和居和居

營業中

休息中

鵝頸橋真係今非昔比，往時這裏都是酒樓食肆，是一個不夜天的食街，還記得以前就算半夜收工，這裏也有很多食肆去宵夜，而家真的很多已關門大吉。反而有一排日式居酒屋還能繼續營業下去，今日就嚟呢間日式居酒屋試吓。餐牌是十分多選擇，是傳統居酒屋入到去乜都有得食。我們點了一啲串燒，卷物和甚有好平嘅釜飯。先來雞肝醬多士和麵豉煮牛筋做前菜，雞肝醬味道濃郁，搽上多士一齊食，很美味！，麵豉煮牛筋味道香濃，牛筋煮得比較軟腍，唔怕重口味嘅朋友應該一試。再來一系列嘅串燒，味道都正常發揮，其中比較有亮點的是燒牛舌，因為切得細細粒，咬落去的口感爽爽地幾好。最後就是蟹肉釜飯，它是全晚最有驚喜的菜式。一上來開蓋的一刻，熱氣騰騰，而且份量十分大，有很多蟹肉蟹膏，兩個人分享一定夠。初頭第一啖食，覺得蟹肉和飯味道較清淡，但係他隱藏了一個食法！之前我們點了雞肉棒伴蛋汁，慣例上我哋都會將剩餘嘅蛋汁留下沾其他野食。今次我哋就將它倒落去蟹肉飯撈勻一齊吃。結果它的味道層次幾何級數地上升，佢現在誤打誤撞情況之下，做出這種味道，今晚不枉此行了。