189
32
3
港鐵銅鑼灣站 D4 出口, 步行約2分鐘 繼續閱讀
所有分店 (5)
電話號碼
21174240
55967081 (Whatsapp)
營業時間
今日營業
12:00 - 22:00
星期一至日
12:00 - 22:00
*最後落單時間: 21:30
付款方式
AlipayHK 支付寶 現金 OpenRice Pay
其他資料
網上訂座
加一服務費
當面支付
以上資料只供參考, 請與餐廳確認詳情
有關獎賞計劃
食評 (239)
等級4 2022-10-17
724 瀏覽
今晚唔想食太貴,黎咗段純貞牛肉麵食晚餐。週日晚上6點鬆d到,有好多位。主餐牌有牛肉麵,風味麵類,小菜,私房小食,飯類,飲品。原來仲有甜品,同隔離京都勝牛嘅一樣。設有加一服務費。落單自己掃QR code。三寶麵 $94 另加一碗三寶麵麵大大碗,連個碗都印左個招牌名段純貞。先飲一啖湯先,好清甜,帶有香濃藥材同牛骨味,但係一d都唔油。原來個湯係用牛油加入香蔥,薑蒜,豆瓣與23種中藥材,慢火拌炒8-9小時後,加入牛骨高湯熬,再加上各種手工調配的香料及醬料,但係飲出嚟嘅感覺係複雜中見簡單,落到喉嚨有少少辣。牛有兩件腱心,4件牛肚,同兩件牛筋。餐牌介紹牛腱心肉係一隻牛只有五碗份量左右,炆得超淋又重牛肉味,仲帶d骨膠原重既牛筋,餐牌寫明係美國牛肉,好味道。牛筋都係炆得超淋而骨膠原重。第一次食呢度既牛肚,都唔錯,大大舊同滑溜又夠淋。配菜有兩條小棠菜同蔥花,我叫左多蔥,食落啖啖爽口青蔥連湯,正。另外有一小碟鹹酸菜,都唔差。麵條可揀手工麵或者細麵,我哋揀左手工麵。手工麵粗身有咬口,好似刀削麵,我自己就非常鍾意。燉番茄腱心半筋半肉麵 $92 另加一燉番茄腱心半筋半肉麵同三寶麵基本上一樣,只係兩條小棠菜變左一隻燉番茄,而半筋半肉份量係各3大舊左右,呢碗腱心肉就唔太夠淋。湯底方面係加少少番茄味,所以帶少少酸酸哋。餐牌介紹手工麵搭配湯底最好,因為更吸湯。兩款湯底既味道都唔錯。新鮮豚肉鍋貼 $48 另加一新鮮豚肉鍋貼一客5隻,塊皮煙煙韌韌,煎得燶燶地,不過就唔多脆,入面明顯有豬肉,菜同薑。伴有蔥花同醋。如果塊皮係脆會好d。雞湯抄手 $58 另加一雞湯抄手一客6粒,雲吞皮又薄又滑,入面有蝦同豬肉,質素可以啦。個湯就真係雞湯,加上蔥花添菜味,好清甜。伴有兩條小棠菜。棉花糖雪糕 $58 另加一就算幾飽,甜品都要食。甜品餐牌同隔離京都勝牛嘅一樣。棉花糖雪糕外面原來係棉花糖,仲有少少燒過,入面包住雲呢拿雪糕,上面有抹茶粉同黃豆粉,配有唔同顏色嘅脆脆餅碎,加強口感。仲有半粒士多啤梨裝飾。賣相係唔錯,不過個人唔太鍾意太多棉花糖,而且雲呢拿雪糕味道好唔出。士多啤梨擺放亦唔太美觀,反轉放會好d。呢個甜品味道麻麻。裝修好靚,以木為主,感覺古色古香,座位舒適,適合同友人飯聚。食物方面,牛肉麵質素當然係好,其他就相對差d,不過價錢唔貴。 繼續閱讀
(以上食評乃用戶個人意見 , 並不代表OpenRice之觀點。)
台灣牛肉麵百家爭鳴,每家都有自己的獨門口味,來自新竹市的台灣人氣過江龍「段純貞牛肉麵」標榜眷村風味,將經典川味麻辣融入地道牛肉麵。銅鑼灣分店主打木系古風裝潢,簡約樸實,就連木質隔板散發古色古香的氣息,與店內的裝飾融為一體。卡位坐得寬敞,不如坊間台灣麵店般窄小,位與位之間保留一定的距離,店員態度親切有禮。香港店沿用台灣總店秘方製作所有麵食,分為紅燒、麻蒜、燉番茄及乾拌麵等多個系列。所有麵食都可以挑選配搭刀切手工麵或細麵,而且會附上一碟酸菜。招牌紅燒腱心牛肉麵 $84招牌的經典原汁紅燒牛肉,堅持不使用市售桶裝牛油,採用新鮮肥牛炸出自製純天然油脂,加入多種中藥材及香料於牛骨高湯中,經長時間慢火細燉,濃郁湯底帶有微辣麻香,具有馥郁辛香層次。嚴選珍貴稀少的牛腱心肉慢燉滷製,油脂呈花紋狀且肉香醇厚,筋肉比例平均,讓肉質的鮮甜軟嫩體現出來。