149
15
11
港鐵觀塘站 B1 出口, 步行約3分鐘 繼續閱讀
所有分店 (2)
電話號碼
31889409
61935329 (WhatsApp)
付款方式
Visa Master 現金
其他資料
網上訂座
加一服務費
有關獎賞計劃
食評 (202)
等級4 2020-05-21
1617 瀏覽
帶女朋友去食放題,用餐時限四小時,邊食邊談心,吃了很多。餐廳位於官塘站附近,交通方便。進入餐廳之前要量度體溫,減少病毒傳播機會。餐廳環境敞大舒適,二人同坐一大枱。頭盤任食,長腳蟹有海水味,青口鮮甜,沙律菜款式多且新鮮。日式刺身併盤只限一份,三文魚刺身肥美,赤海蝦大隻肉彈牙。火鍋湯底選了皮蛋莞茜湯,材料足。鮮鮑魚只限兩隻,大大隻,煮了十分鐘,全熟透,肉嫩鮮甜,非常好味。兩盤肥牛味濃不韌。其他火鍋配料任吃,海蝦肉彈牙,鯇魚肉厚有口感,響鈴爽脆,花甲鮮甜,魚皮餃正常,皇帝菜爽甜,山根吸收了湯底精華,十分滋味。還有很多其他火鍋配料,多不勝數,高質美味。自助餐方面,食品包括中式、西式和日式,其中紫薯蓉味道很特別,軟軟的,少少甜。甜品有雪糕、蛋糕、啫喱和豆腐花等,我當然選了最喜愛的豆腐花。水果有菠蘿和西瓜。多款紙包食品任飲,不喜歡甜味飲品可以選烏龍茶,想清熱氣可選清涼茶或竹庶茅根,此外,還有杯裝飲品,例如橙汁、蘋果汁、即磨咖啡等,各適其適。總結:食物和飲品的款式很多,高質美味,價格合理。 繼續閱讀
(以上食評乃用戶個人意見 , 並不代表OpenRice之觀點。)
這趟慶生聚會一反傳統,壽星女貴為外國人,選擇食火鍋放題,選址是食物種類豐富的【千賀水產の鮮鍋道場】。疫症當下,呢度為確保顧客於衛生及健康嘅環境下用餐都實行一系列抗疫措施。做足消毒 食得安心。 餐廳位於觀塘廣場,佔地1萬呎,容納350人,設有9間VIP房。 望左兩眼就安排入座了,眼見食飯時間係非常多人嘅。餐牌簡單的介紹,職員也走來簡單的說明,大家了解後也覺得不錯。無限追加勁多款海鮮、豬牛羊雞等自助配料區+任食雪燕,仲任飲Somersby蘋果生啤,又可以狂食甜品。好吸引~可先參觀整間餐廳食物區,目的當然想讓相機先吃個飽。拍下一張又一張的照片,開始驚訝這個收費的自助晚餐怎麼如此豐富。除了常見的生蠔外,差不多你想得到的種類都會有,無論冷盤沙律,魚生壽司,中西熱盤,粥粉麵飯,冷熱甜點全部都有。外面攞放的食物款式很多而且整㵖,基本打邊爐食品如菜丶菇及響鈴卷等都有。熱葷也會輪流放出來。仲可以番埋座位打邊爐,相機不知不覺先已吃了數十多張相片,它的主人亦要開始吃個痛快了!湯底來之前,自然是找飲品及調味品等。調味品的選擇也不少,花多眼亂...飲品有很多選擇,除了很汽水機外,也有多個本地品牌飲品,還有著名韓國品牌,當中最愛就是檸檬茶及蘆薈汁。回到座位先來有一大盤刺身,「如三文魚、吞拿魚、甜蝦、北寄貝等」,件件厚切,特別有口感!保證總有一款合你口味,鋪到滿滿的,充滿幸福感。海鮮盛合,即海鮮刺身,雖然種類不多,每種味道鮮甜,鮮香,口感比一般放題為佳,絕對與眾不同...扇貝也不甘後人,爽脆及鮮味,鮮鮑魚非常可口,完全沒有難於咀嚼之感,血池地獄麻辣鍋煮過,反而更香更濃,令鮑魚的味道更突顯。