瀛豐放題料理專門店

營業中

休息中

今日早放工，出咗去銅鑼灣行吓，晚餐就揀咗呢間食日泰放題嘅「灜豐放題料理專門店」試吓。原價$259，見佢加$148可以升級凍海鮮同刺身，有驚喜。餐廳係3樓，我哋揀咗window seat，可以一邊食一邊欣賞銅鑼灣特色街景，唔錯呀！🍱刺身拼盤擺盤精美，刺身有10幾款，好吸引！刺身新鮮又鮮美，一啖啖放入口，超享受😋。～海膽帶子，呢個一定要試，帶子嘅鮮甜同海膽嘅鮮美，都算完美配合。🦪🦀🦐凍海鮮拼盤一送上枱，見到盒新鮮魚子😍覺得超值，仲有松葉蟹腳，鮑魚，青口，赤蝦，翡翠螺，全部都好好味，推呀！值得一提嘅就係每日限量嘅蟲草花圓肉燉雞湯，都好正，食完凍海鮮，再飲熱湯，絕！當然餐廳仲有其他日泰美食、小食、飲品可以選擇，我哋叫咗炸芝士年糕，炸香蕉，榴槤糯米糍，雪糕，超滿足嘅一餐。