176
30
3
港鐵銅鑼灣站 D4 出口, 步行約2分鐘 繼續閱讀
所有分店 (4)
電話號碼
21174240
55967081 (Whatsapp)
營業時間
今日營業
12:00 - 22:00
星期一至日
12:00 - 22:00
*最後落單時間: 21:30
付款方式
AlipayHK 支付寶 現金 OpenRice Pay
其他資料
網上訂座
加一服務費
當面支付
有關獎賞計劃
食評 (222)
大約一年前第一次黎呢間銅鑼灣既段純貞牛肉麵食台式牛肉麵。難得今日疫情期間餐廳都開門,決定同友人再黎食個lunch,重溫一下台式牛肉麵。餐廳主打唔同種類嘅牛肉麵同雞麵,仲有多款小食同台式飲品。原來仲有甜品,同隔離京都勝牛嘅甜品一樣。午市餐牌有自選組合,做3個價錢,分別係$102麵食加飲品,$118麵食加小食,同$138麵食加小食加飲品。不過自選組合唔係乜都可以揀,貴價嘅牛四寶就冇得揀。設有加一服務費。落單自己掃QR code,都幾花時間。紅燒腱心半筋半肉牛肉麵師奶仔當然係揀主餐牌當中最貴既紅燒腱心半筋半肉牛肉麵啦。碗麵大大碗,連個碗都印左個招牌名段純貞。先飲一啖湯先,好清甜,帶有香濃藥材同牛骨味,但係一d都唔油。原來個湯係用牛油加入香蔥,薑蒜,豆瓣與23種中藥材,慢火拌炒8-9小時後,加入牛骨高湯熬,再加上各種手工調配的香料及醬料,但係飲出嚟嘅感覺係複雜中見簡單,落到喉嚨有少少辣。牛有3條牛筋同兩大舊牛腱心肉。餐牌介紹牛腱心肉係一隻牛只有五碗份量左右,炆得超淋又重牛肉味,仲帶d骨膠原重既牛筋,餐牌寫明係美國牛肉,好味道。牛筋都係炆得超淋而骨膠原重。配菜有兩條小棠菜同蔥花,我叫左多蔥,食落啖啖爽口青蔥連湯,正。另外有一小碟鹹酸菜,都唔差。麵條可揀手工麵或者細麵,呢碗我哋揀左細麵。細麵非常幼細,冇乜味又冇乜質感,就唔多好食,我唔會推介。燉番茄腱心半筋半肉麵燉番茄腱心半筋半肉麵同紅燒腱心半筋半肉牛肉麵基本上一樣,只係兩條小棠菜變左一隻燉番茄,而半筋半肉份量係各兩大舊。湯底方面係加少少番茄味,所以帶少少酸酸哋。餐牌介紹手工麵搭配湯底最好,因為更吸湯。所以呢個麵我地揀左手工麵,手工麵粗身有咬口,好似刀削麵,我自己就非常鍾意。兩款湯底既味道都唔錯。鹽酥雞小食叫左鹽酥雞,有五大件,比一年前少左一件。鹽酥雞炸得外酥內嫩,都有肉汁,算合格貨色。空口食會乾,拌湯麵食更好。酥炸排骨另外一份小食叫左酥炸排骨。酥炸排骨原來係一大塊豬扒切開7件,有大有細。肉質可以,不過都好肥下。配有唔少鹹酸菜。個人覺得可以,不過我會鍾意真排骨多d。香芋珍珠奶茶飲品叫左一杯香芋珍珠奶茶,上次飲過覺得好飲,今次叫左走冰。呢個香芋珍珠奶茶香芋味好香濃,又夠滑,茶味反而唔太濃。加埋好多煙韌彈牙既珍珠,唔錯。抹茶紅豆流心蛋糕 $58 另加一甜品餐牌同隔離京都勝牛嘅甜品一樣。上次係京都勝牛食過棉花糖雪糕同麻糬雪糕糯米糍,今次試試抹茶紅豆流心蛋糕。抹茶流心蛋糕上面加左少少紅豆蓉,再灑上少量柚子皮,伴有一球雲呢拿雪糕,雪糕上面灑上少少綠茶粉。仲有一片士多啤梨配忌廉。可惜主角抹茶流心蛋糕並唔多流心,不過味道方面抹茶蛋糕+紅豆+雲呢拿雪糕都係絕配。裝修好靚,以木為主,感覺古色古香,座位舒適,適合同友人飯聚。食物方面,質素算唔錯,價錢又唔算貴。$138加一有麵食加小食加飲品都算唔貴。 繼續閱讀
