371
32
13
港鐵深水埗站 D2 出口, 步行約6分鐘 繼續閱讀
所有分店 (2)
電話號碼
23865025
開飯介紹
位於深水埗有60年多年歷史的茶餐廳,提供各式懷舊茶餐廳菜式,包括芝蛋牛肉漢堡、避風塘生炸髀等,除了港式口味之外,餐廳亦提供海南雞飯、南洋咖喱等菜式。 繼續閱讀
營業時間
今日營業
06:30 - 22:00
星期一至日
06:30 - 22:00
付款方式
AlipayHK 支付寶 現金
其他資料
當面支付
食評 (455)
等級4 2020-07-13
738 瀏覽
今日同屋企人黎左深水涉嘅嘉頓山行下,行完肚餓想食d 野。就黎左e 間冰室。冰室嘅裝修都好地道😌睇下餐牌🥰有唔少好正嘅下午茶餐❤️我地揀左經典芝蛋牛肉漢堡包配招牌樽仔奶茶,花生芝味金鏄西多,避風塘生炸髀配左華田曲奇妙趣。炸魚加薯條,仲有叫左芝士焗波士頓龍蝦海鮮飯😋經典芝蛋牛肉漢包,漢堡包用牛油哄香,芝士同同流心煎蛋形成左一個獨特嘅醬汁,牛肉食落好有肉汁,成個包一齊食好有層次。 花生芝味金鏄西多,西多士比較厚身,西多士入面有花生醬同芝士分開2層。避風塘生炸髀,食落雞髀好嫩滑,避風塘風味,辣辣地都唔錯。炸魚加薯條,係即炸嘅,食落熱辣辣。炸魚食落唔會好腥。芝士焗波士頓龍蝦海鮮飯,芝士都做到拉絲效果👍🏻龍蝦超大隻,有羔🥰唔會焗到好干身☺️海鮮份量都好多,仲有青口同鮮魷等😌炒飯底。值得一提係佢嘅蔬菜整得好靚,3色椒切得細細粒。飲品方面,樽仔奶茶,好香好濃,唔似出面嘅凍奶茶,比冰整到d 味淡哂。華田曲奇妙趣,好濃嘅阿華田味,又有cream 係上面。 繼續閱讀
(以上食評乃用戶個人意見 , 並不代表OpenRice之觀點。)
等級4 2020-07-10
173 瀏覽
今日小妹要買新電腦💻所以叫左朋友去黃金到幫我睇👀同抬部電腦🏋️‍♂️返屋企🤭, 朋友當然唔放過屈小妹請食野🍔🍛🍚嘅好機會😂, 最後小妹帶左佢去食雪山!😋忌廉薄荷朱古力🌱🍫E到嘅薄荷朱古力比例岩岩好, 唔會太多薄荷味, 朱古力無掟企;等到朱古力返嚟, 薄荷味又唔爭氣😆!華田曲奇妙趣🍪可能小妹曾經係英國讀書🇬🇧, 對oreo產品有情意結, E杯曲奇妙趣雖然比薄荷朱古力較淡味, 但杯上D忌廉令整體更加順滑!芝士🧀煎蛋🍳牛肉🥩漢堡包🍔吸收左上次爆槳整到隻手好污髒嘅經驗😂, 今次小妹好醒先將太陽蛋吉穿,等蛋汁慢慢摻入牛肉裏面, 牛肉鬆軟而且肉味重,依然保持極高水準!雞全翼🐓身為雞翼狂每次見親都好想食😍, 今次仲要全翼緊係忍唔住🙈, 新鮮炸起嘅雞翼永遠都特別好食, 熱辣辣而且外皮好脆, 最緊要食落口唔多油, 肉質又juicy🤤咖喱吉列豬扒🐷蛋🍳包飯蛋包飯份量相當足, 大大塊嘅即炸豬扒加埋嫩滑炒蛋配上微辣咖喱汁, 愈食愈開胃😆!椒鹽🧂豬扒🐷飯炒底有別於一般嘅椒鹽豬扒飯飯底只用白飯, 雪山用左炒底加色, 食落去好有避風糖口味, 豬扒仲要又多又大件好惹味😋! 繼續閱讀
(以上食評乃用戶個人意見 , 並不代表OpenRice之觀點。)
等級4 2020-06-25
798 瀏覽
