千賀水產の鮮鍋道場 (已結業)

因為疫情關係，都少左出去食飯。而家要食一定要揀過度過，揀一間性價比高，又要衛生既餐廳。今日就揀左呢間係觀塘地鐵站隔離既自助餐 - 千賀水產の鮮鍋道場。星期六的午市揀最premium 既set 都只係$218，可以食足4小時，真係值回票價。店員係呢個時間非常注重個人衛生，每位食客入店前一定要先探熱，之後用消毒酒精洗手先比入去，令大家食得非常放心。而且餐廳好守規矩，枱與枱之間有足夠既距離。$218既set 包左 日式打邊爐餐廳+放題。因為第一次來，店員非常有耐心解釋流程，首先揀打邊爐既湯底，我就揀左日本壽喜燒，之後餐廳會送上海鮮拼盤及刺身（按人頭），之後就可以出去揀打邊爐配料和飲品。同時出面有壽司、剌身同熟食，可以係等候時先醫肚。刺身勁新鮮，又鮮甜，而且有高級三文魚，甜蝦等。加少少錢upgrade就有呢個享受，非常值得！海鮮拼盤，用料豐富，有鮑魚，帶子，海蝦，蜆等等！日本壽喜燒湯底，清清地又可以帶出牛肉既濃郁，推薦！