Chatterbox Café (圍方)

營業中

休息中

知道朋友鍾意食海南雞,就帶佢去食一間新加坡過江龍的的海南雞飯專門店Chatterbox Café,喺大圍圍方新商場行完街,就去醫下肚仔先!喜歡呢度嘅裝修環境設計,大型壁畫精心打造餐廳裡的裝潢,將異國建築元素和現代風格帶入餐廳中,頓時感覺優哉游哉!而家餐廳普遍落單都係用QR code,夠晒方便,又可以減少人與人之間接觸,餐單上食物圖文並茂,樣樣都好吸引咁!怎少得點這裏的招牌,獲獎無數的文華海南雞飯,賣相相當吸引,不過大部份都是雞胸位置,男士比較喜歡吃!配上一碗湯,裏面有滑溜的豆腐!海鮮福建炒麵係濕濕地,當中有兩款麵條,而麵條比較腍,口味清清地,不過落配上的醬料一齊食能夠提升其味道!白胡椒肉骨茶配麵線,裏面的肉骨很大件,呈現五花腩的位置,半肥瘦相隔好啱我口味,而白胡椒味道比想像中淡口,相信香濃一點會比較惹味!不得不試這一款星洲佳餚美饌特色-鹹蛋雞翼, 邪惡的鹹蛋醬汁包裹着雞翼,大人細路食過返尋味!最後健康之選-蒜蓉炒小棠菜,味道新鮮又脆口!