更多
2021-02-27
280 瀏覽
今日食完lunch唔係幾飽，山長水遠嚟到黃埔Yakiniku Kakura食燒肉，因為朋友話正，正到佢要一星期食一次。Lunch set包好多嘢。死，超肥。黑毛和牛大判燒盛合 $368有：鹿兒島A4西冷和牛、鹿兒島和牛裏腹小排、鹿兒島和牛背末脊肉。黑毛和牛大判燒拼US牛板腱肉 $258有：鹿兒島A4西冷和牛、US牛板腱肉。跟餐追加：US牛腹柳小排 +$58朋友極力推薦嘅鹿兒島A4西冷和牛勁大塊，啲肉好高級，有好靚嘅雪花。呢到嘅店員會幫你燒，佢地會問我地要生啲定熟啲，好專業。一放上去勁大火，好正，證明好足油脂。之後成塊放咗入溫泉蛋入面撈埋食，牙頰流香。肉上面嘅燒汁味好香濃，唔使再點。BTW有冇人知到底和牛嘅等級係點分嘅呢？其他嘅牛肉每樣都有三四片，牛味都幾夠。我最中意鹿兒島和牛背末脊肉，因為佢好夠油香（肥）同埋好滑。所有和牛都好正！之前真係食得太多cheap嘢。呢到啲白飯係用熊本嘅阿蘇自川水同佐賀嘅米，諗起我2019去北九州錯過咗呢兩個景點。冷麵（小）($38)有：麵、泡菜、豆芽、雞蛋。一開始唔明點解朋友要係燒肉店叫麵食，佢話好正一定要試。試完之後啲麵好彈牙好爽，撈埋一齊好滋味，同埋叫咗
黑毛和牛大判燒盛合 $368
有：鹿兒島A4西冷和牛、鹿兒島和牛裏腹小排、鹿兒島和牛背末脊肉。
黑毛和牛大判燒拼US牛板腱肉 $258
有：鹿兒島A4西冷和牛、US牛板腱肉。
跟餐追加：US牛腹柳小排 +$58
朋友極力推薦嘅鹿兒島A4西冷和牛勁大塊，啲肉好高級，有好靚嘅雪花。呢到嘅店員會幫你燒，佢地會問我地要生啲定熟啲，好專業。一放上去勁大火，好正，證明好足油脂。之後成塊放咗入溫泉蛋入面撈埋食，牙頰流香。肉上面嘅燒汁味好香濃，唔使再點。BTW有冇人知到底和牛嘅等級係點分嘅呢？
其他嘅牛肉每樣都有三四片，牛味都幾夠。我最中意鹿兒島和牛背末脊肉，因為佢好夠油香（肥）同埋好滑。所有和牛都好正！之前真係食得太多cheap嘢。呢到啲白飯係用熊本嘅阿蘇自川水同佐賀嘅米，諗起我2019去北九州錯過咗呢兩個景點。
冷麵（小）($38)
有：麵、泡菜、豆芽、雞蛋。
一開始唔明點解朋友要係燒肉店叫麵食，佢話好正一定要試。試完之後啲麵好彈牙好爽，撈埋一齊好滋味，同埋叫咗（小）都幾大碗。
甜品：
有：雲尼拿味糯米糍、杏仁味奶凍。
奶凍好滑，仲要係平時少見嘅杏仁味。雲尼拿味糯米糍好香奶味，好耐冇食！
飲品：
跟餐包檸茶檸水，本身冇糖可以自己加，呢個方法都好幾好！
前菜：
有：沙律、牛舌、味增湯，都將多嘢食。前菜放最後，笑。
張貼
