192
33
4
港鐵銅鑼灣站 D4 出口, 步行約2分鐘 繼續閱讀
所有分店 (5)
電話號碼
21174240
55967081 (Whatsapp)
營業時間
今日營業
12:00 - 22:00
星期一至日
12:00 - 22:00
*最後落單時間: 21:30
付款方式
AlipayHK 支付寶 現金 OpenRice Pay
其他資料
網上訂座
加一服務費
當面支付
以上資料只供參考, 請與餐廳確認詳情
有關獎賞計劃
食評 (248)
我一向是個牛肉麵超級粉絲。回想在疫情前,有假期就會飛去台北吃牛肉麵,試過有一趟旅程的主題是吃遍數間米芝蓮星級牛肉麵店 (相關舊文),它真可算是台灣的代表美食。來到台灣名店「段純貞」的香港分店,正如題目所說,兩款麵都是它的「味自慢」,均有不少好評,你會如何選擇?Or why not both? 那就每樣來一碗,慢慢品嚐吧!餐廳佈置是屬於雅淡清麗的種類,帶些書卷氣:打開餐牌,除了台灣牛肉麵,也有其它地道小食,及介紹店子的一些理念和歴史:用 QR Code 下單,揀好食物,食物準備好後就會送到你面前。先品嚐較清鮮的「燉濃湯雞麵」$88一大碗麵連酸菜和骨碟上場,有切開兩半的雞髀:超巨型的雞髀錘,來個倒豎沖給大家看看它的巨型長度:另外是大大件的雞髀肉:整體雞炆煮得很嫩,選材肥瘦適中,連皮吃也不覺肥膩,欣賞它的厚肉且脂肪量不重:侍應説雞湯用老雞、雞腳、雞殼、豬筒骨等熬煮數小時,熄火再焗,顏色會變成淡奶黃色,雞味全開,鮮甜非常,而且也不覺油:所以雞肉不是最值錢,啖湯才是呢!麵底方面選了「細麵」,是我喜歡的類型:它的特點是麵條氣孔多,幼細,容易吸收清甜的雞湯:就這樣一大攝連湯放入口,這有讓我想起小時候外婆在家做的雞湯上海麵呢,同樣美味動人:後上「犇牛四寶麵」$108 (少辣),有牛腱心、牛筋,牛肚、嫩五花肉片,配紅燒湯底及手工闊麵:一碗好吃的牛肉麵,湯底一定是靈魂所在,同吃日本拉麵如出一轍。台灣牛肉麵通常分「紅燒」及「清燉」兩種湯底,各有捧場客,今次是紅燒:先嚐湯,以濃郁為特點,用新鮮肥牛榨出天然油脂,再加薑、蔥、蒜、豆瓣醬和20多種中藥材料、牛骨等燉八小時而成:味道確實香濃醇厚且滿有牛香,溫而不火,香而不油,真係食唔晒碗麵都要飲埋碗湯:逐一細味餸料。熟悉我的朋友都知道我是一個瘋狂酸菜迷,這裏附上一小碟,用以提香,值得一題是可以問侍應無限添補的:牛肉是牛𦟌腱部位,軟腍不失咬口,滲着滿滿紅燒滷汁香,相當入味:比起一般使用的橫切牛𦟌,它炆得更腍更入味。亦因為是腱條位,每口肉質能做到如此鬆軟,相信在炆煮過程中煮師下了不少功夫:長長的牛筋,有預其中的軟腍:牛肚取位金錢肚,入味有嚼頭,加上小辣湯相當匹配:嫩五花肉片是薄切,入口細膩軟綿綿,雖未至於和牛般油花即化,喜歡吃嫩牛肉片的朋友也應不會失望:麵條今次選了手工闊麵,似闊身刀削麵,不算是我最喜愛吃的種類,幸好它做得不算太厚,面積大也好沾湯:吃完後,結論是兩者各有不同風味,都好吃,兩者都一定是已贏在湯底線上,而雞湯麵可能會在一般餐廳市場上比較專門獨特,值得來一趟品嚐。至於我會否再有下次來返兜?肯定答你,一定會!XD 繼續閱讀
(以上食評乃用戶個人意見 , 並不代表OpenRice之觀點。)
等級4 2022-10-17
1574 瀏覽
今晚唔想食太貴,黎咗段純貞牛肉麵食晚餐。週日晚上6點鬆d到,有好多位。主餐牌有牛肉麵,風味麵類,小菜,私房小食,飯類,飲品。原來仲有甜品,同隔離京都勝牛嘅一樣。設有加一服務費。落單自己掃QR code。三寶麵 $94 另加一碗三寶麵麵大大碗,連個碗都印左個招牌名段純貞。先飲一啖湯先,好清甜,帶有香濃藥材同牛骨味,但係一d都唔油。原來個湯係用牛油加入香蔥,薑蒜,豆瓣與23種中藥材,慢火拌炒8-9小時後,加入牛骨高湯熬,再加上各種手工調配的香料及醬料,但係飲出嚟嘅感覺係複雜中見簡單,落到喉嚨有少少辣。