BKK

好耐無去過中環元創方PMQ，趁放假過海嘆完咖啡，去左PMQ 行下，夜晚就搵左間新既泰國菜BKK食飯。一去到門口就有個巨型吊鐘🔔入到去唔同corner都有唔同設計的裝修，有懷舊復古的傢俬、海報，好有feel‼️ 如果想多人聚會都可以預先訂位，有小包廂咁，私隱度都幾高。🔸炭燒虎蝦沙嗲串🦐蝦已經剝左殼，燒得好香，啖啖肉，點上秘製沙嗲汁，一人一隻食得好滿足。🔸泰式和牛炒粿條🐮炒粿條都幾有鑊氣，口感都唔錯，唔會過淋，牛肉份量比想像中多，亦有芥蘭苗、粟米花等，食落好豐富👍🏻🔸泰北咖喱全蛋麵🥘香港越來越多地方有得食泰北咖喱麵，差唔多次次見到都想叫，好鐘意佢一半係脆麵一半係正常蛋麵，口感好好，同埋個咖喱汁都比較傑身，好似撈麵咁。呢到配上咖喱牛肋肉，肉質軟腍又好入味，整體都好惹味😋🔸街頭椰子雪糕🥥想食埋甜品，好似泰國咁椰子雪糕配粟米、花生，都幾正宗，如果有埋個椰子殼就好喇🤪🔸Calamansi Lemonade 🍋呢杯就會清新啲，金桔汁加檸檬汁，酸酸甜甜，可以一解主食的油膩感。🔸Mango and Passionfruit Slushie🥭相當足料，質感濃稠，就好似將成個芒果打成蓉咁！📍#BKK (#中環