2
招聘中
最高可達 $19,000
月薪 (面議)
65
11
3
港鐵大圍站 D 出口, 步行約1分鐘 繼續閱讀
所有分店 (3)
電話號碼
28136832
營業時間
今日營業
11:00 - 22:00
星期一至日
11:00 - 22:00
付款方式
AlipayHK 支付寶 現金 OpenRice Pay
其他資料
當面支付
以上資料只供參考, 請與餐廳確認詳情
食評 (86)
想留喺香港都嘆到特色新加坡菜式,今晚收工就去咗大圍圍方 Chatterbox Café🌟好鍾意餐廳裝潢充滿東南亞風,座位之間有一定距離,空間感十足,侍應收碟速度快🤟🏻🔹二人滋味套餐🔹有齊小食、主菜、蔬菜仲有飲品,三百幾蚊性價比超高!👉🏻黑醬油炒蘿蔔蘿蔔糕口感綿密柔軟,加入黑醬油同炒,帶點焦香,相當惹味~👉🏻文華海南雞飯嫩滑可口嘅海南雞皮薄雞味濃,去骨啖啖肉方便享用~雞油飯以上湯、雞油、乾蔥等製作,粒粒味香而不油膩。👉🏻 招牌大蝦喇沙啡黃色湯頭帶點紅油,味道香濃順喉偏稠身,椰奶味相當突出~大蝦彈牙好有口感,配料仲有魚片、豆卜、雞蛋,大大碗超豐富~👉🏻蠔油小棠菜套餐包埋菜就更加健康,小棠菜份量都幾多下,淋上蠔油增加香甜味~👉🏻鮮磨咖啡香滑濃郁嘅即磨咖啡醇厚唔苦澀,唔錯~食飽飽想食甜品,除咗刨冰仲有椰子雪糕、斑蘭蛋糕,都幾多選擇😆🔹斑蘭蛋糕伴椰子雪糕斑蘭蛋糕口感鬆軟細緻,散發斑蘭葉特殊清香~椰子雪糕夠哂冰凍綿滑,入口啖啖香濃椰子味🥥Chatterbox Café✨📍大圍車公廟路18號圍方3樓304號舖 繼續閱讀
(以上食評乃用戶個人意見 , 並不代表OpenRice之觀點。)
等級4 2024-04-16
0 瀏覽
圍方開左咁耐都係第一次行~食肆好多,幾經掙扎決定去食文華海南雞🤣實在太耐冇食海南雞~今日要過過口癮先得🤭依間之前係尖沙咀食過一次,表示滿意♥️經典的文華海南雞♥️雞肉滑嫩不油膩,雞皮Q彈也沒什麼脂肪🌟整體吃到最後都是清清爽爽的~不會滿嘴肥油♥️香米飯都很出色~滿滿的雞香,不膩口🌟配的湯也不是常見的冬瓜湯,用料是蔥酥豆腐椰菜,同樣是偏清爽的感覺👍🏻吃菜的乖小孩😂小棠菜爽脆最好吃~試試特色小食~薄魚餅口感軟淋,味道微微酸小辣🌟配小麵包一齊吃可以中和辣度,味道也更香👍🏻 繼續閱讀
(以上食評乃用戶個人意見 , 並不代表OpenRice之觀點。)
等級3 2024-04-13
0 瀏覽
啱啱去完新加坡旅行懷念食新加坡菜,今日經過圍方,上openrice睇下,見到chatterbox cafe ,於是同朋友去試下今日晏晝六點半去到,唔使等位,職員好快安排座位比我哋入去坐,餐廳有啲花花草草裝飾,坐落好舒服。今日晚市入到去食二人套餐$338前菜新加坡魚餅新加坡魚餅有魚香魚餅煎過、佢係配埋多士食,食落唔太油,又有魚餅香味,唔錯。蠔油小棠菜小棠菜都有好多,配上蠔油食,餐前食菜開胃。咖哩脆薄餅(+$25)新加坡咖哩香濃,薄餅脆口,仲有青瓜同紅蘿蔔條,配上咖哩醬好夾。主菜大蝦喇沙+$40喇沙湯香濃,大蝦有三隻,另外有好多魚片及豆腐卜、芽菜,索曬香濃嘅湯汁,配上米線,好好味。