更多
2022-03-26
407 瀏覽
相信去開尖沙咀(特別係近重慶大廈果頭)或旺角嘅朋友成日都聽到呢句說話。不過我哋成日有一個諗法🤔，就係好食嘅印度咖喱根本唔需要搵個印巴藉人士企喺街不停同人講嘅😂 所以我哋梗係反其道而行，一於去搵吓隱世”好靚嘅印度咖哩”喇！今次我哋揀咗爵樂印度餐，佢係1972年開店，今年啱啱好開業50年，更曾經入選為米芝蓮推介食府，由此可見實力一定有返咁上下！今次我哋叫咗：酥炸洋蔥圈 ($88)：個名係洋蔥圈，不過同我哋認識嘅洋蔥圈唔同，佢並唔係圓形嘅而係切條洋蔥再沾上扁豆粉而成嘅炸漿一齊炸，食落口感鬆脆，洋蔥Juice，送啤酒一流🍻招牌烤春雞 ($128/半隻)：用藏紅花味五香酸奶去醃製春雞再去烤焗而成，充分鎖住肉汁，並保持鮮嫩！ed小分享 ：叫得做Tandoori，傳統上係要用一個泥土做嘅圓柱形的大窯 (tandoo) 並用木材為燃料去焗制嘅菜式先可以用tandoori 呢個字。現代嘅方式就轉為用不鏽鋼或陶瓷做嘅內壁去達到相類似嘅效果。據米芝蓮所講，呢個tandoo 係當年波斯人從旁遮普入侵印度時傳入嘅，從此改變咗印度廚師嘅煮食方法👨🏾🍳)香草烤羊柳 ($158)：份量好充足，羊肉唔騷，個汁係紅咖
今次我哋揀咗爵樂印度餐，佢係1972年開店，今年啱啱好開業50年，更曾經入選為米芝蓮推介食府，由此可見實力一定有返咁上下！今次我哋叫咗：
酥炸洋蔥圈 ($88)：個名係洋蔥圈，不過同我哋認識嘅洋蔥圈唔同，佢並唔係圓形嘅而係切條洋蔥再沾上扁豆粉而成嘅炸漿一齊炸，食落口感鬆脆，洋蔥Juice，送啤酒一流🍻
招牌烤春雞 ($128/半隻)：用藏紅花味五香酸奶去醃製春雞再去烤焗而成，充分鎖住肉汁，並保持鮮嫩！
ed小分享 ：叫得做Tandoori，傳統上係要用一個泥土做嘅圓柱形的大窯 (tandoo) 並用木材為燃料去焗制嘅菜式先可以用tandoori 呢個字。現代嘅方式就轉為用不鏽鋼或陶瓷做嘅內壁去達到相類似嘅效果。據米芝蓮所講，呢個tandoo 係當年波斯人從旁遮普入侵印度時傳入嘅，從此改變咗印度廚師嘅煮食方法👨🏾🍳)
香草烤羊柳 ($158)：份量好充足，羊肉唔騷，個汁係紅咖喱，食落有少少辣，夾埋Garlic Naan bread ($40) 一流🤤
炭燒鮫魚($88/兩件)：umm…呢個就真係普普通通，冇乜特別，不過魚肉唔腥亦冇骨，少少嚡，可能經過比英國人統治得耐，學咗英國佬啲衰嘢食嚡嘅炸魚 (好彩唔加埋薯條😂) 鍾意食魚嘅朋友可以試一試。
飲品
芒果lassi ($65)：食得印度菜，點可以唔試埋佢哋嘅傳統飲品 - 拉西！(唔係神犬呀！) 味道酸酸甜甜，又夠冰凍，我哋覺得好適合熱辣辣
嘅印度🔥
(#ed小分享 ：拉西(lassi)可分為甜/鹹兩種，視乎個人口味，兩種個base都是原味的全脂乳酪，關鍵在於加咩落去，甜嘅可以落生果蓉、syrups 等；鹹嘅可以落鹽、胡椒、香料等……視乎你的勇氣程度😂)
總括而言，我哋食完後完全明白到點解呢間餐廳可以屹立喺尖沙咀50年，無論係佢嘅服務、食物水準絕對對得住佢個價錢，鍾意食印度嘢嘅朋友真係可以試吓！
張貼
