更多
2023-01-23
175 瀏覽
香江拼 $788好靚好震撼,視覺嘅享受,影左好多相🤣。但其實好寡,玫瑰花嘅肉同攤開一片片嘅肉其實係一樣部位,本身係幾好食嘅油脂分布均勻,但我哋得2個人食,食到後尾都食緊同一款肉,都真係幾厭。當然都有牛舌同牛柏葉同唔知咩部位,不過如圖所見,份量都比較少,每人兩三塊咁。日本牛乳玫瑰鍋 $168聞落好香,睇落好靚,但係飲落比較淡,就咁飲其實飲唔出係牛乳湯,湯底有一隻木瓜,食到最後溶溶爛爛好淋好香甜🤤鳳琉香$68香香甜甜酸酸,幾開胃。不過職員有啲唔貼心,咁啱出咗去拎醬汁,行返嚟嘅時候就見到有職員放低咗杯嘢飲,準備點個波波,我一坐低已經爆咗啦,未影得切相,即刻叫職員幫我整多一次,好彩佢都無拒絕,不過就搞到我唔係幾好意思,不過講真,杯野飲最值錢就係可以打卡,人未到就已經點好個波波😒蝶中花$68無乜氣嘅雪碧咁,無乜味,無特別,$68都係為打卡。呢間野可一不可再,純粹係比錢打卡,但唔會想再食,貴得黎非常普通嘅一餐火鍋,呢個價錢仲收加一服務費,都會預計職員可以好好會介紹下啲肉,教你要淥幾耐,但係呢度無,連我野飲都係上完點完波波個職員就自己走,講緊係我哋出左去拎醬汁,反到黎個波已經爆左,唯有叫店員再點多次
好靚好震撼,視覺嘅享受,影左好多相🤣。但其實好寡,玫瑰花嘅肉同攤開一片片嘅肉其實係一樣部位,本身係幾好食嘅油脂分布均勻,但我哋得2個人食,食到後尾都食緊同一款肉,都真係幾厭。當然都有牛舌同牛柏葉同唔知咩部位,不過如圖所見,份量都比較少,每人兩三塊咁。
日本牛乳玫瑰鍋 $168
聞落好香,睇落好靚,但係飲落比較淡,就咁飲其實飲唔出係牛乳湯,湯底有一隻木瓜,食到最後溶溶爛爛好淋好香甜🤤
鳳琉香$68
香香甜甜酸酸,幾開胃。不過職員有啲唔貼心,咁啱出咗去拎醬汁,行返嚟嘅時候就見到有職員放低咗杯嘢飲,準備點個波波,我一坐低已經爆咗啦,未影得切相,即刻叫職員幫我整多一次,好彩佢都無拒絕,不過就搞到我唔係幾好意思,不過講真,杯野飲最值錢就係可以打卡,人未到就已經點好個波波😒
蝶中花$68
無乜氣嘅雪碧咁,無乜味,無特別,$68都係為打卡。
呢間野可一不可再,純粹係比錢打卡,但唔會想再食,貴得黎非常普通嘅一餐火鍋,呢個價錢仲收加一服務費,都會預計職員可以好好會介紹下啲肉,教你要淥幾耐,但係呢度無,連我野飲都係上完點完波波個職員就自己走,講緊係我哋出左去拎醬汁,反到黎個波已經爆左,唯有叫店員再點多次比我影。
張貼