都飽滿住人蔘味 飯側邊配住有少少人蔘片、松子仁,紅棗片等等,而且飯非常有咬口😋-Jlili -Tang每食一道菜都充滿着期待 因為每一道菜都非常之精緻 唔單止精緻 菜式上非常有水準泡沫用海鮮清湯熬製而成,下邊有少少白蘿蔔,已經煮到非常之鮮甜 見面頭頭嘅鮑魚更加唔使講 肉質彈牙 再用咗少少紅椒粉點綴😋💯-Jagal-Chi另外刺身亦都好特別,😋佢有三款刺身分別係左口魚、大蝦、三文魚。三文魚非常之肥美,二大廈呢個足足72小時嘅醬油醃製,非常之入味,而且蝦肉本身嘅口感依然保持膠質,好好食。而最特別嘅就係左口魚,😍除咗有左口魚魚身嘅刺身之外仲有左口魚裙邊,💯兩種部位都有唔同口感非常獨特。Jan Chi主菜三揀一我選擇左頂級烤韓牛,😋😋牛肉烤得啱啱好,外表睇落非常之厚實,放入口又十分嫩滑,而出牛味非常之濃郁,側邊嘅配菜亦都好出色,💯個菇特別入味,勁推薦。-JinSu-Sung Chen唔好睇佢只係一個飯,但係其實佢係老闆親自喺韓國嗰邊有一塊田自己種嘅,自己種再空運過來香港,淨係個心意,香港真係買少見少。去配上五款釜山特色伴菜以及鰻魚湯一齊去食。個湯超清甜,有好濃郁嘅鰻魚味,足足熬製左48小時,而伴菜都好友紅歌釜山地道風味,配上軟糯嘅米飯,口感同味道都不錯。Hu-Sig 個窩夫非常之脆口,真係外脆內軟,❤️再加上自家製牛奶雪糕,甜而不膩,無論口感定係味道都好出色😍😍-呢餐飯喺味覺同視覺嘅享受🫶🏻,真係100分❤️❤️,下次一定會再嚟食💯💯- 繼續閱讀
(以上食評乃用戶個人意見 , 並不代表OpenRice之觀點。)
等級4 2022-11-16
408 瀏覽
第一次試韓式 Fine Dining, 係銅鑼灣Sugar +, 落地玻璃可以望到維園同夜景🌃, 環境真係再加分OOULI 「我們」,聽聞老闆亦係主廚係韓國釜山人, 為左把釜山嘅味道帶黎香港, 所以用嘅食材都喺由韓國運送, 最特別係連米飯係用左老闆韓國自家農場種嘅大米🇰🇷新開張優惠可以$1480 試Oouli 9-courses Tasting Menu (原價$1880). 呢個優惠去到16/12.Oouli 9-courses Tasting Menu包括:紫蘇油炸及三次風乾的釜山海苔及濟洲海藻Oouli Bu Gak 兩款特色紫菜炸到鬆脆, 海苔係熟悉嘅紫菜味道. 而海藻反而仲帶有點澀味都幾特別. 碟上仲有三色分別係原味、辣味同菠菜味豆腐醬韓國當造特色蔬菜、韓牛、新鮮蜆肉、及自家大米15小時以上烹調傳統粥Deul Kkae - Juk傳統韓國家庭會用呢個粥招呼貴賓, 加入左多種食材熬煮十幾個鐘, 所以口感好稠濃綿密.一邊係香脆米紙令口感更豐富章魚片、韓國橡子果凍配炸豆腐鱈魚籽三文治Han - Ip韓國橡子果凍切成花狀🌺 配左湯有點似水冷麵湯底, 涼而微酸好開胃, 上面有彈牙章魚片🐙另外係炸豆腐, 入面釀咗泡菜同鱈魚籽味道唔錯韓式參雞湯燴飯Bo Yang - Sig幾有創意fusion, 用Risotto 煮法把蔘雞湯濃縮係飯中. 不過米都係用左韓國米, 所以無risotto 較硬嘅口感. 而係類似較濕潤軟身飯, 帶雞湯香味, 上面放有雞肉絲、人蔘片、紅棗同松子. 海鮮清湯配烤釜山鮑魚Jili - Tang呢個幾有驚喜, 紅魚海鮮高湯清而帶鮮味, 而上面以湯打成泡沫再灑上辣椒粉好有分子料理感覺😆慢煮鮑魚軟嫩, 而底層白蘿蔔汲取左湯好入味軟腍韓國左口魚刺身、72小時醬油大蝦及醬油三文魚Jagal-Chi韓式刺身三式由淡入濃. 先吃左口魚、醬油三文魚、最後到醬油大蝦. 配上特製韓國醬汁, 微辣幾惹味🇰🇷烤韓國頂級1++韓牛 /烤釜山鰻魚Jan Chi主菜除左韓牛(另加$180)同鰻魚亦有慢煮濟州黑毛豬五花可選韓牛共3條, 煎至剛好medium rare 中間嫩紅色, 肉質好嫩. 肉同脂肪比例均勻, 無和牛入口即溶嘅易膩, 反而係帶有點咬口, 同濃郁牛肉香味. 好好食~鰻魚皮烤至半脆半煙韌, 魚肉厚身. 配上薑薯蓉同海鮮辣醬調味都唔錯釜山自家農田珍珠米飯配48小時鰻魚湯加五種時令特色釜山伴菜JinSu - Sung Chen到尾聲, 由老闆親自介紹, 即場打開韓國壓力煲係釜山自家農場種植家鄉米飯. 