影片
更多
2019-08-07
212 瀏覽
well~ 作為一個喺深水埗大嘅人，雪山絕對係一個經典嘅名字， 舅父就住喺舊雪山旁邊嗰條街九江街， 記得細個嘅時候大人賭馬就會去落雪山食晏，我同老表梗係跟埋去啦， 所以雪山對於我來講都係一個童年回憶， 雖然而家我已經搬走咗，但有時都會返去約老表食下嘢，前段時間行過雪山驚愕佢點解會閂咗門~ 執咗笠？ 唔通一代經典就咁走向歷史？ 問一問老表佢都唔知咩事~ 但過咗一段時間… 發現有個新嘅雪山，但搬過咗兩間舖， 再去問老表"人都係嗰啲人，但係成套風格唔同咗 "當時已經有心探一探… 今日終於… 入到舖頭…成個style的確唔同咗，但有個姨姨我仲依稀認得，坐低之後同以前一樣，上2杯水上餐牌，食物風格都同以前變咗好多…感覺高級咗， 個心都有少少失落…童年回憶係咪亦都係冇咗呢？我決心尋找童年回憶…叫一隻炸髀同咸牛蛋治烘底， 當然今時今日佢哋有一個好靚嘅名~就係：避風塘炸蒜雞髀 同爆餡蔥花蛋牛治~幾有氣勢… 因為同朋友一齊嘅， 朋友就叫咗個雪山檳城風特餐。 咁來茶記當然唔少得杯奶茶啦，而家可能高級啲為免加冰溝淡，變成樽仔奶茶… 最先上嘅就係樽仔奶茶，講真就幾滑嘅~但係個茶味就覺得唔夠濃~奶味就幾香； 再
入到舖頭…成個style的確唔同咗，但有個姨姨我仲依稀認得，坐低之後同以前一樣，上2杯水上餐牌，食物風格都同以前變咗好多…感覺高級咗， 個心都有少少失落…童年回憶係咪亦都係冇咗呢？
我決心尋找童年回憶…叫一隻炸髀同咸牛蛋治烘底， 當然今時今日佢哋有一個好靚嘅名~就係：避風塘炸蒜雞髀 同爆餡蔥花蛋牛治~幾有氣勢… 因為同朋友一齊嘅， 朋友就叫咗個雪山檳城風特餐。 咁來茶記當然唔少得杯奶茶啦，而家可能高級啲為免加冰溝淡，變成樽仔奶茶… 最先上嘅就係樽仔奶茶，講真就幾滑嘅~但係個茶味就覺得唔夠濃~奶味就幾香； 再來雪山檳城風味餐…嘅櫻花蝦炒蛋，又幾肯落料喎…個櫻花蝦基本上係爆蛋，即係每一啖都有，牛油厚多士幾鬆化~勁多牛油入埋心，再上就係個喇沙，偷咗少少來試…佢跟返馬拉風油麵溝米粉， 喇沙味好香但係就唔算正宗好濃嗰，港式喇沙feel; 跟住先至係嚟我個蔥花咩咩蛋牛治， 真係幾正喎~因為佢落咗好多蔥好新鮮…香味好正，咸牛肉唔係用最cheap嗰隻，所以個牛肉味仲好香加埋個厚炒蛋一啖咬落去超級有滿足感~~
食咗一件三文治隻炸髀先至到，睇嚟都係即叫即炸，望落呢有少少失望嘅， 感覺就係炸髀就咁洒辣椒蒜係面， 因為朋友都想試咁就唔係好方便一啖咬落去啦，所以用刀叉…感覺上又爭啲，但係把刀一野切落去~就feel到佢嗰陣鬆脆，好耐未試過炸得咁靚嘅雞髀，切落去都仲幾juicy雖然唔係流汁…但係都仲見到有少少汁滲出嚟， 撥少少辣椒蒜落去入口真係炸得好鬆化，師傅個手勢真係一流~點解係讚師傅？因為隻雞髀其實仲食到少少雪味， 但係個辣椒蒜粒又啱啱好將嗰個雪味遮咗+埋酥化嘅口感…呢個仲唔係師傅手勢問題？
差唔多食完捉住我仲叫認得下嗰個阿姐吹咗兩句， 雪山呢應該係轉咗手換咗老細，不過原班人馬過返嚟幫手，所以廚房仲係老師傅仲可以出返嗰個quality, 而家嚟食明顯材料用得好咗， 係跟住時代進步~
啱啱睇menu嘅時候發現咗有啲嘢係好想試食，我已經plan定下一次就嚟試我想食嗰樣嘢…不過要過幾日先…
避風塘生炸脾
$28
14 瀏覽
1 讚好
0 留言
香葱碎牛肉三文治
$26
17 瀏覽
1 讚好
0 留言
叻沙摻摻
12 瀏覽
1 讚好
0 留言
日本櫻花蝦炒蛋配牛乳厚多士
6 瀏覽
1 讚好
0 留言
6 瀏覽
1 讚好
0 留言
樽仔奶茶
$25
6 瀏覽
0 讚好
0 留言
張貼
