蘇媽.蘇媽馬來西亞茶餐室 (已結業)

其實已經唔係第一次去食，今日一去到諗住開門話比亞姐幾多位，我都未講野，佢就鄒曬眉咁拎隻手擋住我，語氣又唔係好好咁話出面等等先，咁我亦好合作行番出去啦，之後出黎問我幾位，問我齊人未，我話齊喇，之後問完另一個一位既客野，就同我講話齊人話佢知，個位客人都忍唔住口幫我答話佢齊人啦，不過其實都係未有位住。有野食唔曬想拎走，問個侍應拎個盒，其實我問得好好語氣，但佢既回應態度都係唔太耐煩，我明白服務業係辛苦既，唔係需要你卑躬屈膝，但起碼保持正常講野態度都得掛，我又唔係食緊大排檔茶餐廳，不過呢度野食係好味既，希望下次去D侍應心情會好番D啦，另外就冷氣好凍，所以野食好快凍曬。