600
34
14
港鐵佐敦站 D 出口, 步行約4分鐘
繼續閱讀
電話號碼
23415628
附加資料
Minimum Charge for 2 persons or above: $200 per person
營業時間
今日營業
12:00 - 23:00
星期一至日
12:00 - 23:00
公眾假期
12:00 - 23:00
有關獎賞計劃
食家推介
相關文章
#justerbar 牆上有有唔少霓虹燈裝飾，幾有心思，獨角獸幾可愛，燈光少少暗，幾有情調。🦞蝦兵蟹將 🦀$328 (焗秘製豬仔骨/原隻鮮龍蝦/全麻皆雞3隻/炸軟殼蟹1隻/特濃茄汁意粉）招牌菜之一 ，拼盤可以揀豬仔骨/炸魚柳或者安格斯牛排（牛扒+$50）。 另外仲會有一隻已開2邊嘅龍蝦、炸雞翼、炸軟殼蟹、啤酒薯條/意粉作配菜。份量幾多，2 個女仔食都夠飽！龍蝦比想像中大隻，特別有海水鹹香，啖啖肉，如果再有橙色膏就更好。不過，呢個價錢食到一隻龍蝦都幾抵。雞翼炸得金黃色，非常香脆，亦無阻肉質嫩滑。 炸軟殼蟹炸得不太夠脆但內夠軟，下次要趁熱食咗蟹再食龍蝦。今次試咗特濃蕃茄意粉，醬料多到有啲誇張🤣，偏向酸酸地。個人鍾意食上次嘅 啤酒薯條，充滿淡淡嘅特製啤酒味，夠香脆。🍸忘了愛 $45調色係海藍，底部帶青色，打卡一流。飲落似帶有少少咸青檸味嘅梳打，幾特別。🫖三分鐘舒緩經痛玫瑰茶茶 熱$41 凍$45個名已經突出，估唔到係一整壺茶，香甜花味濃，可以倒到三、四杯。
繼續閱讀
#尖沙咀 朋友係要見的系列! 💃來到好耐好耐無踏足的山林道覓食! 好似比之前旺番少少...早早去到，搵間小店飲下食下吹吹水! 🐥全麻皆雞/4隻 $40 ~ 超正! 雞中翼連雞翼尖, 炸粉唔厚, 外層又香又脆, 隻隻雞翼都肥嘟嘟, 肉厚又嫩滑, 送酒一流!😳邪王炎殺黑龍意粉 (無火🔥) $138 ~ 😌原來係蒜片炒意粉 + 炸雞件...睇個中文名完全估唔到🤷♀️ 英文更難明🤦♀️ "Translate Error"....黑色甜甜哋醬汁, 意粉軟硬適中, 雞件幾嫩唔會醃過火! 🐖🥩焗秘製豬仔骨 $128 ~ 足有半份, 醬汁唔會太濃味, 排骨肉嫩, 唔係用水先烚, very good! 薯條香脆, 外層有炸粉架....好特別, 多咗重口感! 🌸海鹽櫻花奶昔 $47 ~ 海鹽中和甜味, 整杯奶昔咸咸甜甜的, 好邪惡...🌼洋甘菊蜜糖茶 (可選芒果🥭或檸檬🍋) $44 ~ 好清爽潤喉的, 選芒果🥭味有種果茶味道, 酸酸甜甜好解膩, 下次可以試檸檬! 🍋🥲下次幾時再見...
繼續閱讀
今日係尖沙咀做完嘢之後想同同事係哩邊食埋晚餐，於是上網搵下有咩好食，見到哩間餐廳既評價唔錯，所以決定去試下。真係好彩早去到餐廳，因為我地入左去冇幾耐之後就坐滿曬人，大家如果想試既話，記得預早少少到或者早啲book位。餐牌上面啲食物都好吸引，最後我地揀左兩樣主食同兩樣小食。🎈黑松露牛肝菌卡邦尼意粉 $98黑松露同牛肝菌味非常香濃，醬汁Creamy濃稠，有奶香，而且夠曬掛汁，好食推介👍🏻🎈焗多汁豬仔骨配薯條 $128豬仔骨塗滿醬汁，味道酸酸甜甜，肉質夠juicy唔乾身，骨肉容易分離，薯條亦炸得非常香脆。🎈全麻皆雞四隻 $40炸雞翼上有好多芝麻，雞翼表面金黃香脆，食落非常香口，充滿芝麻香，唔會好油膩，而且雞肉夠嫩滑，有肉汁。哩款真係我食過最脆既雞翼！！！🎈原條燒吊筒 $68吊筒夠曬新鮮，煮得岩岩好，入口彈牙好咬，唔會過淋，燒汁微甜，而且有木魚香，超推介👍🏻🎈三分鐘舒緩經痛玫瑰花茶 $41哩款花茶又係必飲推介，佢既花香味濃郁，加左蜜糖，味道微甜，正好可以解膩。整體黎講，哩間餐廳既食物質素真係唔錯，如果去開尖沙咀都可以試下。
