麻辣風雲 (京都廣場) (已結業)

麻辣風雲的炸饅頭和酸菜魚能令你回訪，尤其是炸饅頭，不但好食，諸葛孔明借東風的饅頭船更是唔打得都睇得，打卡一流。今天在銅鑼灣行完街，心思思又掛住炸饅頭，於是上去食個晚餐。炸饅頭必吃，饅頭外皮酥脆，不硬不厚，內部超級軟熟。我愛在食酸菜魚前享用一件，酸菜魚中途食得有點嘴麻時又享用一件，到食完酸菜魚後享用最後一件，最後一件才蘸煉奶，好滋味。幸好一份有6件，才剛夠我和朋友分。酸菜魚採用台灣黑魚，味道鮮美，肉質嫩滑。酸菜、芽菜份量十足，湯底清甜偏酸。寬粉滑溜得來帶點煙韌，好食又飽肚。薑蔥蠔平日上述兩項已夠食，今天加多個小菜。香辣惹味，蠔肉較細，普普通通。洛神花茶一罎上，配兩隻小碟作杯，好可愛。非常夠味夠酸，食完酸菜魚飲一杯，既解膩又解酸，而且一罎夠倆人了。