Odelice! (新城市廣場一期)

3/2/2024 大約18:00入座，當時未客滿，侍應好細心介紹餐牌内容。到落order嘅時候，繼續詳細詢問顧客喜好。因為除咗order一個二人套餐，亦都點咗生蠔同一支汽酒。侍應就主動幫我哋拍多張檯，因為二人檯比較細。用餐時，係適當時候去換碟，亦會留意需要時斟酒。食物質素對得住價錢，廚師手藝不凡。生蠔同龍蝦都好新鮮，燴飯同意粉好味，件鴨肝出色。差不多19:10，滿座情況而有客人等位，侍應詢問可否拆番張檯出嚟，都食到甜品，當然無問題啦。特別係嗰位成熟男士（應該係店長？），服務態度真係無得頂。