更多
2020-11-28
56 瀏覽
平時做人太正經都會好悶，耐唔耐搞下新意思衝擊下思維精神都為之一振，所以朋友約呢間餐廳我就即刻應承，事關呢間餐廳古靈精怪，就算小小哋嘅menu 都整到鬼五馬六，不過就勝在夠創意我鍾意。食店面積唔係太大，好容易就坐滿咗，好符合佢個燈箱寫住「全院滿座」，真係夠晒墟撼。我哋叫了一個「門西淋牛豬vs蝦兵蟹將」$329，有龍蝦、軟殼蟹、雞翼、意粉、沙律菜。睇個陣勢好似有睇頭，其實胃口唔大都夠兩個人食，尤其女仔呢個份量就足夠，而且擺盤啱曬打卡。食物嚟講其實幾樣嘢都幾香口，我個人較喜歡軟殼蟹，外面脆脆地內軟就係呢種口感；雞翼脆而啖啖肉，反而龍蝦削啲冇乜肉，勝在焗得滋味。呢類食物一定要飲啤酒先得，再同朋友吹吹水，就咁輕鬆鬆過一晚。
我哋叫了一個「門西淋牛豬vs蝦兵蟹將」$329，有龍蝦、軟殼蟹、雞翼、意粉、沙律菜。睇個陣勢好似有睇頭，其實胃口唔大都夠兩個人食，尤其女仔呢個份量就足夠，而且擺盤啱曬打卡。
食物嚟講其實幾樣嘢都幾香口，我個人較喜歡軟殼蟹，外面脆脆地內軟就係呢種口感；雞翼脆而啖啖肉，反而龍蝦削啲冇乜肉，勝在焗得滋味。
呢類食物一定要飲啤酒先得，再同朋友吹吹水，就咁輕鬆鬆過一晚。
張貼
