Mr. Steak Buffet à la minute (已搬遷) 新店位置

呢間餐廳食過三次，今次係第四次。唔係特別平不過有信心去過咁多次嘅水準都保持到，預計唔會太差，的確今次都唔會失望。雖然我唔知道呢個價錢應唔應該食得更好？晚市自助餐時段$5xx一位兩位連加一就過千，如果係慶祝生日我又覺得冇乜所謂，都算易book位。我最主要都係鍾意佢哋一黎甜品款式真係好多好多（一般自助餐晚市都唔會有咁多甜品），二黎又靚，三黎味道又好。不過款式唔算特別，睇你個人要求會唔會好高啦，我覺得佢個心太軟做得好好已經值。呢間餐廳最特別嘅地方就係可以寫紙仔比廚師幫你寫朱古力字，如果你趕住要就最好等大家食飽飽之前就寫定紙仔，如果你食飽飽先寫紙仔大家就同一個時間爭兩雙手⋯⋯會等得比較耐先有貨。🤩🤩🤩🤩🤩🤩🤩🤩另外如果你book位時同佢哋講係慶祝生日佢哋會熄燈同你唱生日歌，我冇要求呢個服務因為太尷尬，唔知道要唔要加錢。