118
26
5
港鐵銅鑼灣站 C 出口, 步行約2分鐘 繼續閱讀
所有分店 (6)
電話號碼
26630770
營業時間
今日營業
11:30 - 22:00
星期一至日
11:30 - 22:00
付款方式
現金
其他資料
加一服務費
食評 (179)
好耐冇食過馬拉菜,今次就去左銅鑼灣呢間蘇媽蘇媽食個下午茶,一入到去裝修仲幾有懷舊feel🤗🐮仁噹牛肉撈麵(油麵)$62牛肉同牛筋份量都幾多,煮得亦好軟淋同入味,配上醬汁撈麵食好惹味!個麵用上係油麵,麵質一流又彈牙👍🏻呢度仲有下午茶餐牌,價錢俾主餐牌平d,更加抵食!🥘檳城白咖喱麵(油麵)$48白咖喱係白色湯底配特色辣醬,配上豆角、芽菜、魚蛋、蝦、蛋、豬紅同特色參巴醬,大大碗 好豐富,味道都不錯🤗💛椰香咖央多士$36呢個多士超級好食,強力推介!多士烤得香脆,加上牛油同咖央醬,好香口,甜甜地又唔會太漏,必食之選😘🧡魚仔醬蘿蔔糕(跟餐+$19)魚仔醬鹹鹹香香,有d似X.O醬,配上煎得外脆內軟嘅蘿蔔糕,味道好夾!🤎美祿恐龍$36(跟餐+$17)每次見到美祿恐龍都必叫,美祿味好香濃,面頭再撒上一層美祿粉,啱哂美祿控!💚椰汁班蘭冰$36(跟餐+$17)飲落有陣陣班蘭香,而椰汁味好出,椰汁同班蘭真係絕配,底層仲有d西米更添口感! 繼續閱讀
(以上食評乃用戶個人意見 , 並不代表OpenRice之觀點。)
成日心掛掛肉骨茶,第一時間就諗起蘇媽,環境坐得舒服裝修又靚,勝在分店夠多唔使周圍搵都可以食到正宗馬來菜,今次去到決定叫返啲熱門菜式滿足吓~椰香咖央多士 $32蘇媽必食之選,即叫即整,份量適中,烤到脆身但唔會過乾嘅多士底,內裏夾住唔少嘅牛油同主角咖央醬,咬落有層次,椰香即刻湧現,簡單嘅滿足。不過要提醒吓,多士有返適當甜度(螞蟻人有福了),叫翻杯嘢飲配搭住食會冇咁膩~百吉爹肉骨茶(三層肉)$56想飲肉骨茶又想留肚食下其他野,兩個人叫份細size肉骨茶就剛好,畢竟可以無限添飲~飲落藥材味幾出,不過同馬來西亞當地食嘅濃度明顯有啲距離,相信係因應港人口味調節咗,感覺更易接受,另外湯頭肉味都幾重。三層肉肥瘦分明,份量絕對唔吝嗇,食落唔會太鞋,記住要調配返一碟醬料沾住食,推薦混合黑豉油,頭抽,蒜蓉同辣椒,甜甜辣辣,好快就會食曬啲肉~辣死你嗎配仁噹牛肉 $62上台就會見到最具代表性嘅綠色椰漿飯,食落有種淡淡嘅斑蘭同椰子香氣,飯粒口感偏濕潤但唔會太黏口~ 牛肉食落充滿香料味道,肉味亦無比蓋過。燉煮過後保持有點嚼頭,又有汁,仲要幾入味,配搭埋脆身乾魚仔、鹹香花生、蝦片、薯仔、蛋、青瓜,仲有精髓—惹味參巴醬,帶點微辣,撈埋食簡直係絕配。檳城福建蝦麵 $62份量唔少,大大碗,配料有新鮮紮實原隻蝦、鬆軟豬腩肉、彈牙魚片、半邊雞蛋、爽口芽菜通菜,十分豐富。一試個湯底,果然蝦味濃郁,唔會過鹹,仲帶點辣度提升鮮味。特別欣賞佢即使配搭油麵亦唔會令人覺得好油膩,仲有啲掛汁,每啖都好滿足! 繼續閱讀
(以上食評乃用戶個人意見 , 並不代表OpenRice之觀點。)
✨二訪蘇媽蘇媽✨.星期三晚放工去左位於銅鑼灣謝斐道嘅蘇媽蘇媽食晚餐💕餐廳空間寬敞,座位都算多,唔洗等就入得座😚餐廳裝修放左唔同嘅懷舊玩意,幾有特色♪.▫️辣死你嗎配烤雞髀 $68(7/10)雞髀算大隻,烤都唔算乾身😋肉質嫩滑,跨外配菜都多,有蝦片,干魚仔,青瓜,份量都算大份₍ᐢ.ˬ.ᐢ₎.▫️雞/牛/豬串燒 6串 $88(6/10)3隻肉各2串串燒,雞肉串肉質嫩滑、豬肉串燒口感有啲似豬頸肉、而牛肉都幾惹味~另外佢個沙嗲醬汁好香,幾濃花生味 🥜 .▫️椰香咖央多士 $32(7.5/10)多士烘得幾脆,餐廳會將佢切開左4份,每一舊都充滿住牛油同咖央醬,幾好食😻.▫️美綠恐龍 $36(7/10)充滿住可可粉嘅凍美綠朱古力飲品,幾濃朱古力味之餘又唔會太甜⁽ ´꒳`⁾.餐廳價錢合理,而且野食都唔錯。之後突然想食馬來西亞菜都會黎番呢間餐廳再食(*•̀ᴗ•́*)و ̑̑如果鍾意我嘅𝐏𝐨𝐬𝐭 (˶ˊᵕˋ˵)希望你可以𝐅𝐨𝐥𝐥𝐨𝐰我@fibee3b 繼續閱讀
(以上食評乃用戶個人意見 , 並不代表OpenRice之觀點。)
等級2 2022-05-24
0 瀏覽
黎親銅鑼灣又吾想食咁貴就一定會黎蘇媽蘇媽,咖央多士就必叫嘅,因為真系好香好脆好好味!!咖央醬都好厚,有成塊包咁厚,再加牛油真系仲香,個包即烘嘅應該,上枱嘅時候都仲好脆。 除咗咖央多士,我仲叫咗個喇沙,叫嘅時候個職員有問我地食吾食得辣,話佢本身都幾辣,但因為個湯冇得較辣度,set好晒,如果吾食得辣就叫過第樣。咁我就好吾識死咁照叫,結果真系好辣,辣到即刻叫番杯凍野飲先!但辣還辣,佢又真系幾惹味,雖然成碗都好似得配菜咁冇肉食,但就系個湯底都夠晒。不過真系好辣。 繼續閱讀
(以上食評乃用戶個人意見 , 並不代表OpenRice之觀點。)
等級2 2022-05-24
0 瀏覽
而家多反出街食飯,就想食d 特色野😁,行行下行到le 間門口,都唔 醒起銅鑼灣開咗分店 二話不說的卡衝入去鋪頭都算大, 裝修好有南洋風味, 真係好似去咗馬來西亞咁,好耐無食過蝦面,個🦐蝦面味道就好似我係 馬來西亞食既味道👍👍,個湯好濃,少少辣,不過我唔食得辣都食到, 配埋杯馬來拉茶🥤,有旅行既感覺😍😍 繼續閱讀
(以上食評乃用戶個人意見 , 並不代表OpenRice之觀點。)