自選鴛鴦鍋+$28,[胡椒豬肚湯+血池地獄麻辣湯]湯底終於到了。胡椒豬肚湯用鹹菜調味。把普通常見的食材做出非凡的味道,是一種很讓人欽佩的本事,驅寒和暖胃呀。血池地獄麻辣湯呢就入口微辛香辣,有適中的麻香與辣味。鮮紅色的湯底已教人躍躍欲試。火鍋料未到先食一點,熱葷,有「炒西蘭花、魚柳、豬頸肉、 炆鵝、日式炸物, 蘿白炆牛腩, 麻辣雞, 蒸魚, 豉椒蜆」, 炆鵝同日式炸物都好不錯呢,鵝肉經過長時間燜煮,纖維得以軟化,非常入味。仲拎左D壽司食添。安格斯小牛排到啦,看來非常新鮮,而且脂粉與肉比例正合,令大家也很心急。牛小排是最廣為人知的部位, 無論油花分布和肉質都是最為上等的牛肉,味道要重,油份比日本少,肉質偏適中。安格斯小牛排也過後,再來黑豚肉及羊肉片,兩者也鮮嫩可口,沒有羶味,值得再添加。黑豚肉肉質爽口得黎,又唔會太嚡,肉香十足,好味道。涮火鍋用羊肉片来,也非常好吃。雞柳的味道很美味,好嫩滑。肉類過後,大家覺得有點膩口,於是找來其他如蔬菜、響鈴等,最喜歡有芋頭及豆卜,可謂花樣甚多,真讓人有點意外脆魚腩、海蝦、水餃,這些則可以無限地添加,很是吸引,看來也非常地不錯。甜品方面除了設有一個甜品櫃供食客自行拿取各款迷你甜品外,仲有雪糕機,但我食個陣咁岩供應完了,So Sad!試了多種甜品,個人還是喜愛朱古力TIE,而且多吃幾次,一口一啖,富香甜的朱古力味,甜香不膩口感滑順,蛋糕很清新。冰糖雪燕呈半透明狀,晶瑩剔透口感細滑帶彈性,但沒甚食。 整餐生日飯優質味美,價錢公道。大家說即使不是生日,平日也值得再來吃,呢度海鮮類鮮香甜味令人回味無窮,完全勝出,肉類的味道與眾不同,食肉獸定會愛上。.[香港人生日免費任食]留言:半價即拎獨家優惠:2人同行1人半價+任飲指定生啤Facebook官網獨家優惠:-任飲Somersby 蘋果生啤-逢星期一至四獨家優惠$208(2人同行1人半價)(半價以小童價優先)-五六日及公眾假期前夕獨家優惠$238(2人同行1人半價)(半價以小童價優先)-限時兩小時-需另收取加一服務費-優惠期至5月7日 繼續閱讀
(以上食評乃用戶個人意見 , 並不代表OpenRice之觀點。)
呢排疫情稍為舒緩可以出下街食嘢,而喺觀塘行到悶悶地見到呢間好似晚市有優惠而且見到好似款式都唔錯幾多,同埋海鮮嘅種類都幾多就一於嚟試吓。一上枱侍應就會比一盤二人份量嘅海鮮拼盤,入面嘅選擇同埋份量都幾多,有唔同嘅魚類。三文魚嘅脂肪比例都唔錯,同埋食落都唔會腥都幾新鮮,甜蝦有兩隻每一件嘅肉質都非常之肥美唔係太細舊嗰隻,食落口蝦嘅鮮味十足。而希靈魚同埋螺肉就正正常常唔會有啲洗得唔乾淨或者係有腥味。另一碟就係放落打邊爐嘅拼盤,都係海鮮嘅,蠔同鮑魚,各有兩隻,每隻都幾大件。雖然唔係話太有鮮味不過勝在大大隻都食得落口,而鮑魚嘅肉質都幾鮮甜,而且爽口彈牙,如果可以清洗得更加乾淨少少就會更加好,不過咁嘅價錢呢個質素都可以。而蜆嘅份量就好多,而且每一隻都係開口嘅唔會有臭同埋唔新鮮嘅情況出現,而且每一隻入面只會有少少淡淡的海水味呢個嘅清洗功夫就唔錯。