麵條將台灣提供的配方在港自設工場新鮮製造,正是因為手工,故擁有厚薄不均的特色,入口QQ煙韌有彈牙嚼頭。燉濃湯雞麵 $84以雞骨熬製的湯底呈現乳白色,湯頭清澈,浮油不多,口味相對較清淡。慢煮雞髀更是啖啖肉,肉質比較細膩柔軟,鎖緊豐腴肉汁。細麵質地純樸滑口,即使浸久了也不會過軟,卻又吸收了雞湯的鮮甜精華,讓麵條輕易地掛滿湯汁。鹽酥雞 $48鹽酥雞炸得金黃脆口,粉漿不會過厚,無骨雞件夠厚肉。一咬開肉質相當嫩口且乾爽酥香,炸得乾身不油膩。新鮮豚肉鍋貼 $48鍋貼包得圓潤飽滿,餃皮厚度適中,底層煎得略帶焦香。鍋貼內填滿新鮮豬肉,以及爽甜椰菜,肉餡扎實多汁。珍珠奶茶 $34飲品可以自選甜度及冰度,選擇夠靈活,我這杯自選走冰走甜,茶香更醇厚。胚芽珍珠奶茶 $34除了質感粉糯彈韌的珍珠外,灑落富有穀麥香的胚芽顆粒,交錯出多重層次。 繼續閱讀
(以上食評乃用戶個人意見 , 並不代表OpenRice之觀點。)
等級4 2022-10-08
318 瀏覽
最近心心念念想食台灣麵,朋友介紹黎哩間段純貞搵下台灣既味道🏃🏻‍♀️☑️經典紅燒牛肉麵 $86紅燒牛肉麵既湯底十分濃郁,一片片既牛𦟌都燜到好腍,唔洗擔心會咬唔開,牛𦟌燜到入哂味。麵方面我簡咗手工麵,雖然好似會有口感多啲,但手工麵真係好粗,所以唔係好入味🥹不過連埋啲湯飲都夠味😆☑️台式擔擔麵 $52擔擔麵有少少麻麻辣辣,撈埋面頭啲花生一齊食好香,每一啖麵都索哂啲麻辣香,而且份量以哩個價錢黎講性價比真係超高😬☑️紅油抄手 $58哩樣係朋友力推我,就算幾飽/同行朋友唔食,都要照叫🤭皮薄喊靚用黎形容哩到既抄手就岩啦❗️入面既蝦份量好足,爽口彈牙👍🏻麻辣味都好足,香得黎又唔會辣到食唔到😋 繼續閱讀
(以上食評乃用戶個人意見 , 並不代表OpenRice之觀點。)
等級4 2022-09-26
420 瀏覽
#食咗當去咗系列 #台灣美食三寶麵 (腱心、牛肚、牛筋) 牛腱心,花紋中的分布平均,半筯半肉,正。牛肚嘅切片方法非常有技巧巧,而且軟淋好入味。牛筋不會過淋,食落膠質滿滿😋由於手工麵麵團反覆延壓維持韌度,厚薄不均勻更加吸收更多嘅湯汁,牛骨滑底美味在心頭燉濃湯雞麵 由於細面係傳統嘅製法,面體氣孔多,麵條完全沾染滿雞湯嘅鮮味味,而且雞肉嫩滑,極之惑人新鮮豚肉鍋貼,肉汁鮮嫩多汁,外脆可口鹽酥雞 ,不太油膩,雞肉肉質彈牙荔枝乳酸飲料,香芋珍珠奶茶🧋台灣口十足,完美的一餐#yummy #taiwanfood #牛肉麵 #台灣 繼續閱讀
(以上食評乃用戶個人意見 , 並不代表OpenRice之觀點。)
#📍 段純貞牛肉麵 銅鑼灣謝斐道535號Tower 535地庫B01號舖🔸 招牌紅燒腱心牛肉麵 $88🔸 麻辣嫩五花牛肉麵 $84🔸 新鮮豚肉鍋貼 $48🔸 鹽酥雞 $48🔸 香芋珍珠奶茶 $34🔸 胚芽珍珠奶茶 $34🍒點評時間都唔知幾耐冇去台灣 實在好掛住台灣嘅美食😋今次去左段純貞去搵眷村嘅味道❣️麵食可以揀刀切手工麵或幼麵店員就建議我地揀手工麵因為粗麵較為掛湯👍🏻🌸 招牌紅燒腱心牛肉麵湯頭好濃🤤我就知係台灣嘅味道啦❣️有好香濃嘅牛骨味同藥材味😋又唔會好擔心藥材味太重好似肉骨茶咁果然粗麵真係好配搭👍🏻牛腱煮得紮實又淋入哂味😻🌸 麻辣嫩五花牛肉麵辣妹緊係要加辣啦🌶加左麻辣真係將牛肉湯再昇華❣️五花牛肉份量都唔少🌸 鹽酥雞 台灣美食當然有鹽酥雞炸得外脆內嫩好好味😋🌸 新鮮豚肉鍋貼鍋貼正常發揮 意外係豬肉份量都唔少🌸香芋珍珠奶茶🌸胚芽珍珠奶茶珍珠奶茶係必需🧋香芋同胚芽都各有特色珍珠煙煙韌韌我中意❣️好味指數😋:⭐️⭐️⭐️⭐⭐抵食指數😛:⭐️⭐️⭐️⭐服務指數⚜️:⭐️⭐️⭐️⭐環境指數🧽:⭐️⭐️⭐️⭐️⭐ 繼續閱讀
(以上食評乃用戶個人意見 , 並不代表OpenRice之觀點。)