影片
更多
2021-04-15
1400 瀏覽
2021年4月8日 星期四放埋呢幾日假又要開始準備返工既節奏，所以今日當然要出街食返餐好既，原本打算食銅鑼灣一間餐廳嘅自助餐，可惜去到先發現已經full左，唔接受walk in，咁唯有喺附近睇吓有咩好食點知去到Tower 535嘅時候，見到原來段純貞牛肉麵係果到開咗新舖，咁當然點都要去試吓啦，畢竟已經太耐冇返台灣啦，已經好掛住當地嘅食物好快就已經安排到入去坐低，睇返餐牌發現真係好正宗嘅台灣段純貞牛肉麵店，因為裏面既食物同台灣當地的店舖提供嘅食物差唔多，都係一樣可以選擇手工麵或者細麵，而且淨係牛肉麵都有好多選擇，我哋好快手已經每人揀咗一款麵，再加小食同飲品等咗一陣首先嚟到嘅係我點嘅拌麵，蒜香手撕雞乾拌麵，成碗麵俾上面嘅配料完全覆蓋晒，有好多大小不同的花生粒同碎葱，撈埋手工麵同醬汁一齊食，有好多口感，味道好豐富，食完唔會太口渴或者太鹹，麵條好掛汁，所以每一啖都好夠味老婆就要咗原味牛肉麵，我見到湯汁好似好濃郁所以就試咗少少，果然好重牛肉味之餘湯底都好鮮甜，老婆話牛肉仲好腍添！！我都見到每舊牛肉筋同肉既部分佔一半半，所以口感應該唔錯小食方面，唔於老婆唔食得辣，所以我哋將紅油抄手轉咗做雞湯抄手，
放埋呢幾日假又要開始準備返工既節奏，所以今日當然要出街食返餐好既，原本打算食銅鑼灣一間餐廳嘅自助餐，可惜去到先發現已經full左，唔接受walk in，咁唯有喺附近睇吓有咩好食
點知去到Tower 535嘅時候，見到原來段純貞牛肉麵係果到開咗新舖，咁當然點都要去試吓啦，畢竟已經太耐冇返台灣啦，已經好掛住當地嘅食物
好快就已經安排到入去坐低，睇返餐牌發現真係好正宗嘅台灣段純貞牛肉麵店，因為裏面既食物同台灣當地的店舖提供嘅食物差唔多，都係一樣可以選擇手工麵或者細麵，而且淨係牛肉麵都有好多選擇，我哋好快手已經每人揀咗一款麵，再加小食同飲品
等咗一陣首先嚟到嘅係我點嘅拌麵，蒜香手撕雞乾拌麵，成碗麵俾上面嘅配料完全覆蓋晒，有好多大小不同的花生粒同碎葱，撈埋手工麵同醬汁一齊食，有好多口感，味道好豐富，食完唔會太口渴或者太鹹，麵條好掛汁，所以每一啖都好夠味
老婆就要咗原味牛肉麵，我見到湯汁好似好濃郁所以就試咗少少，果然好重牛肉味之餘湯底都好鮮甜，老婆話牛肉仲好腍添！！
我都見到每舊牛肉筋同肉既部分佔一半半，所以口感應該唔錯
小食方面，唔於老婆唔食得辣，所以我哋將紅油抄手轉咗做雞湯抄手，雞味幾濃，而且雲吞吸收晒雞湯嘅味道，所以食落去夠晒味，又整到皮薄餡靚
飲品方面我要左杯荔枝乳酸，酸酸甜甜咁，容易幫助消化，而且都幾大杯
老婆就要左胚芽珍珠奶茶，見到成個杯面都有胚芽，下面既珍珠就佔左全杯既4分之1，都幾足料，老婆話飲落茶底唔錯，唔會太甜，加上有胚芽同珍珠，所以口感幾豐富
成餐飯每人大約百幾蚊，一定平過食自助餐，而且仲食到台灣既味道添，唔錯！！
張貼