(以上食評乃用戶個人意見 , 並不代表OpenRice之觀點。)
等級4 2022-02-10
490 瀏覽
🔺 段純貞牛肉麵 (銅鑼灣)lunch 想食牛肉麵,就近呢阻黎間段純貞,係tower535, 望落環境好光猛乾淨,d 座位又闊落,同同事食lunch 都想坐得舒服d~呢到有lunch set ,麵跟飲品$102`麵跟小食$118`麵跟飲品同小食就$138,以食物質素同環境都乎合價錢既~🔻原味牛肉麵碗麵有三大舊牛肉,牛肉煮得好淋好入味,唔使點咬入口即溶~我揀阻手工麵,麵條粗身好煙un,湯底望到個色已經知道超濃郁,但又唔會好咸,唔錯~🔻麻辣嫩五花牛肉麵呢個麵係用薄切五花牛肉,食落好香牛味,而且件數都唔少,呢碗就揀阻細麵,個人覺得手工麵比較好食d 同好咬d~細麵就襯雲吞麵果類既食法適合d,至於湯底就唔會話辣到食唔到,都係有d 麻辣味調下味,唔會蓋過d牛味~🔻鹽酥雞呢到鹽酥雞偏大件,唔係一粒粒係一舊舊,炸皮香脆,入而雞肉嫩滑有肉汁,好味😋🔻胚芽珍珠奶茶&珍珠奶茶拍得住出面台灣飲品店既珍珠奶茶,我仲覺得佢地珍珠做得好出色tim,比起出面既珍珠細少少,更有咬口,咬落仲有甜甜地既味道,再加埋胚芽勁豐富,飲得好開心😂 繼續閱讀
(以上食評乃用戶個人意見 , 並不代表OpenRice之觀點。)
台灣菜🇹🇼向來都是我的摯愛,雖然飛不到去台灣,可是也有台灣過江龍在香港🇭🇰開店。適逢中午放飯,我和同事就到了位於銅鑼灣的🐮「段純貞牛肉麵」。🪵木系的裝修配上手寫字的招牌,感覺很有格調,而且裝潢也很新,💡燈光通明,予人一種很舒服的感覺☺️!🥢青花椒香手撕雞乾拌麵(含花生🥜) $78材料方面有麵、小棠菜、溏心蛋、手撕雞、花生、蔥花,暖暖的麵撈上醬汁相當入味!麵方面你亦可以選擇細麵和手工麵。份量蠻多的,而且麵條都掛滿了醬汁,相當開胃,而最重要的是它也有少許的麻香,但吃完也不會感到口渴呢!🥢蒜香手撕雞乾拌麵(含花生🥜)$78至於另一款手撕雞乾拌麵,材料方面跟上面那碗是一樣,不同的是它有蒜香,所以也特別惹味,喜歡濃味的我就特別喜好這個。🐔雞湯抄手 $48平時吃得多的是「紅油抄手」,所以今次決定清清地點了一個雞湯抄手。雞湯襯以雲吞以及小棠菜相當暖胃,雲吞皮薄餡靚,餡料有少許胡椒味,很入味呢!🧋胚芽珍珠奶茶 $32胚芽珍珠奶茶不會太甜,茶味十足,珍珠有咬口,冬天喝就相當暖身!🥤荔枝乳酸飲料 $30荔枝和乳酸味混合得很不錯,乳酸味道很出,好像在飲益力多似的,而清新的飲料亦中和了膩滯感。總的來說,這裡服務態度不錯,而且環境清幽,和朋友相聚午膳也是很不錯的😁!#台式正宗 #過江龍 #銅鑼灣 #段純貞 #台灣菜 #足料 #鹽酥雞 #麻辣 #牛肉麵 #元祖 #DuanChunZhen #Taiwanesefood 繼續閱讀
