睿和牛燒肉 (已結業)

病咗兩星期終於好返喇！食餐好嘅慶祝下先！今次去大坑食和牛燒肉，我地揀咗個極上和牛套餐，套餐包括有前菜、刺身、燒肉、漬物、御飯、湯同甜品，和牛方面仲可以品嘗到五個不同部位，簡直係大滿足！前菜三點前菜有蕃茄、花螺同銀魚仔乾，蕃茄酸酸甜甜，可以先開開味蕾，花螺鮮嫩彈牙，醬汁味道適中，銀魚仔乾甜中帶咸，要黎送酒一流！刺身五點（2切）刺身有油甘魚、中拖、赤貝、鯛魚同牡丹蝦，刺身新鮮鮮甜，赤貝同牡丹蝦爽口彈牙，中拖新鮮肥美，入口即溶。燒肉燒肉有厚切牛舌、和牛嫩肋眼上蓋、和牛上肩胛肉、和牛三角嫩肉、和牛牛柳同特選和牛厚切西冷。和牛油花分佈均勻，相當吸引，肉質軟嫩，入口多汁，油脂感滿滿。漬物，御飯，湯湯有幾隻大蜆，蜆肉飽滿。甜品甜品係和果子，賣相精緻，外皮煙煙韌韌，好有咬口，裡面包住紅豆蓉，甜甜地幾好食。