影片
更多
2023-02-20
403 瀏覽
是日係老公嘅生日，問佢要去邊度食飯。之前有朋友喺呢間餐廳請食飯，我哋又覺得幾好味，於是就預訂呢間餐廳去試佢其他的菜式。去得食潮州菜，咁就一定要食佢嘅滷水鵝。我哋嗌咗個滷水鵝肉拼盤，裏面除咗鵝肉，仲有墨魚片，豆腐同蛋。佢嘅鵝肉醃得好入味，鵝皮唔算太肥，亦唔係過鹹。啲豆腐非常之潤滑，係我喜歡嘅口感。至於啲墨魚，因為唔係我嘅所好，所以覺得一般。之前朋友請食飯時預訂咗一個白肺湯，驚為天人，所以我哋嗰晚亦嗌咗一份。份湯足夠六至七個人飲，豬肺㷛得好腍，但係唔知道係唔係因為已過晚上八時，啲湯已經煲到底，份湯嘅杏汁味竟然掩蓋咗白肺湯嘅清甜，飲落非常之唔舒服，阿女直頭想作嘔，是當晚嘅一個敗筆。上一次嚟食到嘅鱔幾好味，於是我哋都嗌咗個蒸白鱔片。今次就冇嗌錯喇，雖然同上一次食嘅煮法唔一樣，但係呢個鱔片一樣係咁好味，不但喺魚肉鮮甜潤滑，蒸嘅時間亦啱啱好，連本來唔食鱔嘅妹妹都多食咗幾片。芋茸香酥鴨係老公要嘅，因為係炸物，加上阿女同我都對芋頭麻麻哋，所以係咁依食咗一啖。如果鍾意食芋頭嘅人應該會覺得幾好味，不過我就嫌佢肥膩，感覺一般般。潮式炸雙棗係潮州餐館內一個非常普遍的菜式，我會覺得呢度做得一般，叫做不過不失。蔬
去得食潮州菜，咁就一定要食佢嘅滷水鵝。我哋嗌咗個滷水鵝肉拼盤，裏面除咗鵝肉，仲有墨魚片，豆腐同蛋。佢嘅鵝肉醃得好入味，鵝皮唔算太肥，亦唔係過鹹。啲豆腐非常之潤滑，係我喜歡嘅口感。至於啲墨魚，因為唔係我嘅所好，所以覺得一般。
滷水鵝肉拼盤
$228
11 瀏覽
0 讚好
0 留言
之前朋友請食飯時預訂咗一個白肺湯，驚為天人，所以我哋嗰晚亦嗌咗一份。份湯足夠六至七個人飲，豬肺㷛得好腍，但係唔知道係唔係因為已過晚上八時，啲湯已經煲到底，份湯嘅杏汁味竟然掩蓋咗白肺湯嘅清甜，飲落非常之唔舒服，阿女直頭想作嘔，是當晚嘅一個敗筆。
杏汁燉白肺湯
$328
15 瀏覽
0 讚好
0 留言
上一次嚟食到嘅鱔幾好味，於是我哋都嗌咗個蒸白鱔片。今次就冇嗌錯喇，雖然同上一次食嘅煮法唔一樣，但係呢個鱔片一樣係咁好味，不但喺魚肉鮮甜潤滑，蒸嘅時間亦啱啱好，連本來唔食鱔嘅妹妹都多食咗幾片。
梅子豉汁蒸白鱔片
$268
17 瀏覽
0 讚好
0 留言
芋茸香酥鴨係老公要嘅，因為係炸物，加上阿女同我都對芋頭麻麻哋，所以係咁依食咗一啖。如果鍾意食芋頭嘅人應該會覺得幾好味，不過我就嫌佢肥膩，感覺一般般。
芋茸香酥鴨
$188
19 瀏覽
0 讚好
0 留言
潮式炸雙棗係潮州餐館內一個非常普遍的菜式，我會覺得呢度做得一般，叫做不過不失。
潮式炸雙棗
$160
16 瀏覽
0 讚好
0 留言
蔬菜方面，要咗個方魚炒芥蘭片，又真係幾好味。方魚係炸的，用嚟炒芥蘭，有咗一種鹹香的味道，食落非常開胃。
方魚炒芥蘭片
$138
12 瀏覽
0 讚好
0 留言
老公喺飯桶，唔食飯唔飽，所以要咗一個細分嘅潮州炒飯佢一個人食，佢話味道OK喎！
潮州炒飯（小份）
$118
17 瀏覽
0 讚好
0 留言
呢餐飯一共食咗1700百幾蚊，淨係茶芥同埋小食就要百二蚊，仲要加一，一啲都唔平，坦白講要食潮州菜有其他更好的選擇，雖然味道喺好，但係係唔係物有所值就見仁見智喇。
張貼