而令一碟牛肉就係肉質稍為好啲嘅肥牛,雖然脂肪嘅比例非常之完美,而且唔會切得太薄,不過唔知點解就冇咩牛味,反而可以無限追加嘅牛同埋豬肉味就更加濃郁。而且感覺上更加新鮮,建議大家可以食多啲無限追加嗰款。湯底方面就選擇了黑蒜油豬骨湯,係湯底入面會到大大嚿豬骨,都幾足料。雖然味道唔係話非常之濃郁,不過起碼冇味精。喺外面自助吧可以拎唔少嘅丸,例如芝士丸蟹柳,蔬菜類亦都有菇生菜等等。選擇都非常之多質素就正正常常對得住個價錢。而係自助區其實都有另外好多熟食,例如炸物,好似洋蔥圈,炸雞同埋炸燒賣咁,我哋食嘅時候就啱啱好新鮮出爐仲熱辣辣。不過成日就淨係會出一輪,所以及早享受會更加好。另外都會有壽司同一啲中式嘅熟食,選擇都幾多可以適合一家大細嚟食。飲品嘅選擇都幾多,而且仲有啤酒任飲。最後職員嘅服務態度都幾好而且上菜嘅速度非常之快可能係因為比較少人嘅關係。 繼續閱讀
(以上食評乃用戶個人意見 , 並不代表OpenRice之觀點。)
等級4 2020-04-21
2728 瀏覽
因為疫情關係,都少左出去食飯。而家要食一定要揀過度過,揀一間性價比高,又要衛生既餐廳。今日就揀左呢間係觀塘地鐵站隔離既自助餐 - 千賀水產の鮮鍋道場。星期六的午市揀最premium 既set 都只係$218,可以食足4小時,真係值回票價。店員係呢個時間非常注重個人衛生,每位食客入店前一定要先探熱,之後用消毒酒精洗手先比入去,令大家食得非常放心。而且餐廳好守規矩,枱與枱之間有足夠既距離。$218既set 包左 日式打邊爐餐廳+放題。因為第一次來,店員非常有耐心解釋流程,首先揀打邊爐既湯底,我就揀左日本壽喜燒,之後餐廳會送上海鮮拼盤及刺身(按人頭),之後就可以出去揀打邊爐配料和飲品。同時出面有壽司、剌身同熟食,可以係等候時先醫肚。刺身勁新鮮,又鮮甜,而且有高級三文魚,甜蝦等。加少少錢upgrade就有呢個享受,非常值得!海鮮拼盤,用料豐富,有鮑魚,帶子,海蝦,蜆等等!日本壽喜燒湯底,清清地又可以帶出牛肉既濃郁,推薦! 繼續閱讀
(以上食評乃用戶個人意見 , 並不代表OpenRice之觀點。)
等級4 2020-03-28
4125 瀏覽
今日約咗個好耐冇見嘅舊朋友出嚟食飯,想傾得盡興啲,我哋就揀咗呢間千賀水產。 因為可以食足六個鐘,慢慢傾慢慢食。平日每位$278,而且第二位仲有半價,難怪咁旺場。啲湯底都幾有特色,我地貪心啲加錢試左個鴛鴦鍋,韓風人蔘雞湯拼椰香喇沙湯。湯非常濃郁同足料,有驚喜喎! 無限追加配料。質素都好唔錯!一次性海鮮拼盤全部海鮮都算好新鮮,尤其是鮑魚又大隻又彈牙。 扇貝有手掌咁大,鮮甜但有少少沙。刺身拼盤都係一次性,無得添加,擺盤靚,味道尚可。出面嘅嘢食有好多款式,有蒸點心、沙律、湯、甜品、蔬菜,就連長腳蟹腳都有,算係咁啦!仲有好多冷熱飲品可以選擇,即磨咖啡、花茶、汽水、果汁等等。 而花茶位有一種「甜葉菊」,可以消除疲勞、排毒美顏,而且甜度係果糖嘅2000倍,味道清新甘甜,我好鍾意。全晚都好盡興,不過夜咗嘢食係會refill慢啲或者無再refill,所以啱食嘅可以攞咗先二百幾蚊可以食足六個鐘,個人覺得超值! 繼續閱讀
(以上食評乃用戶個人意見 , 並不代表OpenRice之觀點。)