影片
更多
2017-11-23
106 瀏覽
踏入年尾又係大大小小飯聚嘅時間。朋友較早時候食完依間 Firebird 後大力推薦，佢一講到個燒雞時嗰種眉飛色舞表情真係可以搵佢做餐廳 “待燃人”。不過亦因為佢嘅繪形繪聲敍述就令我recall 返好幾個月前有電視節目介紹過(應該係)依間餐廳。有咁嘅前提，就相信啲食物差極有限亦唔驚失禮人。依據openrice 顯示嘅位置，發現有少少出入，正確位置應該係銅鑼灣邊寧頓街中間位置先啱；並唔係地圖上嘅禮頓道嘅交界。由於搵路遲到嘅關係，去到肚餓嘅好友已經order晒食乜。末座底已見前菜盛合六小碟，依個前菜不論味道同賣相都同懷石料理差唔多，當中碟芝士鰻魚我同朋友每放一粒入口都會開聲話好食、好味。鰻魚入口仲暖嘅，即做剛燒起香噴噴；芝士又軟又香，真係好想獨佔成碟一個人食曬佢。蘿蔔蓉雖然冇乜味，但係夾落去又唔散好功夫。其他四小碟雖然相對無咁突出，不過亦滋味十足。跟上嘅黑松露宮崎煙肉凱撒沙律，黑松露味道突出不過非我所好，宮崎煙肉亦可能較细粒關係與一般煙肉相若，整體係好味嘅。是晚戲玉1 號出場，燒鹿兒島和牛；餐廳會燒煮前先捧出原舊和牛供客人觀賞；霜降雪花一般嘅脂肪，色澤豔麗嘅鮮肉，畀我哋欣賞半分鐘嘅目的完全係
有咁嘅前提，就相信啲食物差極有限亦唔驚失禮人。
依據openrice 顯示嘅位置，發現有少少出入，正確位置應該係銅鑼灣邊寧頓街中間位置先啱；並唔係地圖上嘅禮頓道嘅交界。由於搵路遲到嘅關係，去到肚餓嘅好友已經order晒食乜。
前菜盛合(6點)
$88
10 瀏覽
1 讚好
0 留言
末座底已見前菜盛合六小碟，依個前菜不論味道同賣相都同懷石料理差唔多，當中碟芝士鰻魚我同朋友每放一粒入口都會開聲話好食、好味。鰻魚入口仲暖嘅，即做剛燒起香噴噴；芝士又軟又香，真係好想獨佔成碟一個人食曬佢。蘿蔔蓉雖然冇乜味，但係夾落去又唔散好功夫。其他四小碟雖然相對無咁突出，不過亦滋味十足。
宮崎煙肉凱撒沙律 (黑松露沙律醬)
$98
11 瀏覽
0 讚好
0 留言
跟上嘅黑松露宮崎煙肉凱撒沙律，黑松露味道突出不過非我所好，宮崎煙肉亦可能較细粒關係與一般煙肉相若，整體係好味嘅。
是晚戲玉1 號出場，
鹿兒島霜降A4和牛燒
$298
10 瀏覽
0 讚好
0 留言
燒鹿兒島和牛；餐廳會燒煮前先捧出原舊和牛供客人觀賞；霜降雪花一般嘅脂肪，色澤豔麗嘅鮮肉，畀我哋欣賞半分鐘嘅目的完全係吊食客胃口，攞返入去烹燒嘅幾分鐘過程，就不斷想像舊和牛會幾好食。
鹿兒島霜降A4和牛燒
$298
15 瀏覽
0 讚好
0 留言
到正式上枱亦不負所望， 香噴噴嘅油脂一放入口充滿牛肉味嘅肉汁， 每次嘅咀嚼就響個口腔裏面綻放出嚟。十幾分鐘嘅過程可以話係一次色、香、味嘅藝術品鑑賞。
到戲玉2 號，
魔鬼火焰原隻雞腿
$138
18 瀏覽
0 讚好
0 留言
魔鬼火焰原隻雞腿，同公仔箱見到嘅感覺基本上一樣，點火一刻嘅氣氛就有啲似點緊生日蛋糕蠟燭咁，但係現場感就幾大個嘅電視都俾唔到你。烈焰火舌响大大隻雞髀上面搖曳擺舞，依隻野火尤物响表演完畢之後當然要趁熱食，
魔鬼火焰原隻雞腿
$138
21 瀏覽
0 讚好
0 留言
意外地咁大隻雞髀都居然啲肉幾嫩吓，响香料同酒香嘅輔助之下雞髀肉亦覺得特別juicy。而旁邊嘅椰菜亦都索咗唔少酒香，簡單伴菜都生色不少。
明太子芝士椰菜燒餅
17 瀏覽
0 讚好
0 留言
明太子芝士椰菜燒餅上檯嘅時候明顯係墜幕嘅開始，與和牛、燒雞相比，呢個菜係絕對係內斂唔再玩突出，雖然燒汁同明太子醬將依個餅嘅精緻度提升唔少，烹煮嘅技巧亦分分鐘比之前兩個餸高，但係一食到個餅咸入面，平淡既感覺就會相對明顯。
完美句號又點少得餐後甜點呢？
燒日本甜薯配抹茶雪糕
20 瀏覽
0 讚好
0 留言
依個燒日本甜薯配抹茶雪糕，番薯蓉淋、雪糕入口溶、炸番薯絲脆，三種口感簡直就似一場交響樂嘅感覺。
雖然埋單每人三百幾但係依一場色、香、味大匯演係物有所值， 工作完一整年，年尾食幾餐好嘅咁先對得自己煮㗎嘛。
張貼