牛有兩件腱心,4件牛肚,同兩件牛筋。餐牌介紹牛腱心肉係一隻牛只有五碗份量左右,炆得超淋又重牛肉味,仲帶d骨膠原重既牛筋,餐牌寫明係美國牛肉,好味道。牛筋都係炆得超淋而骨膠原重。第一次食呢度既牛肚,都唔錯,大大舊同滑溜又夠淋。配菜有兩條小棠菜同蔥花,我叫左多蔥,食落啖啖爽口青蔥連湯,正。另外有一小碟鹹酸菜,都唔差。麵條可揀手工麵或者細麵,我哋揀左手工麵。手工麵粗身有咬口,好似刀削麵,我自己就非常鍾意。燉番茄腱心半筋半肉麵 $92 另加一燉番茄腱心半筋半肉麵同三寶麵基本上一樣,只係兩條小棠菜變左一隻燉番茄,而半筋半肉份量係各3大舊左右,呢碗腱心肉就唔太夠淋。湯底方面係加少少番茄味,所以帶少少酸酸哋。餐牌介紹手工麵搭配湯底最好,因為更吸湯。兩款湯底既味道都唔錯。新鮮豚肉鍋貼 $48 另加一新鮮豚肉鍋貼一客5隻,塊皮煙煙韌韌,煎得燶燶地,不過就唔多脆,入面明顯有豬肉,菜同薑。伴有蔥花同醋。如果塊皮係脆會好d。雞湯抄手 $58 另加一雞湯抄手一客6粒,雲吞皮又薄又滑,入面有蝦同豬肉,質素可以啦。個湯就真係雞湯,加上蔥花添菜味,好清甜。伴有兩條小棠菜。棉花糖雪糕 $58 另加一就算幾飽,甜品都要食。甜品餐牌同隔離京都勝牛嘅一樣。棉花糖雪糕外面原來係棉花糖,仲有少少燒過,入面包住雲呢拿雪糕,上面有抹茶粉同黃豆粉,配有唔同顏色嘅脆脆餅碎,加強口感。仲有半粒士多啤梨裝飾。賣相係唔錯,不過個人唔太鍾意太多棉花糖,而且雲呢拿雪糕味道好唔出。士多啤梨擺放亦唔太美觀,反轉放會好d。呢個甜品味道麻麻。裝修好靚,以木為主,感覺古色古香,座位舒適,適合同友人飯聚。食物方面,牛肉麵質素當然係好,其他就相對差d,不過價錢唔貴。 繼續閱讀
(以上食評乃用戶個人意見 , 並不代表OpenRice之觀點。)
等級3 2023-02-17
149 瀏覽
星期四晚嘅銅鑼灣無假日咁多人,呢間段純貞牛肉麵座落喺Tower 535地庫B1層,佢個入口相當隱秘,一唔小心行錯就會上咗同一棟大廈嘅寫字樓。之前喺灣仔同旺角東都有食過段純貞牛肉麵,今次係第一次嚟試銅鑼灣分店,感覺相當唔錯。首先,環境新淨、闊落,我地一行二人約7:10pm入座,被安排坐喺餐廳最入面嘅四人卡座,每張枱之間嘅距離充足,非常適合朋友小聚。侍應生嘅服務亦有禮、貼心,整體觀感良好。食物方面,我揀咗紅燒鍵心半筋半肉牛肉麵,套餐價$108(另收加一),包一杯指定飲品,我選擇咗珍奶。麵身可以揀細麵或者手工麵,由於前兩次喺其他分店食到嘅手工麵口感相當唔錯,所以我決定繼續encor手工麵。手工麵一如既往十分煙韌,配上濃湯同肉質細嫩嘅鍵心牛肉,味道甚佳;不過,美中不足係麵嘅份量略少,呢一點喺其他分店都係一樣;另外,珍珠奶茶頗為遜色,絲毫無茶味同奶味,加上珍珠口感偏削,故不建議揀珍奶。總括而言,段純貞牛肉麵最出色嘅一定係佢嘅牛肉手工麵,飲品則可有可無;建議大家嚟食嘅時候可以淨嗌麵食唔要飲品。 繼續閱讀
(以上食評乃用戶個人意見 , 並不代表OpenRice之觀點。)
等級3 2023-02-16
99 瀏覽
呢間台灣過江龍餐廳終於喺香港開左啦😍果然味道幾正宗麻辣鴨血冬粉 $98超多舊鴨血豆腐😍寬粉吸哂d 辣湯,超正青花椒香手撕雞乾拌麵 $78超香~花椒味,仲有埋流心蛋鹽酥雞 $48好酥脆香口 繼續閱讀
(以上食評乃用戶個人意見 , 並不代表OpenRice之觀點。)
等級3 2023-02-15
106 瀏覽
同月事一齊食lunch, 叫阻個lunch set ,麵+小食$118~我叫阻碗原味牛肉麵,碗麵有三大舊牛肉,牛肉都算淋既,另外揀阻手工麵,麵條粗身好煙un,但係個湯底我就唔係好接受到,太重藥材味,所以我都食唔晒,食阻幾啖就唔想食~小食我揀阻鹽酥雞,鹽酥雞偏大件炸皮香脆,雞肉juice,小食就唔錯~ 繼續閱讀
(以上食評乃用戶個人意見 , 並不代表OpenRice之觀點。)