影片
更多
2023-10-14
136 瀏覽
係屋企附近偶然發現呢間西班牙餐廳，雖然空間唔大，但係坐滿晒客人。試完之後真係覺得好食到大叫，終於明白點解咁多客！✨西班牙蒜油蝦一上桌，你就會聞到啱啱炒熟嘅大蒜嘅香氣，再搭配上帶有些許辣味嘅橄欖油，味道超香。蝦大隻得黎夠彈牙，證明夠新鮮！不過蒜油蝦嘅重點唔係蝦，而係蒜油同多士！與其話係多士，反而食落似炸咗嘅雲吞皮咁，超級香脆，點埋惹味嘅蒜油真係停唔到口。✨ 西班牙牛腹肉睇落份量唔算好多，但食完覺得超值！牛腹肉煎到啱啱好，肉質嫩滑多汁，配上香濃嘅調味醬汁，令人口齒留香。個底放咗少少鹹鹹地嘅薯蓉，吸收晒上面牛肉嘅肉汁，味道超級唔錯！✨紅蝦短麵紅蝦超級大隻，食之前要將蝦膏唧哂出黎，淋係短麵上面。紅蝦蝦膏味道濃郁甘香，短麵吸附左佢既鮮味同高湯之後會稍稍膨脹，口感有少少似炒米粉，但蝦鮮味會係口腔入而好似煙花咁爆發。蝦肉一樣鮮味十足，味道鮮甜爽彈扎實。
✨ChurrosChurros絕對係西班牙最受歡迎嘅甜品！呢款炸脆點心通常係用油炸製作。表皮金黃酥脆，入口鬆脆香甜。呢到配以熱黑朱古力醬汁，食落唔會好甜。另外仲有超好食既雲呢拿雪糕，仲見到一粒粒雲呢拿籽係上面，勁濃郁香滑！
係屋企附近偶然發現呢間西班牙餐廳，雖然空間唔大，但係坐滿晒客人。試完之後真係覺得好食到大叫，終於明白點解咁多客！
✨西班牙蒜油蝦
一上桌，你就會聞到啱啱炒熟嘅大蒜嘅香氣，再搭配上帶有些許辣味嘅橄欖油，味道超香。蝦大隻得黎夠彈牙，證明夠新鮮！不過蒜油蝦嘅重點唔係蝦，而係蒜油同多士！與其話係多士，反而食落似炸咗嘅雲吞皮咁，超級香脆，點埋惹味嘅蒜油真係停唔到口。
✨ 西班牙牛腹肉
睇落份量唔算好多，但食完覺得超值！牛腹肉煎到啱啱好，肉質嫩滑多汁，配上香濃嘅調味醬汁，令人口齒留香。個底放咗少少鹹鹹地嘅薯蓉，吸收晒上面牛肉嘅肉汁，味道超級唔錯！
✨紅蝦短麵
紅蝦超級大隻，食之前要將蝦膏唧哂出黎，淋係短麵上面。紅蝦蝦膏味道濃郁甘香，短麵吸附左佢既鮮味同高湯之後會稍稍膨脹，口感有少少似炒米粉，但蝦鮮味會係口腔入而好似煙花咁爆發。蝦肉一樣鮮味十足，味道鮮甜爽彈扎實。
✨Churros
Churros絕對係西班牙最受歡迎嘅甜品！呢款炸脆點心通常係用油炸製作。表皮金黃酥脆，入口鬆脆香甜。呢到配以熱黑朱古力醬汁，食落唔會好甜。另外仲有超好食既雲呢拿雪糕，仲見到一粒粒雲呢拿籽係上面，勁濃郁香滑！
西班牙蒜油蝦
8 瀏覽
0 讚好
0 留言
西班牙牛腹肉
29 瀏覽
0 讚好
0 留言
紅蝦短麵
10 瀏覽
0 讚好
0 留言
Churros
12 瀏覽
0 讚好
0 留言
17 瀏覽
0 讚好
0 留言
張貼