肉骨茶配飯+$20肉骨茶有白胡椒香,豬骨有四舊,有大量豆卜及金菇,仲有油炸鬼,配上一碟辣椒甜豉油,湯有胡椒香味另外亦都有豬骨香味,好食。飲品凍味綠恐龍(+$28)依杯尾綠恐龍好震撼,用大量味綠粉配上煉奶,表面仲有朱古力波波,不過飲到尾雖然有啲甜,但整體嚟講好味嘅。班蘭咖啡牛奶($28)班蘭咖啡,但班蘭味唔算濃,但咖啡味濃,唔錯。甜品原個椰皇配椰子雪糕($98)呢個椰子雪糕真係好食,雪糕有椰子肉,超香椰肉味,仲有合桃、荔枝,配上甜甜嘅雪糕,呢個一定要叫。埋單全餐620幾蚊,同朋友飲嘢傾計呢個價錢係值得,仲有正宗嘅新加坡菜,推薦鍾意食新加坡菜嘅朋友嚟試下。下次我會嚟呢度試埋海南雞飯,因為餐廳文章介紹係文華酒店旗下嘅分店,我見抬枱都有叫不過今日唔想食雞就冇叫喇。 繼續閱讀
(以上食評乃用戶個人意見 , 並不代表OpenRice之觀點。)
📍Chatterbox Café (圍方) (大圍)大圍車公廟路18號圍方3樓304號舖==============================餐廳位於大圍圍方,係大圍地鐵站樓上,非常方便,餐廳係來自新加坡嘅知名海南雞飯專門店,第二間香港分店就進駐大圍呢個新商場。餐廳最近全新推出午市套餐由$88起 (只限星期一至五供應,公眾假期除外),當中新增三款新加坡地道菜式: (1) 芽籠黑醬油海鮮福建麵 (2) 海鮮滑蛋河 及 (3) 奶香咖喱雞配白飯==============================馬來特色香煎辣魚餅魚餅微辣有淡淡魚香味,碗上白麵包一齊食,味道唔錯香脆薄餅配咖喱汁及蔬果條薄餅好香脆,配上濃郁咖哩汁好開胃白胡椒肉骨茶配白飯肉骨茶湯底好香濃,排骨好大件而且每件都有軟骨,配上豆卜金菇等非常吸湯ge 配料,超級好送飯招牌大蝦喇沙喇沙湯底好香濃而且質地好杰身,似日本拉麵湯底,有好豐富蝦味,每食一啖麵都同時食到好多湯汁,大蝦大隻之餘仲好彈牙蠔油小棠菜小棠菜好爽口,蠔油似係有調配過,好鮮味又唔會好咸凍美祿恐龍美祿恐龍飲幾多次都係禁正,呢到仲要加左d朱古力脆波波係上面,更加好味斑蘭牛奶咖啡呢禁咖啡未攪勻之前顏色好有層次感好靚,打卡一流,味道上班蘭味唔算突出,但咖啡係香濃好味招牌椰子雪糕雪糕椰子味香濃食落口會有一絲絲椰子肉,而且雪糕份量非常多椰皇裏面都塞滿雪糕 繼續閱讀
(以上食評乃用戶個人意見 , 並不代表OpenRice之觀點。)
等級3 2024-04-08
0 瀏覽
星期日中午一點幾到達商場,見唔使等位,就入咗去。 我哋兩大一細,被安排坐餐廳單邊梳化位置, 枱與枱之間都排得好近吓, 一般香港食肆都係咁冇乜私穩可言😆,講乜嘢食乜嘢,完全 畀隔離位睇得清清楚楚😂。我哋嗌咗set lunch for two, 有海南雞飯、 肉骨茶、 小棠菜、 同埋加$配兩杯嘢飲, 份量都非常足夠, 海南雞飯一般,啲雞唔係好滑,肉骨茶就湯底幾好味😋,但啲肉排就真係好肥啦。 套餐跟配個小食,我哋嗌咗個炸豆腐, 成個套餐性價比係係幾高💖,味道就中上啦 , 杯咖啡係幾好飲👍。 埋單413蚊 ,下次有機會會再嚟。 繼續閱讀
(以上食評乃用戶個人意見 , 並不代表OpenRice之觀點。)