Le Viet

講到亞洲嘅菜式可能好多人都忽略咗越南菜 今日就嚟到The One試吓呢個新派越南菜時尚新穎嘅裝修 感覺上都幾舒服～為左試多啲唔同菜式 決定唔食午市套餐 直接係餐牌度散叫<<青木瓜絲鮮蟹肉雞絲沙律>>酸辣醬汁係呢道菜式嘅靈魂 美味又醒胃之餘 亦唔會蓋過雞肉同蟹肉嘅鮮味 整體配搭相當不錯～ 順帶一提 呢道前菜味道唔算辣 所以怕辣嘅朋友 其實都不妨一試！<<超載椰青焗飯>>一嚟到見到成個椰青都裝滿哂，嗰種「超載」嘅感覺好震撼而且食落去每啖都充滿椰香味 而且喺海鮮之中亦都混雜咗啲椰青肉～又邪惡又滋味<<越式火車頭酸辣鍋>>相對之前兩道菜式，呢個感覺上冇乜特別，酸辣湯底配上牛肉牛丸等等嘅配料，但佢最特別嘅係其中一樣配菜竟然係菠蘿！菠蘿提升咗湯底酸辣嘅層次～真係從來都冇諗過用菠蘿黎打邊爐以前對於越南菜只係食湯檬撈檬 但係呢度令我對越南菜大大改觀 惹味又充滿新鮮感～價錢適中，值得推介！