(以上食評乃用戶個人意見 , 並不代表OpenRice之觀點。)
我們點了:🤎麻辣嫩五花牛肉麵🤎原味牛肉麵🤎紅油抄手🤎香芋珍珠奶茶🤎胚芽珍珠奶茶☆ .﹒‧°∴°☆.﹒‧°∴°﹒☆°.﹒‧°∴°☆.﹒‧°∴°☆🤎麻辣嫩五花牛肉麵 $84麵條寬度是可以自行選擇的,我們點了幼麵。幼幼的麵條質感煙韌有彈性,掛湯程度高,讓人不經意間把整碗湯喝掉。麻辣味道非常濃郁,滲透每一片嫩五花牛肉裡面,口味非常對勁!而且還有很多蔥花和青菜,口感豐富夠飽肚!🤎原味牛肉麵 $80這碗我們點了手工闊麵。牛肉湯底很香濃,吃起來好像帶點肉骨茶的藥材香味。闊麵份量比起幼面好像沒有那麼多,不過麵條超厚身,有咬口,吃著吃著就會覺得很飽。牛𦟌切片非常大塊,滷得非常入味,口感軟腍,讓人一食難忘。🤎紅油抄手 $48我們吃完麻辣嫩五花牛肉麵之後覺得麻辣實在太正,想繼續吃點辣的,於是點了紅油抄手。份量有五顆雲吞,裡面的餡料是蝦肉和豬肉,蝦肉咬起來更是爽彈的!芽菜鋪在雲吞底下,完美吸收到帶著花生粒香味的紅油辣汁,建議喜歡辣又不介意油分的大家可以試下把辣油倒進湯麵裡吃,香味倍增!🤎香芋珍珠奶茶 $32香芋味道不會太假,味道冰爽偏甜,顏色是迷人的紫色,賣相超美。-🤎胚芽珍珠奶茶 $32奶茶茶味香濃,與煙韌的黑糖味珍珠完美融合。黃金色的小麥胚芽份量有很多,咀嚼別有一番風味。≡※≡※≡※≡※≡※≡※≡※≡※≡※≡※≡※≡※≡※≡※≡※段純貞牛肉麵銅鑼灣謝斐道535號Tower 535地庫B01號舖≡※≡※≡※≡※≡※≡※≡※≡※≡※≡※≡※≡※≡※≡※≡※ 繼續閱讀
(以上食評乃用戶個人意見 , 並不代表OpenRice之觀點。)
等級4 2021-12-22
511 瀏覽
✨原味牛肉麵有兩款麵選擇 最後揀左手工麵湯 好濃厚 唔油膩 帶淡淡嘅藥材味牛肉用上牛腱心肉 半筋半肉肉質腍滑 帶啲彈性 好入味手工麵 闊身 有啲厚度 口感煙韌 有韌性 食落好有嚼勁✨蒜香手撕雞乾拌麵乾拌麵揀左細麵 咁就可以試晒兩款麵流心蛋 流心程度唔錯 有蛋香炸蒜粒 蒜味突出 好香好惹味另外配料仲有好多香脆花生粒 充滿花生香 亦令口感更豐富手撕雞 有淡淡雞味 肉質結實細麵 相對手工麵較軟滑 有彈性但因為係拌麵冇乜汁 麵一耐左就會黐埋一嚿 食落會比較乾 但味道係唔錯✨鹽酥雞熱辣辣鹽酥雞 一份有五大件一件可以咬幾啖 啖啖肉 勁滿足外層皮薄香脆 雞肉鮮嫩多汁調味適中 唔錯 份量多幾抵食✨珍珠奶茶珍珠 軟糯彈牙 偏細粒奶茶奶比例相對較多 香滑 但茶味唔算好濃 質感偏薄✨香芋珍珠奶茶有芋香 珍珠軟糯彈牙 少少偏甜 正常水平食物唔錯 兩款麵我都幾鐘意但如果二選一 我會揀細麵手工麵開頭食覺得幾正 但食多兩啖就飽左細麵食落相對輕盈啲味道偏濃味 啱晒重口味人士環境唔錯 裝修幾有特色 卡位幾闊落 坐得舒服服務唔錯 價錢合理 可以一試 繼續閱讀
(以上食評乃用戶個人意見 , 並不代表OpenRice之觀點。)