鰻魚湯香濃呈乳白色, 另外加上五款韓國帶黎嘅漬物-香脆小蟹、辣椒、黑豆、海苔同銀魚仔. 熱熱嘅飯配魚湯加小菜, 好有韓國住家飯嘅感覺. 食完覺得胃好舒服滿足, 原本唔覺得餓, 但一啖一啖 comfort food 忍唔住清乾淨自製雪糕配糯米年糕窩夫餅Hu - Sig最後甜品都好有驚喜, 成個甜品都喺用米去整. 糯米年糕窩夫餅外脆中間煙韌, housemade雪糕用左米加奶同vanilla 調味, 香而幼滑. 配上waffle 好滿足 呢次高級韓式餐飲體驗差唔多3個幾鐘, 真係幾難忘 繼續閱讀
(以上食評乃用戶個人意見 , 並不代表OpenRice之觀點。)
等級4 2022-11-15
369 瀏覽
喺香港要食韓國菜唔難,不過OOULI有啲特別,老闆係韓國人,佢為左將老家釜山嘅原味道帶黎香港,除左食材每日又韓國新鮮運到,仲喺釜山買左塊農地黎種米,白米運到黎香港先即場將稻穀脫殼同煮製。一入餐廳就見倒對面有成排玻璃,可以望倒成個維園,景觀非常開揚。Lunch set有三道菜或者四道菜揀,我地揀左四道菜($538/人),佢包左前菜、湯、主菜、飯同餐茶。Deul Kkae  - Juk - 哩碗粥就係用左佢地自家農場種嘅大米,再加埋韓國當造嘅蔬菜、韓牛同蜆肉一齊熬煮而成,足足要熬超過十個鐘。佢地嘅野食都好熱辣辣,粥上枱時都好滾熱,粥底綿滑,加埋蜆肉嘅鮮味非常鮮甜,旁邊嘅脆米又薄又香脆。Jili - Tang - 哩碗海鮮清湯上面堆滿泡沫,面頭紅色嘅係辣椒粉,以西式方法擺盤,賣相精緻。海鮮湯好清,入面有白蘿蔔同鮑魚,蘿蔔清甜冇渣,鮑魚彈口得黎唔會太韌。澳洲和牛 - 和牛大約七成熟,食落帶少少咬口,但又唔會好韌或者有筋,用左秘製醬汁一齊煮,味道甜甜地咁幾特別,旁邊仲配左菇同蘿蔔。烤釜山鰻魚 - 賣相同平時食嘅日式鰻魚唔同,鰻魚冇碎骨,魚皮炸到酥脆又唔油,蘸埋個醬汁食幾好食。JinSu - Sung Chen  - 韓國人每一餐幾乎每一餐都要有米落肚,所以Lunch Set最後都有一個伴飯,伴飯用嘅米同樣係老闆自家農場種嘅珍珠米,上枱時先喺壓力煲畢出黎,保証熱辣辣。伴飯用左五種釜山時令伴菜,有江魚仔、黑豆、紫菜、辣椒同泡菜,旁邊係用鰻魚熬煮左48個鐘嘅魚湯,同樣係熱辣辣,煮到奶白色好香魚味。珍珍米每粒都圓潤飽滿,有彈性得黎又唔會太黏,食完成個人暖晒。最後嘅餐茶有幾款花茶揀,我地揀左桃茶同薄荷茶,原來係用茶上,有時間可以慢慢飲慢慢坐,非常relax。總結,OOUDI每一樣食材都由韓國入口,最估唔到係連大米都係自家農場種出黎,而且全部食物都非常熱辣辣,完全感受到釜山嘅原味道。 繼續閱讀
(以上食評乃用戶個人意見 , 並不代表OpenRice之觀點。)
呢間餐廳由🇰🇷釜山人主理喺銅鑼灣站行幾分鐘就到地理位置都幾方便餐廳嘅裝修好有格調有落地大玻璃窗邊位仲可以望到維港海景真係好chill菜式非常新穎同特別食落絕對有驚喜🔸韓式生牛肉他他 $390🔸醬油花蟹 $480🔸Oouil魚拌飯(韓國海刀魚&鱈魚子醬)$280🔸韓式鱈魚子醬薯條 $160喺呢間餐廳食飯真係好有情調,喺寧靜嘅環境底下聽住漫漫嘅韓國歌曲,再望住優美嘅景色享用美食,真係夫復何求☺️韓式生牛肉他他嘅擺盤相當精緻,底層嘅食材真係估佢唔到,竟然係韓國嘅梨切粒而成,生牛肉上面仲有卷韓國紫菜,賣相真係一百分👅生牛肉用咗韓國麻油同雞蛋醃製,所以好香麻油味,整道菜食落口感好豐富,非常有驚喜😆接住落嚟就係Oouil魚🐟拌飯,海刀魚我都係第一次食,感覺都幾特別。餐廳係將海刀魚煎完再放喺飯上面,令到個飯都洋溢著海刀魚嘅鮮味同香味🤤再配埋鱈魚子醬同秘製韓式醬油,拌飯食非常好味🤪之後就到韓式鱈魚子醬薯條,薯條炸得好香脆,薯仔味好濃,點埋韓式鱈魚子醬食真係一流,呢個配搭好夾🤣最後就到醬油🦀花蟹,呢道菜可以話係韓國美食當中其中一樣最有名嘅菜式,點可以唔試吓😆一上菜真係俾佢嘅蟹膏份量嚇親,有超多膏呀🤣望住咁邪惡嘅蟹膏真係流哂口水,佢哋嘅醬汁都好惹哋,蟹膏蟹肉一齊啜勁好味,好味嘅程度真係非筆墨可以形容🤤 繼續閱讀
(以上食評乃用戶個人意見 , 並不代表OpenRice之觀點。)