出開深水埗的黃金買野, 就又去雪山冰廳食午餐~以前食過, 覺得幾唔錯~今天熱到傻,好在唔使等位, 行到出煙即刻涼返冷氣解脫><漢堡包是我的最愛必點, 朋友睇中夏日精選的蠔仔湯飯, 我就要低價豪食龍蝦叻沙摻摻芝蛋牛肉漢堡包: 即點即做, 漢堡包熱辣辣, 一刀切, 蛋汁流晒成個包, 加上融化的芝士, 我個心都融化埋蠔仔湯飯: 留意是湯飯, 而不是粥, 不過配料十足, 跟蠔仔粥差不多一樣的。超勁大碗, 我估計可以分4-5碗飯碗分量, 蠔仔嫩滑滑的, 湯也有蠔仔的鮮甜味波士頓龍蝦叻沙摻摻 : 中午食龍蝦, 豪氣! 其實都只係$98, 抵呀~ 把匙上的醬料融在湯中, 然後摻摻吸收了湯汁再食是最正的! 魚片頭超級彈牙勁好食!!阿姐好細心比了個夾我食龍蝦, 豆卜留最後吸晒湯時食最完美~茶走紅豆冰&雜果賓治 : 飲完即係消出開深水埗的黃金買野, 就又去雪山冰廳食午餐~以前食過, 覺得幾唔錯~呢間冰龐勁多唔同款式食物, 每款都幾唔錯~ 我間中都會去食下~ 繼續閱讀
(以上食評乃用戶個人意見 , 並不代表OpenRice之觀點。)
等級4 2020-05-31
1930 瀏覽
一直聽朋友說深水埗這老牌冰室很有人氣,終於有機會試試。餐廳裝修比我想像中新淨,原來是翻新過,不錯。先來個小食芝士煎蛋牛肉漢堡,芝麻麵包烤得香,一切開有半熟蛋、厚厚的牛肉漢堡扒和半溶芝士,相當吸引。漢堡扒內有惹味爽脆洋蔥粒,加上濕潤牛肉,很港式的滋味。 另外,選了個二人晚餐,有半隻海南雞、一個小菜和兩個燉湯。本來還有兩碗白飯,但我們想試其他主食,所以就沒有要。先講燉湯,椰子雪耳桂圓燉雞腳湯,很足料,一打開椰子的清香飄出,加上雞味,味道清甜,很滋陰的感覺。海南雞皮香肉滑,雖然不是雞髀的部份,但亦不會又乾又鞋。配上兩種醬汁,一款是酸辣醬,另外的是海南雞醬油,我比較喜歡前者,比較惹味刺激。小菜選了XO醬炒海斑片西蘭花,海斑片不是薄的,非常厚身,肉質爽有口感,不腥。西蘭花爽脆,份量多,令晚餐有足夠的蔬菜量。我們選了波士頓龍蝦叻沙摻摻做主食,茶餐廳居然有龍蝦,還是第一次見。叻沙味道討好,摻摻是油麵加米粉,加入爽口芽菜,整個面很順口。除了波士頓龍蝦,配料還有魚片、豆腐扑和雞蛋,非常豐富,二人分享一個絕對足夠。天氣熱的關係,我們還忍不住點了一個樽仔奶茶,冰凍的奶茶香濃順口,不會太甜,很消暑。 繼續閱讀
(以上食評乃用戶個人意見 , 並不代表OpenRice之觀點。)
等級4 2020-05-25
1328 瀏覽
係深水埗區舊式餐廳多數較多,但隨住歲月好多都開始活化,今次黎到呢間舊式冰廳係最近都翻新過,環境雖然變得唔同左但內裏人情味不變.椒鹽豬扒飯以炒飯底上,蛋炒飯底炒得粒粒分明,入口乾身唔會感覺好油膩,加上少少椒鹽入口鹹香帶微辣幾惹味,如果蛋味再出少少會更香.椒鹽豬扒輕輕炸過,豬扒都幾厚身,入口鬆化又易咬開.豬扒唔會炸得過火,入口仲帶有肉汁夠晒香口.經典芝士煎蛋牛肉漢堡包內既牛肉漢堡入口嫩香多汁,肉質唔會死實實,牛味入口香濃.加上微微脆邊煎蛋同半溶既芝士,3款簡單既食材相信已經帶出港人獨特既滋味同回憶.漢堡包亦都唔會馬虎,包底塗滿牛油之再烘得十分均匀,入口帶牛油香又夠鬆脆.避風塘生炸雞脾宜家已經買少見少啦,得返老店會較有心機去整.原隻生炸雞脾大隻過我個拳頭,一d都唔簡單.外皮炸得夠脆又薄,入口咔嚓咔嚓聲,內裏雞脾肉嫩滑又唔會乾,再配上炸雞脾皮上既避風塘辣椒粉既香辣味,超邪惡但滿足.樽仔咖啡看似奶香比咖啡多,但一打開已經飄出超香既咖啡味.入口咖啡香滑,深焙味又夠香絕對唔比咖啡店差. 繼續閱讀
(以上食評乃用戶個人意見 , 並不代表OpenRice之觀點。)