宏 (已搬遷) 新店位置

係The One經過呢間餐廳，俾門口嘅甜品櫃深深吸引住咗，所以就試下你啦 😆🥢 日本野菜天婦羅冷海藻烏冬食物黎到首先將配料(wasabi、蔥) 倒入冷麵汁攪均，之後夾一小撮冷烏冬，浸落冷麵汁再食。烏冬口感彈牙，配上冷麵汁唔會好咸，仲有wasabi同蔥既香味，味道同口感都唔錯。而最驚喜既係野菜天婦羅，由蔬菜絲炸成，口感好香脆，入面有好甜既蕃薯條，又唔會炸到好乾，非常之唔錯。🍴 京都宇治抺茶軟雪糕芭菲雪糕上台時已經開始想溶，所以要儘快食。雪糕有香濃既抹茶味，配上絕配既紅豆，令味道更豐富。