繼續閱讀
好想食多次呢間野好正，無論食物定係佈置開頭見到間餐廳好黑，但又見到有人睇緊餐牌先知原來開緊鋪見到個門口真係超級正，但係外邊睇入去真係好黑 因為佢哋冇開燈，應該要用浪漫來形容🤣佢嘢食唔算話好多但係一睇個餐牌已經有嘢吸引咗我門西淋牛豬vs蝦兵蟹將 $329可以揀豬仔骨或者魚柳，再唔係加多$50要安格斯西冷多汁龍蝦，三隻全麻皆雞，軟殼蟹，啤酒薯條其實我覺得有龍蝦來講呢個價錢唔算貴，仲有好多嘢食龍蝦除咗啲肉爽口，仲有膏食豬仔骨，切落去嘅時候硬，但係食落去幾淋軟殼蟹超級脆，我鍾意食雞翼都好香芝麻味薯條超級脆超級好食，同出面嗰啲完全唔同我對於自己叫呢個餐絕對冇後悔而且依家打緊文已經好想再食，極度建議試呢個垃圾八爪魚 $48呢個價錢絕對唔貴而且好脆，我呢啲人最鍾意食垃圾🤣邪王炎殺黑龍意粉 $138開頭係見佢個名幾特別所以叫，原來佢係炸雞意粉，炸雞好juice,個名真係幾搞笑Tiramisu Martini $72佢係一杯Cocktail，飲落去同一杯Tiramisu嘢飲冇分別，但飲得出有酒精，賣相同平時嘅朱古力冇分別星爆氣流斬改Ex $45其實我係比個名吸引咗，好搞笑佢其實係一杯落咗糖漿嘅七喜果汁，有少少似波子汽水味，偏甜，啱小朋友飲真 士多啤梨奶昔 $51幾香嘅士多啤梨味佢嘅燈冇開夠晒浪漫，主要係靠佢嘅霓虹燈裝飾睇到啲嘢食，霓虹燈裝飾幾靚，但最主要食物吸引到我，炸物我稱之佢出色最緊要佢個門口同埋餐牌先係最正，一定有下次👍👍👍
繼續閱讀
山林道餐廳林立, 呢間仍然可以全院滿坐, 就係因為選擇有玩味得黎味道又有水準💛 平日晚上黎到真係全院滿座, 好彩事先有訂位. 留意返餐廳而家10點收舖, 所以9點應該已經截單. 果晚有幾批人都摸左門釘餐廳用咗好多霓虹燈做裝飾, 比人既感覺好in好cyber餐牌唔算好長, 但對於一間細舖位既餐廳黎講選擇已經好多 餐牌上既野食名非常有玩味 要落足眼力同係openrice做足功課先知係咩; 不過有時有d surprise都幾好呀, 呢度俾我既感覺同信心係我可以同廚房講”surprise me”, why not?未試過成個餐牌全部小食都想食 食落去尤其炸物真係好出色🍗 跟住飲返杯濃菊蜜潤返喉就一流所以最後兩個放工好肚餓既女仔嗌小食仲多過主食, 嗌到成枱野-原條照燒吊筒🦑($68)令我諗起海洋公園小食亭燒得好香果d魷魚 呢隻🦑腍身多汁唔乾柴, 份量都好多件好抵食!全麻皆雞四隻🍗($40)原檢麻姐係芝麻而唔係麻辣, 不過都帶d香辣好惹味, 外皮金黃香脆, 內裡肉嫩多汁特式一口手卷四件 (帶子) ($88)手卷以咁既size同呈現方式出黎又幾特別🍙 刺身級帶子好腍滑鮮甜 最緊要係塊紫菜唔腍, 簡單加d沙律菜同沙律醬, 咁樣一啖可以食哂而唔會跌到周圍都係, 比平時既手卷要分幾次咬更方便邪王炎殺黑龍意粉🍝($138)其實係炸雞意粉, 酸甜黑醋照燒汁係呢碟西日fusion既靈魂👻 炸雞比雞翼更顯功架, 脆皮炸漿蘸左醬個口感岩岩好, 入面既雞肉都好有底味🐥洋甘菊蜜糖茶芒果🥭($41)唔係淨打卡, 呢壺菊蜜非常濃郁滋潤🍯 香甜而唔膩, 熱飲更養生🥰本身自己諗住戒下甜野, 所以只係友人點左飲品, 但店員上菜既時候好細心咁自動拎左兩隻小杯俾我地 仲要飲落去真係好味都停唔到, 於是我又戒甜失敗啦嘿嘿 (不過都值得既)叫到成枱野都係$200一位, 價錢真係唔貴 想要食豪d既話我見隔黎枱食既龍蝦和牛好似都整得幾唔錯, 下次可以黎試下
繼續閱讀