CHEF STAGE de Eddy Chu

喺疫情之下搵到份新嘅工作，當然要好好慶祝吓啦，見到呢間餐廳係OpenRice好評如潮，仲要有好多海鮮可以食，所以我哋就一於訂位試吓先首先我哋叫咗個海鮮拼盤，凍蝦六隻、鮑魚兩隻、帶子兩件、青口兩隻、生蠔四件餐廳侍應非常有禮貌，serve我哋嗰位係一位外籍人士，佢用英文簡單介紹一次成個拼盤鮑魚口感非常好，而且仲好入味，甜甜地，有啲似饑燒鮑魚嘅味道，仲要一啲都唔韌生蠔係來自南非，口感會比較creamy ，今次我咩汁都冇點都唔覺得腥，仲好鮮甜添 我哋叫咗兩款湯你試吓其實真係物超所值，每碗湯入邊都有一大隻帶子、鮑魚、鮮蝦，用料十足第一次飲到冬陰功湯係咁易入口，因為佢真係唔係好辣同油膩，估唔到冬陰功味同忌廉撈埋一齊係有二想不到嘅效果，大家可以見到湯嘅質地係好細滑肉骨茶就會比較濃味一啲羊架就叫左medium well，外皮香脆，羊味唔會太膻，食落去又唔會太多血腥味冇諗過喺西餐廳可以食到咁大條魚，我諗條魚最少有成斤重，仲要加埋唔少矜貴嘅配料，兩個人食我都驚食唔晒馬賽魚湯係法國美食至尊料理之一，入邊加咗唔少洋蔥、蕃茄、大蒜、羽衣甘藍、蜆肉、鮑魚、帶子、蝦仁，所有材料一齊同條大魚熬製而成嘅湯底果然鮮甜無比