Cambo ขุนทอง (The ONE)

星期一與朋友在尖沙咀小聚. 試咗呢間位於The One商場內嘅泰國菜, 相當唔錯,要介紹俾大家一試!泰國菜嘅頭盤當然唔少得沙爹串燒. Cambo 嘅串燒香嫩多汁, 而且有豬牛雞肉選擇. 啱曬選擇性困難嘅朋友. 配上香濃嘅沙爹醬, Cambo嘅沙爹串燒絕對有水準!泰式料理當然唔少得泰式炒麵啦! 而泰式炒麵亦係我嘅最愛. Cambo嘅泰式炒麵相當正宗. 泰式炒河粉配上九層塔, 花生碎, 新鮮嘅青檸汁, 醬汁酸甜帶微微辣, 我覺得Cambo嘅Pad Thai 相絕對合格以上! 除咗泰式炒麵外, 嚟到泰式餐廳當然唔少得泰式咖哩啦! 而我地都試咗Cambo嘅招牌菜 - 青咖哩軟殼蟹配法式長麵包.出邊茶記嘅泰式青咖哩唔係椰汁味唔夠香,就係太辣. 而Cambo嘅青咖哩唔單止椰汁香濃, 辣味亦唔係太過份,啱啱好迎合香港人口味. 而青咖哩嘅配料有茄子薯仔等等,相當足料!軟殼蟹配上青咖哩雖然係fusion菜式, 但蘇炸嘅軟殼蟹啖啖肉,香脆可口. 再加上新鮮嘅法式長包配上青咖哩汁, 真係十分之幸福呢! 而食完3道較濃味嘅菜式, 最後一道泰式炒通菜相當清爽. 泰式炒法, 少少辣又唔會過濃, 簡簡單單一道炒青菜